ಎಡಬಿಡಂಗಿ ಅಮರ್ ಸಿಂಗ್ ತಿಹಾರ್ ಜೈಲಿನಲ್ಲಿ ಏಕಾಂಗಿ

ನವದೆಹಲಿ, ಸೆ.8: ನಟಿ ಜಯಪ್ರದಾ, ಬಿಪಾಶಾ ಬಸು, ಅಮಿತಾಬ್ ಬಚ್ಚನ್ ಸೇರಿದಂತೆ ಬಾಲಿವುಡ್‌ನ‌ ಅನೇಕ ನಟ-ನಟಿಯರು ಹಾಗೂ ಪ್ರಸಿದ್ಧ ರಾಜಕಾರಣಿಗಳ ಪಕ್ಕದಲ್ಲೇ ಇರುತ್ತಿದ್ದ 'ಸಮಾಜವಾದಿ' ಅಮರ್ ಸಿಂಗ್‌ ಈಗ ತಿಹಾರ್ ಜೈಲಿನಲ್ಲಿ ಏಕಾಂಗಿ. ಐಷಾರಾಮಿ ಬಂಗಲೆಗಳಲ್ಲಿ, ಹೋಟೆಲ್‌ಗ‌ಳಲ್ಲಿ ತಂಗುತ್ತಿದ್ದ ಅವರೀಗ 10 ಅಡಿ ಅಗಲದ, 15 ಅಡಿ ಉದ್ದದ ಕೋಣೆಯಲ್ಲಿ ವಾಸಿಸುತ್ತಿದ್ದಾರೆ.

ಮಂಗಳವಾರ ಜೈಲು ಸೇರಿದ ಅಮರ್ ಸಿಂಗ್‌ಗೆ ಕಿಡ್ನಿ ಸಮಸ್ಯೆ ಸೇರಿದಂತೆ ಅನಾರೋಗ್ಯ ತೀವ್ರವಾಘಿ ಬಾಧಿಸುತ್ತಿದೆ. ಅನಿವಾರ್ಯವಾಗಿ ಕೋಣೆಯಲ್ಲೇ ವಿಶ್ರಾಂತಿ ಪಡೆಯಬೇಕಿದೆ. ಕೊಠಡಿಯಲ್ಲೇ ಆಗಾಗ್ಗೆ ವಾಕಿಂಗು.

ಜೈಲಿನ ವೈದ್ಯರು ನಿಯಮಿತವಾಗಿ ಅಮರ್ ಆರೋಗ್ಯ ತಪಾಸಣೆ ಮಾಡುತ್ತಿದ್ದಾರೆ ಎಂದು ಜೈಲಧಿಕಾರಿಗಳು ತಿಳಿಸಿದ್ದಾರೆ. ಅಮರ್ ಪಕ್ಕದ ಸೆಲ್‌ನಲ್ಲಿ ಭ್ರಷ್ಟಾಚಾರ ಆರೋಪದ ಹಿನ್ನೆಲೆಯಲ್ಲಿ ಜಾರ್ಖಂಡ್‌ ಮುಖ್ಯಮಂತ್ರಿ ಮಧು ಕೋಡಾ ಇದ್ದಾರೆ.

ಅಮರ್ ಸಿಂಗ್‌ಗೆ ದಾಲ್‌, ಚಪಾತಿ, ಸಬ್ಜಿ ಹಾಗೂ ಅನ್ನ ನೀಡಲಾಗುತ್ತಿದೆ. ಅವರಿರುವ ಕೋಣೆಗೆ ಹವಾನಿಯಂತ್ರಿತ ವ್ಯವಸ್ಥೆಯಿಲ್ಲ. ಫ್ಯಾನ್‌ ಮಾತ್ರ ಇದೆ. ಪುಟ್ಟದೊಂದು ಟೀವಿ ಕೂಡ ಇದೆ. ಕೋಣೆಯೊಳಗೇ ಸ್ನಾನಗೃಹ, ಶೌಚಾಲಯವಿದೆ. ಅಮರ್ ಸಿಂಗ್‌ ಇದುವರೆಗೂ ವಿಶೇಷ ಸೌಲಭ್ಯಗಳನ್ನು ಕೇಳಿಲ್ಲ ಎಂದು ಅಧಿಕಾರಿಗಳು ವಿವರಿಸಿದ್ದಾರೆ.

English summary

Amar days in Tihar jail, Amar Singh judicial custody all alone in Tihar jail.