ಮದ್ಯದ ದಾಸರಾಗ ಬೇಡಿ; ಮರೆಗುಳಿತನಕ್ಕೆ ತುತ್ತಾಗಬೇಕಾದೀತು

ವಾಷಿಂಗ್ಟನ್, ಜು 12: ಮದ್ಯದ ಹ್ಯಾಂಗೋವರ್ ಬಲು ಅಪಾಯ. ರಾತ್ರಿ ಮದ್ಯಸೇವಿಸಿ, ಸುಖ ನಿದ್ರೆಯ ನಂತರ ಬೆಳಿಗ್ಗೆ ಏನೋ ಒಂದು ಬಗೆಯ ಮರೆಗುಳಿತನ ಕಾಡುತ್ತಿದೆ ಎಂದರೆ ಅದಕ್ಕೆ ಅತಿಯಾದ ಮದ್ಯಸೇವನೆಯೇ ಕಾರಣ ಎಂದು ವಿಜ್ಞಾನಿಗಳು ಹೇಳುತ್ತಾರೆ.

ಮದ್ಯಸೇವನೆ ಮೆದುಳಿನ ಜೀವಕೋಶಗಳನ್ನು ನಾಶಪಡಿಸುತ್ತವೆ ಎನ್ನಲಾಗುತ್ತಿತ್ತು. 'ಮದ್ಯ ಸೇವನೆಯಿಂದ ಮೆದುಳಿನ ಕೋಶಗಳು ನಾಶವಾಗುವುದಿಲ್ಲ. ಬದಲಿಗೆ ಮೆದುಳಿನಲ್ಲಿ ಉತ್ಪತ್ತಿಯಾಗುವ ಸ್ಟಿರಾಯ್ಡನಿಂದಾಗಿ ಹಳೆಯ ನೆನಪುಗಳು ನೆನಪಾಗದಂತೆ ತಡೆಹಿಡಿಯಲಾಗುತ್ತದೆ' ಎಂದು ಸಂಶೋಧನೆ ನಡೆಸುತ್ತಿರುವ ಸೈಂಟ್ ಲೂಯಿಸ್‌ನ ವೈದ್ಯಕೀಯ ವಿಶ್ವವಿದ್ಯಾಲಯ ಸಂಶೋಧಕ ಚಾರ್ಲ್ಸ್ ಝೊರುಮ್ಸ್ಕಿ ಹೇಳುತ್ತಾರೆ.

ಇದನ್ನು ಅರಿಯಲು ಇಲಿಗಳ ಮೇಲೆ ಸಂಶೋಧನೆ ನಡೆಸಲಾಯಿತು. ಇಲಿಗಳ ಮೆದುಳಿಗೆ ಅಗತ್ಯಕ್ಕಿಂತ ಹೆಚ್ಚು ಆಲ್ಕೊಹಾಲ್ ನೀಡಲಾಯಿತು. ಆ ಸಂದರ್ಭದಲ್ಲೂ ಜೀವಕೋಶಗಳು ಹಾನಿಯಾಗದ್ದು ಪತ್ತೆಯಾಗಿದೆ. ಆದರೆ ಆಲ್ಕೋಹಾಲ್ ಮೆದುಳಿಗೆ ಸೇರಿದ ನಂತರ ಅಲ್ಲಿನ ಜೀವಕೋಶಗಳು ಸ್ಟಿರಾಯ್ಡ್ ಉತ್ಪತ್ತಿಯನ್ನು ಹೆಚ್ಚಿಸಿತು. ಇದರಿಂದ ದೀರ್ಘಕಾಲದ ನೆನಪುಗಳು ನಾಶವಾಗಿದ್ದು ಸಂಶೋಧನೆಯಿಂದ ಗೊತ್ತಾಗಿದೆ ಎಂದು ಅವರು ಹೇಳುತ್ತಾರೆ

English summary

Alcohol use can cause brain cell death. Alcohol is an extremely toxic chemical which affects a number of cells and tissues throughout the body, including cells in the brain. Wayne State University explains that exposure to alcohol in moderate doses leads to brain cell death, which can cause memory loss or temporary paralysis.