ನಕಲಿ ಫೇಸ್ ಬುಕ್ ಪ್ರೊಫೈಲ್ ಸೃಷ್ಟಿ, ಅಳುತ್ತಾ ಕೂತಳು ಪುಟ್ಟಿ

ಉಡುಪಿ ಜು 6: ಸಾಮಾಜಿಕ ಜಾಲ ತಾಣ ಫೇಸ್‌ಬುಕ್‌ ಜನಪ್ರಿಯತೆ ಬರೀ ಬೆಂಗಳೂರು, ಮೈಸೂರಿಗೆ ಸೀಮಿತವಾಗಿಲ್ಲ. ಕರಾವಳಿಯಲ್ಲಿ ಇತ್ತೀಚೆಗೆ ಹಬ್ಬುತ್ತಿರುವ ಸೈಬರ್ ಕ್ರೈಂ ಗಳಲ್ಲಿ ಫೇಸ್ ಬುಕ್ ಪಾಲು ಇದೆ ಎಂಬುದು ಕಠೋರ ಸತ್ಯ.ಯುವತಿಯೊಬ್ಬಳ ಫೋಟೋ, ಮಾಹಿತಿ ಸಿಕ್ಕಿದ್ದೆ ತಡ ನಕಲಿ ಫೇಸ್ ಬುಕ್ ಪ್ರೊಫೈಲ್ಸೃಷ್ಟಿಸಿ, ಆಕೆ ಹೆಸರಿನಲ್ಲಿ ಕೊಳಕು ಸಂದೇಶಗಳು, ಫೋಟೋಗಳನ್ನು ಹರಡಿ ಖುಷಿ ಪಡುವ ವಿಕೃತ ಮನಸ್ಸುಗಳು ಹೆಚ್ಚುತ್ತಿವೆ.

ಮಣಿಪಾಲದ ಮಾಂಡವಿ ಪರ್ಲ್ ಸಿಟಿಯಲ್ಲಿ ವಾಸವಾಗಿರುವ ನಿಮ್ರಾ ಅಸ್ವಿನ್ ಎಂಬ ಯುವತಿ ಮಣಿಪಾಲ ಪೊಲೀಸ್ ಠಾಣೆಯಲ್ಲಿ ಕುಳಿತು ತನ್ನ ಹೆಸರು ಕೆಡಸುತ್ತಿರುವವರನ್ನು ಹಿಡಿದು ಶಿಕ್ಷಿಸುವಂತೆ ಕೇಳುತ್ತಿದ್ದಳು. ಬ್ಲಾಗ್, ಫೇಸ್ ಬುಕ್ ಬಗ್ಗೆ ಅಲ್ವಸ್ವಲ್ಪವಾದರೂ ತಿಳಿದಿರುವ ಉಡುಪಿ ಪೊಲೀಸರು ಆಕೆಯನ್ನು ಸಮಾಧಾನಪಡಿಸಿ, ದೂರು ದಾಖಲಿಸಿಕೊಂಡು ಕಳಿಸಿದ್ದಾರೆ.

ನನಗೆ ಅರಿವಿಲ್ಲದಂತೆ ನನ್ನ ಫೋಟೋ ಹಾಗೂ ಇಮೇಲ್ ಮಾಹಿತಿ ಬಳಸಿ, ಫೇಸ್ ಬುಕ್ ನಲ್ಲಿ ಪ್ರೊಫೈಲ್ ಮಾಡಿದ್ದಾರೆ. ಬಳಿಕ ಸುಮಾರು 51 ಮಂದಿ ಗೆಳೆಯರನ್ನು ಜೋಡಿಸಿ ಎಲ್ಲರ ಜೊತೆಗೂ ಚಾಟಿಂಗ್ ಮಾಡಲಾಗಿದೆ. ಚಾಟಿಂಗ್ ನಲ್ಲಿ ಕೊಳಕು ಸಂಭಾಷಣೆ ನಡೆದಿರುವ ಸಾಧ್ಯತೆಯಿದೆ. ನನಗೆ ಕೊಳಕು ಸಂದೇಶಗಳಿಂದ ಮುಕ್ತಿ ಕೊಡಿಸಿ ಎಂದು ಟಿ.ಎಂ ರಹಮತುಲ್ಲಾ ಅವರ ಮಗಳು ನಿಮ್ರಾ ಅನ್ವಿಸ್ ದೂರು ನೀಡಿದ್ದಾರೆ.

ಅಪರಿಚಿತ ಆರೋಪಿಯ ವಿರುದ್ದ ಅಪರಾಧ ಕ್ರಮಾಂಕ 146/11 ಕಲಂ 66 ಎಐಟಿ ಕಾಯ್ದೆಯಡಿಯಲ್ಲಿ ಮೊಕದ್ದಮೆ ದಾಖಲಿಸಿಕೊಳ್ಳಲಾಗಿದ್ದು, ದುಷ್ಕರ್ಮಿಗಳ ಹುಡುಕಾಟ ಜಾರಿಯಲ್ಲಿದೆ. [ಫೇಸ್ ಬುಕ್ ಗೆಳೆಯರಿಗೆ ಜನ್ಮದಿನ ಶುಭಾಶಯ ಹೇಳಿ]

English summary

Nimra Anvis, resident of Mandavi Pearl City complex in Manipal has lodged a complaint of creating facebook account in her name and sending emails with malicious content to all. She alleged miscreants also used her photograph in the profile without her knowledge.