ಪೊಲೀಸರ ಮೇಲೆ ಮೊಲೆ ಹಾಲು ಸಿಂಪಡಿಸಿದ ಶಿಕ್ಷಕಿ ವಜಾ

ವಾಷಿಂಗ್ಟನ್ ಜು 4: ಬಂಧಿಸಲು ಬಂದ ಪೊಲೀಸರ ಮೇಲೆ ಮೊಲೆ ಹಾಲಿನ ಸಿಂಚನಗೈದಿದ್ದ ಮಹಿಳೆ ಈಗ ಉದ್ಯೋಗವನ್ನು ಕಳೆದುಕೊಂಡಿದ್ದಾಳೆ. ಕೌಟುಂಬಿಕ ಕಲಹ ಕೇಸ್ ಗೆ ಸಂಬಂಧಿಸಿದಂತೆ ಸ್ಟೆಪನಿ ರೊಬಿನೆಟ್ ರನ್ನು ಪೊಲೀಸರು ಬಂಧಿಸಲು ಬಂದಾಗ ಈ ರೀತಿ ವಿಚಿತ್ರ ಘಟನೆ ನಡೆದಿತ್ತು. ಪ್ರಾಥಮಿಕ ಶಾಲಾ ಶಿಕ್ಷಕಿಯಾಗಿರುವ ಸ್ಟೆಪನಿ ಅವರನ್ನು ಕೆಲಸದಿಂದ ತೆಗೆದು ಹಾಕಲಾಗಿದೆ.

ಕೌಟುಂಬಿಕ ಕಲಹ ಹಾಗೂ ಹಿಂಸೆಗೆ ಸಂಬಂಧಿಸಿದಂತೆ 30 ವರ್ಷದ ಓಹಿಯೊದ ನಿವಾಸಿ ಸ್ಟೆಪನಿ ರೊಬಿನೆಟ್ ಎಂಬುವವರನ್ನು ಬಂಧಿಸಲು ಪೊಲೀಸರು ಬಂದಿದ್ದು, ಇದನ್ನು ವಿರೋಧಿಸಿದ ಆಕೆ ತಕ್ಷಣವೆ ತನ್ನ ಬಟ್ಟೆ ಕಳಚಿ ಬಲ ಮೊಲೆಯಿಂದ ಹಾಲಿನ ಸಿಂಚನ ಮಾಡತೊಡಗಿದಳು.

ತಾನು ಮೊಲೆ ಹಾಲನ್ನು ಉಣಿಸುವ ತಾಯಿ ಎಂದು ಹೇಳುತ್ತಾ ಪೊಲೀಸರು ಮತ್ತು ಕಾರಿನ ಮೇಲೆ ಮೊಲೆ ಹಾಲಿನ ಸಿಂಚನ ಮಾಡಲು ಆರಂಭಿಸಿದಳು. ಆಕೆಯನ್ನು ಹಿಡಿಯಲು ಮುಜುಗರ ಪಟ್ಟ ಗಂಡು ಪೊಲೀಸ್ ಪೇದೆಗಳು, ಮಹಿಳಾ ಪೊಲೀಸರನ್ನು ಕರೆಸಿಕೊಂಡು ಪ್ರಯಾಸಪಟ್ಟು ಬಂಧಿಸಿದ್ದಾರೆ.

ಸ್ಪೆಪನಿ ಪತಿ ರೊಬಿನೆಟ್ ಹೇಳಿಕೆ: ಅವರಿಬ್ಬರು ಒಂದು ಮದುವೆ ಪಾರ್ಟಿಗೆ ತೆರಳಿದ್ದರು. ಅಲ್ಲಿ ಆಕೆ ಕಂಠಪೂರ್ತಿ ಕುಡಿದು ನಶೆ ಏರಿಸಿಕೊಂಡಿದ್ದಳು. ಇದರ ಬಳಿಕ ಜಗಳ ಮಾಡಲು ಆರಂಭಿಸಿದಳು. ಆಕೆ ತನ್ನ ಮೇಲೆ ಹಲ್ಲೆ ನಡೆಸಿದ ಬಳಿಕ ಕಾರಿನೊಳಗೆ ಲಾಕ್ ಮಾಡಿ ಕುಳಿತುಕೊಂಡಳು ಕೊನೆಗೆ ಪೊಲೀಸರಿಗೆ ಕರೆ ಮಾಡಿದೆ.

ಕುಟುಂಬ ಕಲಹ, ಹಲ್ಲೆ, ಅಧಿಕಾರಿಗಳ ನಿಂದನೆ, ಬಂಧನಕ್ಕೆ ಪ್ರತಿರೋಧ ಅನಾಗರೀಕ ವರ್ತನೆ ಮುಂತಾದ ಆರೋಪ ಎದುರಿಸುತ್ತಿರುವ ಸ್ಟೆಪನಿಯನ್ನು ಸಮ್ಮಿಟ್ ಅಕಾಡೆಮಿ ಕೆಲಸದಿಂದ ವಜಾಮಾಡಿದೆ. ಅಲ್ಲದೆ ಟೀಚರ್ ಲೈಸನ್ಸ್ ಅನ್ನು ಹಿಂದಕ್ಕೆ ಪಡೆಯುವಂತೆ ಡೆಲ್ ವೇರ್ ಪ್ರಾಂತ್ಯದ ಶಿಕ್ಷಣಾಧಿಕಾರಿಗಳಿಗೆ ಸೂಚಿಸಿದೆ.

ಆಶ್ ಲ್ಯಾಂಡ್ ವಿವಿಯಿಂದ ಮಾಸ್ಟರ್ ಡಿಗ್ರಿ ಪಡೆದಿರುವ ಸ್ಪೆಪನಿ, ಆಟಿಸಂ ಪೀಡಿತ ಮಕ್ಕಳು ಹಾಗೂ ಇತರೆ ಅಸ್ವಸ್ಥ ಮಕ್ಕಳಿಗೆ ಪಾಠ, ತರಬೇತಿ ನೀಡುವಲ್ಲಿ ನಿಷ್ಣಾತೆಯಾಗಿದ್ದಾರೆ.

;

English summary

Less than a week after spraying Ohio police with breast milk while resisting arrest, an elementary-school teacher Stephanie Robinette has been fired from her job.