ಗುಜರಾತ್ 'ಆಕ್ಸಿಡೆಂಡ್' : 20 ಯಾತ್ರಾರ್ಥಿಗಳ ಸಾವು

ಅಹಮದಾಬಾದ್, ಜೂನ್ 9: ದೋಲ್ಕಾ-ಬಗೋದ್ರಾ ಹೆದ್ದಾರಿಯಲ್ಲಿ ಗುರುವಾರ ಬೆಳಗಿನ ಜಾವ ಮಲಗಿದ್ದ ಯಾರ್ತಾರ್ಥಿಗಳ ಮೇಲೆ ಟ್ರಕ್ ಹರಿದು 20 ಮಂದಿ ಸಾವಿಗೀಡಾಗಿದ್ದಾರೆ. ಅಪಘಾತದಲ್ಲಿ 16 ಮಂದಿ ಸ್ಥಳದಲ್ಲೇ ಮೃತಪಟ್ಟಿದ್ದು, 15 ಮಂದಿ ತೀವ್ರವಾಗಿ ಗಾಯಗೊಂಡರು. ಮೃತರಲ್ಲಿ 9 ಮಹಿಳೆಯರೂ ಸೇರಿದ್ದಾರೆ. ಗಾಯಾಳುಗಳನ್ನು ಘಟನಾ ಸ್ಥಳದಿಂದ 55 ಕಿ.ಮೀ. ದೂರದಲ್ಲಿರುವ ಅಹಮದಾಬಾದಿನ ಆಸ್ಪತ್ರೆಗೆ ಸೇರಿಸಲಾಗಿದೆ.

ಯಾತ್ರಾರ್ಥಿಗಳ ತಂಡ ದೋಲ್ಕಾದಲ್ಲಿರುವ ಪೀರ್ ಬಾನಾ ದರ್ಗಾದಲ್ಲಿ ಪ್ರಾರ್ಥನೆ ಸಲ್ಲಿಸಲು ತೆರಳುತ್ತಿತ್ತು. ಮಾರ್ಗ ಮಧ್ಯೆ ಆಯಾಸ ಪರಿಹರಿಸಿಕೊಳ್ಳಲು ಸ್ವಲ್ಪ ಕಾಲ ರಸ್ತೆ ಬದಿಯೇ ನಿದ್ರೆಗೆ ಜಾರಿದ್ದರು. ಆ ವೇಳೆ ಯಮರೂಪಿ ಟ್ರಕ್ ಬಂದು 20 ಮಂದಿಯನ್ನು ಆಹುತಿ ತೆಗೆದುಕೊಂಡಿದೆ. ಚಾಲಕನ ನಿಯಂತ್ರಣ ತಪ್ಪಿ ಈ ದುರ್ಘನೆ ಸಂಭವಿಸಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

English summary

At least 20 pilgrims were killed when a truck lost control and ran over them on Bavla Bagodara highway in Ahmedabad on Thursday Morning (June 9).