ಒಲಂಪಿಕ್ಸ್ ನೆಪದಲ್ಲಿ ಲಂಡನ್ನಿನಲ್ಲಿ ಮಾದಕ ದ್ರವ್ಯ, ವೇಶ್ಯೆಯರ ಕಾರುಬಾರು

ಲಂಡನ್, ಜೂನ್ 6 : ಮಾದಕ ದ್ರವ್ಯ, ಮೋಹಕ ಬೆಡಗಿಯರು ಲಂಡನ್ ನತ್ತ ದೌಡಾಯಿಸುತ್ತಿದ್ದಾರೆ. 2012 ಇಲ್ಲಿ ವಿಶ್ವದ ಮಹಾನ್ ಕ್ರೀಡಾಕೂಟ ಒಲಂಪಿಕ್ಸ್ ಜರುಗಲಿರುವುದರಿಂದ ಇಂತಹ ಅನಾಹುತಕ್ಕೆ ಲಂಡನ್ ಸಾಕ್ಷಿಯಾಗಲಿದೆ. ಇದಕ್ಕೆ ರಷ್ಯಾದ ಡ್ರಗ್ ಮಾಫಿಯಾ ಕಾರಣೀಭೂತವಾಗಲಿದೆ.

ಈಗಾಗಲೇ ಪೂರ್ವ ಲಂಡನ್ನಿನ ಸ್ಟ್ರಾಟ್ ಫೋರ್ಡ್ ನಲ್ಲಿ ವಿಶ್ವದ ಅತಿ ಭಯಾನಕ ಮಾಫಿಯಾ ಗ್ಯಾಂಗ್ ಅಂಗಡಿ ತೆರೆದಿಟ್ಟುಕೊಂಡು ಕುಳಿತಿವೆ. ಒಲಂಪಿಕ್ಸ್ ನೆಪದಲ್ಲಿ ರಾಜಧಾನಿಗೆ ಲಕ್ಷಾಂತರ ಜನ ಬಂದು ಹೋಗುವುದರಿಂದ ಇಂತಹ ವ್ಯವಸ್ಥೆಯನ್ನು ಸ್ಥಾಪಿಸಲು ರಷ್ಯಾ ಡ್ರಗ್ಸ್ ಕುಳಗಳು ಜಾಲ ಬೀಸಿವೆ. ಲಂಡನ್ ನಲ್ಲಿಯೂ ಇವರಿಗೆ ನೆರವಾಗಲು ಅನೇಕ ಸಮಾಜಘಾತುಕ ಶಕ್ತಿಗಳು ನೆಲೆಸಿವೆ.

'ಮಾದಕ ದ್ರವ್ಯ ಮತ್ತು ಮೋಹಕ ವೇಶ್ಯೆಯರು ಕ್ರಿಮಿನಲ್ ಗ್ಯಾಂಗ್ ಗಳಿಗೆ ಖಂಡಿತ ದುಡ್ಡು ತರುವಂತಹುವು. ಇವರು ಆತ್ಮಾಹುತಿ ಉಗ್ರರಿಗಿಂತ ಭಿನ್ನವಾಗಿರುವ ಭಯೋತ್ಪಾದಕರು. ಇವರಿಗೂ ಅಮಾಯಕರೇ ಗುರಿಯಾಗುತ್ತಾರೆ.

'ಕ್ರೀಡಾಕೂಟದ ವೇಳೆ ಬ್ರಿಟಿಷರೂ ಸೇರಿದಂತೆ ಅನೇಕ ವಿದೇಶಿಯರು ಕ್ಲಬ್, ಲ್ಯಾಪ್ ಡ್ಯಾನ್ಸ್ ಬಾರ್ ಗಳಿಗೆ ಭೇಟಿ ನೀಡುತ್ತಾರೆ. ಇಲ್ಲಿ ವೊಡ್ಕಾ, ಮಾದಕ ದ್ರವ್ಯಕ್ಕೆ ಕೊರತೆ ಇರದು. ಇದರಿಂದ ಅಂತಿಮವಾಗಿ ಜನ ಮಾಫಿಯಾದವರನ್ನು ಪ್ರೋತ್ಸಾಹಿಸಿದಂತಾಗುತ್ತದೆ.ಆದರೆ ಈ ಬಗ್ಗೆ ನಾವು ನಿಗಾ ವಹಿಸಿದ್ದೇವೆ' ಎಂದು ಸ್ಕಾಟ್ಲೆಂಡ್ ಯಾರ್ಡ್ ಪೊಲೀಸರು ಹೇಳಿದ್ದಾರೆ.

English summary

London Olympic chiefs are likely to face new trouble in the run-up to the 2012 Games, as the Russian mafia is set to flood the city with drugs, prostitutes and extortion rackets. Gangsters from one of the world's most feared mobs have set up business around the site in Stratford, East London.