ಗುಲ್ಬರ್ಗಾದಲ್ಲಿ ಕಾರು ಅಪಘಾತ, ಮೂರು ಸಾವು

ಗುಲ್ಬರ್ಗಾ, ಮೇ 3: ಜಿಲ್ಲೆಯ ಕಮಲಾಪುರ ನಗರದಲ್ಲಿ ನಿನ್ನೆ ರಾತ್ರಿ ಕಾರೊಂದು ಕಮರಿಗೆ ಉರುಳಿ ಮೂರು ಮಂದಿ ಸಾವನ್ನಪ್ಪಿದ್ದಾರೆ ಮತ್ತು ಒಬ್ಬರು ಗಾಯಗೊಂಡಿದ್ದಾರೆ. ಹೈದರಾಬಾದ್ ಸಂಬಂಧಿಕರ ಮನೆಯಿಂದ ಊರಿಗೆ ಹಿಂದುರುಗುತ್ತಿದ್ದಾಗ ರಸ್ತೆ ಬದಿಯಲ್ಲಿನ ಸುರಕ್ಷತೆಗೆ ಅಳವಡಿಸಿರುವ ಪಿಲ್ಲರ್ ಗೆ ಡಿಕ್ಕಿಹೊಡೆದು ಈ ದುರ್ಘಟನೆ ನಡೆದಿದೆ ಎಂದು ಪೋಲಿಸರು ಮಾಹಿತಿ ನೀಡಿದ್ದಾರೆ.

ಮೃತರನ್ನು ಶಿವರುದ್ರಪ್ಪ(70), ಗುಲ್ಬರ್ಗಾದಲ್ಲಿ ವೈದ್ಯರಾಗಿರುವ ಜಗನ್ನಾಥ್ ಪಾಟೀಲ್(48) ಮತ್ತು ಜ್ಯುವಲೆರಿ ಶಾಪ್ ಒಂದರ ಮಾಲೀಕರಾದ ಅಣ್ಣಾರಾಚ್ ಎಸ್ ಸರದಗಿ ಎಂದು ಗುರುತಿಸಲಾಗಿದೆ. ನಾಗೇಂದ್ರ ಎಂಬವರು ಗಾಯಗೊಂಡು ಸರಕಾರಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಈ ಕುರಿತು ಪ್ರಕರಣ ದಾಖಲಿಸಲಾಗಿದ್ದು ವಿಚಾರಣೆ ನಡೆಸಲಾಗುತ್ತಿದೆ ಎಂದು ಪೋಲಿಸರು ತಿಳಿಸಿದ್ದಾರೆ.

English summary

Three people were killed and one injured when their car fell into a ditch after hitting a road side safety pillar near Kamalalapur in the Gulbarga last night.