ನೋಕಿಯಾ ಕಿಲ್ಲರ್ ಮ್ಯೂಸಿಕ್ ಮೊಬೈಲ್

ಹೆಲ್ಸಿಂಕಿ, ಮಾ.9: ಅತಿ ಕಡಿಮೆ ಬೆಲೆ ಉತ್ತಮ ಗುಣಮಟ್ಟದ ಮ್ಯೂಸಿಕ್ ಮೊಬೈಲ್ ಅನ್ನು ಜಾಗತಿಕ ಮೊಬೈಲ್ ಉತ್ಪಾದನಾ ಸಂಸ್ಥೆ ನೋಕಿಯಾ ಮುಂದಾಗಿದೆ. ನೋಕಿಯಾ X1-೦೦ ಮೂಲಕ ಮೊಬೈಲ್ ಫೋನ್ ಹೊಂದಿರದ ಲಕ್ಷಾಂತರ ಜನರನ್ನು ತನ್ನ ತೆಕ್ಕೆಗೆ ಸೆಳೆಯಲು ಯೋಜನೆ ಹಾಕಿಕೊಂಡಿದೆ. ಸಂಗೀತ ಪ್ರಿಯ ಗ್ರಾಹಕರಿಗೆ ಹೇಳಿ ಮಾಡಿಸಿದಂಥ ಬೇಸಿಕ್ ಮೊಬೈಲ್ ಫೋನ್ ಇದಾಗಿದೆ ಎಂದು ನೋಕಿಯಾ ಸಂಸ್ಥೆ ಹೇಳಿಕೊಂಡಿದೆ.

ಉತ್ತಮವಾದ ಧ್ವನಿವರ್ಧಕ ಹೊಂದಿರುವ ನೋಕಿಯಾ x1-00 ಮೊಬೈಲ್ ನಲ್ಲಿ ಹೈ ವಾಲ್ಯೂಮ್ ನೀಡಿದಾಗಲೂ ಹೆಚ್ಚಿನ ವೈಬ್ರೇಷನ್ ಇಲ್ಲದೆ ಸ್ಪಷ್ಟವಾಗಿ ಸಂಗೀತವನ್ನು ಆಲಿಸಬಹುದಾಗಿದೆ. ಹೆಚ್ಚು ಗದ್ದಲದಿಂದ ಕೂಡಿರುವ ಪ್ರದೇಶಗಳಲ್ಲಿ ಮೊಬೈಲ್ ನಲ್ಲಿ ಸಂಗೀತ ಆಲಿಸುವುದಿರಲಿ, ಸಂಭಾಷಣೆ ನಡೆಸುವುದೇ ಕಷ್ಟ. ಆದರೆ ಈ ಮೊಬೈಲ್ ಮೂಲಕ ಇಂಥ ಪ್ರದೇಶದಲ್ಲೂ ಕೂಡಾ ಸ್ಪಷ್ಟವಾಗಿ ಧ್ವನಿ ಆಲಿಸುವಂತೆ ವಿನ್ಯಾಸಗೊಳಿಸಲಾಗಿದೆ.

ಹೆಚ್ಚು ಹೆಚ್ಚು ಹಾಡುಗಳನ್ನು ಶೇಖರಿಸಿಟ್ಟುಕೊಳ್ಳಲು ಅನುಕೂಲವಾಗುವಂತೆ 16GB ಮೆಮೋರಿ ನೀಡಲಾಗುತ್ತಿದೆ. ಮ್ಯೂಸಿಕ ಹಾಗೂ ವಿಡಿಯೋ ಫೈಲ್ ಗಳನ್ನು ಇದರಲ್ಲಿರಿಸಬಹುದು. ಪ್ಲೇಲಿಸ್ಟ್ ಕ್ರಿಯೇಟರ್, 3.5mm ಆಡಿಯೋ ಜಾಕ್, ಎಫ್ ಎಂ ರೇಡಿಯೋ ಮುಂತಾದ ಸೌಲಭ್ಯ ಗಳಿವೆ. ಸಿಂಬಿಯಾನ್ ಎಸ್ 30 ಆಪರೇಟಿಂಗ್ ಸಿಸ್ಟಮ್ ಹೊಂದಿರುವ ಈ ಮೊಬೈಲ್ ನಲ್ಲಿ 1.8 ಇಂಚಿನ ಟಿಎಫ್ ಟಿ ಸ್ಕ್ರೀನ್ ಇದೆ. ಸ್ಟ್ಯಾಂಡ್ ಬೈ ಬ್ಯಾಟರಿ ಅವಧಿ 61 ದಿನಗಳವರೆಗೂ ಇರುತ್ತದೆ. 13.1 ಗಂಟೆಗಳ ನಿರಂತರ ಟಾಕ್ ಟೈಮ್ ಕೂಡಾ ಇದ್ದು, ಗ್ರಾಹಕ ಸ್ನೇಹಿ ಎನಿಸಿದೆ.

ಲಕ್ಷಾಂತರ ಜನರನ್ನು ಒಮ್ಮೆಗೆ ತನ್ನ ಸುಪರ್ದಿಗೆ ಸೆಳೆದುಕೊಳ್ಳಲು ನೋಕಿಯಾ ಹೊರತಂದಿರುವ ಈ ಮೊಬೈಲ್ ಬೆಲೆ ಸುಮಾರು 2,500 ರು. ಡಿಸ್ ಪ್ಲೇ ಸ್ಕ್ರೀನ್ ಇನ್ನಷ್ಟು ಹಿರಿದಾಗಿಸುವುದರ ಜೊತೆಗೆ ಹೆಚ್ಚಿನ ಮೆಮೋರಿ ವಿಸ್ತರಣೆಗೆ ಅನುಕೂಲ ಕಲ್ಪಿಸಬಹುದಿತ್ತು. ಪ್ರತಿಸ್ಪರ್ಧಿ ಕಂಪೆನಿಗಳು 32 ಜಿಬಿ ತನಕ ನೀಡುತ್ತಿರುವಾಗ, ನೋಕಿಯಾ ತನ್ನ ಈ ಹಿಂದಿನ ಬೇಸಿಕ್ ಹ್ಯಾಂಡ್ ಸೆಟ್ ಗೂ ನೀಡಿದ ಸೌಲಭ್ಯವನ್ನು ನೋಕಿಯಾ ಎಕ್ಸ್ 1-00ದಲ್ಲೂ ಮುಂದುವರೆಸಬಹುದಾಗಿತ್ತು. ಆದರೂ, ಕೊಟ್ಟ ಕಾಸಿಗಿಂತ ಹೆಚ್ಚಿನ ಕಜ್ಜಾಯವನ್ನು ಗ್ರಾಹಕರು ನಿರೀಕ್ಷಿಸಬಹುದು.

English summary

Nokia X1-00 review : Nokia has announced the launch of a new affordable mobile, Nokia X1-00, aimed at the music lovers and the Next Billion. Nokia X1-00 has affordable price of around Rs 2,500. Nokia X1-00 has a massive speaker on the back.