ತಲೆ ಎತ್ತಲಿದೆ ದೇಶದಲ್ಲಿನ ಅತಿದೊಡ್ಡ ಮಸೀದಿ

ತಿರುವನಂತಪುರಂ ಫೆ 11: ಕೇರಳದ ಕೋಳಿಕೋಡ್ ನಲ್ಲಿ ದೇಶದ ಅತಿದೊಡ್ಡ ಮಸೀದಿ ತಲೆ ಎತ್ತಲಿದೆ. ಇದುವರೆಗೆ ದೇಶದಲ್ಲಿನ ಅತಿದೊಡ್ಡ ಮಸೀದಿ ಎನ್ನುವ ಕೀರ್ತಿಗೆ ಪಾತ್ರವಾಗಿರುವ ದೆಹಲಿಯ ಜಾಮಿಯಾ ಮಸೀದಿ ಇನ್ನು ಎರಡನೆ ಸ್ಥಾನಕ್ಕೆ ತಳ್ಳಲ್ಪಡುತ್ತದೆ.

40 ಕೋಟಿ ರೂಪಾಯಿ ವೆಚ್ಚದಲ್ಲಿ ನಿರ್ಮಾಣವಾಗಲಿರುವ ಈ ಮಸೀದಿಯಲ್ಲಿ ಏಕಕಾಲಕ್ಕೆ 25 ರಿಂದ 30 ಸಾವಿರ ಜನ ಪ್ರಾರ್ಥನೆ ನಡೆಸಬಹುದು. 2.5 ಲಕ್ಷ ಚದರಡಿಯಲ್ಲಿ ಈ ಮಸೀದಿ ನಿರ್ಮಾಣವಾಗಲಿದೆ. ಈ ಮಸೀದಿಯ ಹೆಸರು ಶಾರ್-ಇ-ಮುಬಾರಕ್.

12 ಎಕರೆ ಪ್ರದೇಶದಲ್ಲಿ ಮುಖ್ಯ ಕಟ್ಟಡಕ್ಕೆ ನಾಲ್ಕು ಎಕರೆ ಮೀಸಲಿಡಲಾಗಿದೆ. ಉಳಿದ ಎಂಟು ಎಕರೆಯಲ್ಲಿ ಮೊಗಲ್ ಸಾಮ್ರಾಜ್ಯವನ್ನು ನೆನಪಿಸುವ ರಮ್ಯ ಮನೋಹರ ಹೂದೋಟ, ಹುಲ್ಲುಗಾಸು ಇತ್ಯಾದಿಗಳಿಗಾಗಿ ಬಳಸಿಕೊಳ್ಳಲಾಗುವುದೆಂದು ಕಟ್ಟಡ ವಿನ್ಯಾಸಕಾರ ಸುದ್ದಿಸಂಸ್ಥೆಗೆ ತಿಳಿಸಿದ್ದಾರೆ.

English summary

Kozhikode to get India's biggest mosque in two years