ಬೆಸ್ಕಾಂ ಸಹಾಯವಾಣಿ ಬಳಸಿ : ಸಚಿವೆ ಶೋಭಾ
ರೈತರ ಅನುಕೂಲಕ್ಕಾಗಿ ಬೇಸಿಗೆಯಲ್ಲೂ 6 ಗಂಟೆಗಳ ಕಾಲ ಮೂರು ಫೇಸ್ ಹಾಗೂ ಗ್ರಾಮೀಣ ಪ್ರದೇಶದ ಮಕ್ಕಳ ವಿದ್ಯಾಭ್ಯಾಸದ ಅನುಕೂಲಕ್ಕಾಗಿ ಸಂಜೆ 6 ಗಂಟೆಯಿಂದ ಬೆಳಗ್ಗೆ 6 ಗಂಟೆವರೆಗೂ ಸಿಂಗಲ್ ಫೇಸ್ ವಿದ್ಯುತ್ ಪೂರೈಕೆ ಮಾಡಲಾಗುವುದು ಎಂದು ಹೇಳಿದರು.
ಬೆಸ್ಕಾಂನಲ್ಲಿ ವಿದ್ಯುತ್ ಸಾಗಿಸುವಾಗ ಉಂಟಾಗುವ ಸೋರಿಕೆಯ ಪ್ರಮಾಣ ಶೇ.15 ರಿಂದ 13ಕ್ಕೆ ಇಳಿಕೆಯಾಗಿದೆ. ಉಳಿದಂತೆ ಮೆಸ್ಕಾಂ, ಹೆಸ್ಕಾಂ, ಜೆಸ್ಕಾಂಗಳಲ್ಲಿ ಈ ಪ್ರಮಾಣ ಶೇ.22ಕ್ಕೆ ಏರಿಕೆಯಾಗಿದೆ. ವಿದ್ಯುತ್ ಸೋರಿಕೆಯನ್ನೂ ಪೂರ್ಣಪ್ರಮಾಣದಲ್ಲಿ ತಡೆಗಟ್ಟಲು ಕ್ರಮ ಕೈಗೊಳ್ಳಲಾಗುವುದು ಎಂದು ತಿಳಿಸಿದರು.
ಸಹಾಯವಾಣಿ : ಬೆಂಗಳೂರು ವಿದ್ಯುತ್ ಸರಬರಾಜು ಕಂಪನಿ ವಿದ್ಯುತ್ ಸಂಬಂಧಿ ಸಮಸ್ಯೆಗಳ ಪರಿಹರಿಸುವ ಹಿನ್ನೆಲೆಯಲ್ಲಿ ನೂತನ ಸೇವಾ ವಾಹನಗಳಿಗೆ ಸಚಿವೆ ಶೋಭಾ ಚಾಲನೆ ನೀಡಿದರು. ಬೆಸ್ಕಾಂನ ವ್ಯಾಪ್ತಿಯ ಗ್ರಾಹಕರ ಅನುಕೂಲಕ್ಕಾಗಿ 58 ವಾಹನಗಳನ್ನು ಸೇವೆಗೆ ನಿಯೋಜಿಸಲಾಗಿದೆ. ಸದ್ಯಕ್ಕೆ 12 ವಾಹನಗಳು ಕಾರ್ಯಾರಂಭ ಮಾಡಿದ್ದು, ಈ ತಿಂಗಳ ಅಂತ್ಯದೊಳಗಾಗಿ ಉಳಿದ ವಾಹನಗಳು ಸೇವೆ ಆರಂಭಿಸಲಿವೆ.
ದಿನದ 24 ಗಂಟೆಯೂ ಸಾರ್ವಜನಿಕರು ಟೋಲ್ ಫ್ರೀ ದೂರವಾಣಿ- (080) 2287 3333 ಸಂಖ್ಯೆಗೆ ಕರೆಮಾಡಿ ಸಹಾಯ ಪಡೆಯಬಹುದಾಗಿದೆ. ಕರೆ ಮಾಡಿದ ಕೂಡಲೇ ಸಿಬ್ಬಂದಿ ಸ್ಥಳಕ್ಕೆ ಆಗಮಿಸಿ ಸೇವೆ ನೀಡಲಿದ್ದು, ಪ್ರತಿ ವಾಹನದಲ್ಲಿ ಐದು ಮಂದಿ ಸಿಬ್ಬಂದಿ ಇದ್ದು, ಯಾವುದೇ ವಿದ್ಯುತ್ ಸಂಬಂಧಿ ಸಮಸ್ಯೆಗಳಿದ್ದರೂ ಸೇವೆ ನೀಡಲಿದ್ದಾರೆ. [ಶೋಭಾ ಕರಂದ್ಲಾಜೆ]
Click it and Unblock the Notifications
Sign in with Google