ಪ್ರಿಯಕರನಿಂದ ಪ್ರೇಯಸಿಯ ಅಶ್ಲೀಲ ಎಂಎಂಎಸ್ ಬಯಲು

By Prasad

Published: Wednesday, January 12, 2011, 16:43 [IST]

ಬೆಂಗಳೂರು, ಜ. 12 : ಮದುವೆಯಾಗಲು ಒಪ್ಪದ ಮಾಜಿ ಸ್ನೇಹಿತೆಯ ಅಶ್ಲೀಲ ವಿಡಿಯೋ ಕ್ಲಿಪ್ಪಿಂಗ್ ಗಳನ್ನು ಯುಟ್ಯೂಬ್ ನಲ್ಲಿ ಹರಿಯಬಿಟ್ಟ ಭಗ್ನ ಪ್ರೇಮಿ ಉತ್ತರ ಕರ್ನಾಟಕದಾದ್ಯಂತ ಭಾರೀ ಕೋಲಾಹಲವೆಬ್ಬಿಸಿದ್ದಾನೆ.

ಮೈಸೂರು ಮಲ್ಲಿಗೆ, ಪುತ್ತೂರು ಮಲ್ಲಿಗೆ ನಂತರ ಯೂಟ್ಯೂಬ್ ನಲ್ಲಿ ಹರಿದಾಡುತ್ತಿರುವ ಈ ವಿಡಿಯೋ ತುಣುಕಿನಲ್ಲಿ ಭಾಗಿಯಾಗಿರುವುದು ಧಾರವಾಡದ ಮಾಜಿ ಸುಂದರಿ. ಸುಂದರಿ ಮದುವೆಯಾಗಿದ್ದು ಗೊತ್ತಿದ್ದರೂ ಮತ್ತೆ ಮದುವೆಯಾಗಲು ಒತ್ತಾಯಿಸುತ್ತಿದ್ದ ಪ್ರೇಮಿ, ಆಕೆ ನಿರಾಕರಿಸುತ್ತಿದ್ದಂತೆ ವಿಡಿಯೋಗಳನ್ನು ಯುಟ್ಯೂಬಿಗೆ ಅಪ್ಲೋಡ್ ಮಾಡಿದ್ದಾನೆ.

ಹಿಂದಿನ ಕಥೆ : ಈಕೆ ಮಾಜಿ ರಾಜ್ಯ ಮಹಿಳಾ ಬ್ಯಾಡ್ಮಿಂಟನ್ ಚಾಂಪಿಯನ್. ಕರ್ನಾಟಕ ವಿಶ್ವವಿದ್ಯಾಲಯದಲ್ಲಿ ಓದುತ್ತಿದ್ದ ಈಕೆಗೆ ಅಶ್ವತ್ಥ್ ಎನ್ನುವ ಮದುವೆಯಾಗಿದ್ದ ಮನುಷ್ಯನ ಪರಿಚಯವಾಗುತ್ತದೆ. ಪರಿಚಯ ಸ್ನೇಹಕ್ಕೆ, ಸ್ನೇಹ ಪ್ರೇಮಕ್ಕೆ ತಿರುಗುತ್ತದೆ. ನಂತರ ಇವರಿಬ್ಬರೂ ಕೈಕೈ ಹಿಡಿದುಕೊಂಡು ಟೂರ್ನಾಮೆಂಟ್ ಗಾಗಿ ರಾಜ್ಯವೆಲ್ಲಾ ಸುತ್ತುತ್ತಾರೆ. ಈ ಸಮಯದಲ್ಲಿ ಆಕೆಯೊಂದಿಗೆ ನಡೆಸಿದ ರಾಸಲೀಲೆಯ ವಿಡಿಯೋಗಳನ್ನು ಅಶ್ವತ್ಥ್ ಚಿತ್ರೀಕರಿಸಿಕೊಂಡಿದ್ದಾನೆ.

ತನ್ನ ಓದು ಮುಗಿದ ನಂತರ ಅಶ್ವತ್ಥ್ ಜೊತೆಗಿನ ಎಲ್ಲಾ ರೀತಿಯ ಸಂಬಂಧ ಕಳಚಿಕೊಂಡ ಆಕೆ ಕಾರವಾರದಲ್ಲಿ ನೆಲೆಸಿದ್ದಳು ಮತ್ತು ತನ್ನ ಮೊಬೈಲ್ ನಂಬರ್ ಕೂಡ ಬದಲಾಯಿಸಿದ್ದಳು. ಈ ಮಧ್ಯೆ ಈಕೆಗೆ ಮದುವೆ ಕೂಡಾ ನಡೆದು ಹೋಗಿತ್ತು. ಹೇಗೋ ಏನೋ ಈಕೆಯ ಮೊಬೈಲ್ ಸಂಖ್ಯೆಯನ್ನು ಮತ್ತೆ ಹೆಚ್ಚಿದ ಅಶ್ವತ್ಥ್ ಮದುವೆಯಾಗುವಂತೆ ಪೀಡಿಸುತ್ತಿದ್ದ. ತನಗೆ ಈಗಾಗಲೇ ಮದುವೆಯಾಗಿರುವುದರಿಂದ ಆಕೆ ಅಶ್ವತ್ಥ್ ಬೇಡಿಕೆಯನ್ನು ಸಾರಾಸಗಟಾಗಿ ತಿರಸ್ಕರಿಸಿದ್ದಳು.

ಇನ್ನೂ ಒಂದು ಹೆಜ್ಜೆ ಮುಂದೆ ಹೋದ ಅಶ್ವತ್ಥ್ ತನ್ನ ಬಳಿ ಇರುವ ವಿಡಿಯೋ ಅಶ್ಲೀಲ ಎಮ್ಎಮ್ಎಸ್ ವಿಡಿಯೋ ಕ್ಲಿಪ್ಪಿಂಗ್ ಅನ್ನು ಬಹಿರಂಗಪಡಿಸುವುದಾಗಿ ಬೆದರಿಕೆ ಒಡ್ಡಲಾರಂಭಿಸಿದ. ಆಗ ಆಕೆ ಮತ್ತು ಆಕೆಯ ಕಡೆಯವರು ಪೊಲೀಸರಿಗೆ ದೂರು ನೀಡಿದಾಗ, ಪೊಲೀಸರು ಅಶ್ವತ್ಥ್ ನನ್ನು ಬೆದರಿಸಿ ಮತ್ತು ಬುದ್ದಿ ಹೇಳಿ ಕಳುಹಿಸಿದ್ದರು. ಬುದ್ಧಿ ಕಲಿಯದ ಅಶ್ವತ್ಥ್ ತನ್ನಲ್ಲಿದ್ದ ಆಕೆಯ ಅಶ್ಲೀಲ ವಿಡಿಯೋ ಕ್ಲಿಪ್ ಗಳನ್ನೂ ಯೂಟ್ಯೂಬ್ ಮತ್ತು ತನ್ನ ಸ್ನೇಹಿತರಿಗೆ ಎಮ್ಎಮ್ಎಸ್ ಮೂಲಕ ಕಳುಹಿಸಿದ. ಈಗ ಈ ವಿಡಿಯೋ ಕ್ಲಿಪ್ಪಿಂಗ್ ಬಿಸಿಬೊಂಡದಂತೆ ಹರಿದಾಡುತ್ತಿದೆ. ನಾಪತ್ತೆಯಾಗಿರುವ ಅಶ್ವತ್ಥ್ ಹುಡುಕಾಟದಲ್ಲಿ ಪೊಲೀಸರು ನಿರತರಾಗಿದ್ದಾರೆ. [ಎಮ್ಎಮ್ಎಸ್]

Published On January 12, 2011