ಅಡುಗೆ ಅನಿಲದ ದರದಲ್ಲಿ ಭಾರೀ ಏರಿಕೆ ಸಾಧ್ಯತೆ
ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಅಡುಗೆ ಅನಿಲದ ಬೆಲೆ ಶೇ. 66ರಷ್ಟು ಜಾಸ್ತಿಯಾಗಿರುವ ಹಿನ್ನೆಲೆಯಲ್ಲಿ ಅದರ ಬೆಲೆಯನ್ನು ಶೇ.50ರಷ್ಟು ಅಥವಾ ಅದಕ್ಕೂ ಹೆಚ್ಚು ಮಾಡದೆ ಸರಕಾರಕ್ಕೆ ಬೇರೆ ದಾರಿಯೇ ಉಳಿದಿಲ್ಲ. ಆದರೆ ಈ ಕುರಿತು ಅಂತಿಮ ನಿರ್ಧಾರವನ್ನು ಬುಧವಾರ ತೆಗೆದುಕೊಳ್ಳಲಿದೆ. ಈ ಮೂಲದ ಪ್ರಕಾರ, ಅಡುಗೆ ಅನಿಲದ ಬೆಲೆ ಶೇ.100ರಷ್ಟು ಹೆಚ್ಚಾದರೂ ಆಶ್ಚರ್ಯವಿಲ್ಲ!
ಪ್ರಸ್ತುತ, ಬೆಂಗಳೂರಿನಲ್ಲಿ ಅಡುಗೆ ಅನಿಲದ ಬೆಲೆ ಒಂದು ಸಿಲಿಂಡರಿಗೆ 360ರಷ್ಟಿದೆ. ಕನಿಷ್ಠ ಶೇ.50ರಷ್ಟು ಬೆಲೆಯಲ್ಲಿ ಹೆಚ್ಚಾದರೂ ರು.500 ಸಹಜವಾಗಿ ದಾಟುತ್ತದೆ. ಈ ಬೆಲೆಯ ಮೇಲೆ ಅಡುಗೆ ಅನಿಲವನ್ನು ಬಾಲಿಗವರೆಗೆ ತಂದು ಇಕ್ಕುವವನಿಗೆ 15ರಿಂದ 20 ರು. ದಕ್ಷಿಣೆ ಬೇರೆ. ಅದರೊಂದಿಗೆ ಹೊಸ ವರುಷವನ್ನು ಸಂಭ್ರಮದಿಂದ ಆಚರಿಸಬೇಕೆಂದು ಯೋಜನೆ ಹಾಕಿಕೊಂಡವರ ಉತ್ಸಾಹ ಅನಿಲದಂತೆ ಟುಸ್ ಆಗುವುದು ನಿಶ್ಚಿತ.
ಈ ಏರಿಕೆಯಿಂದಾಗಿ ಇನ್ನೂ ಯಾವ್ಯಾವ ದರಗಳು ಆಕಾಶದ ಮೇಲೇರಿ ಕುಳಿತುಕೊಳ್ಳುತ್ತವೆ ಎಂಬುದನ್ನು ನೀವೇ ಊಹಿಸಿ. [ಅಡುಗೆ ಅನಿಲ]
Click it and Unblock the Notifications
Sign in with Google