ಹೀರೋಗೆ ಕೈ ಕೊಟ್ಟ ಹೋಂಡಾ ಮೋಟರ್ಸ್
ಮಾರುಕಟ್ಟೆ ವಿಸ್ತರಣೆ ಹಾಗೂ ಹೂಡಿಕೆಯಲ್ಲಿ ಭಾರಿ ಬದಲಾವಣೆ ಕಾಣತೊಡಗಿದ ಕಾರಣ ಎರಡೂ ಕಂಪೆನಿಗಳಲ್ಲಿ ವಿರಸ ಹೆಚ್ಚಾಗಿತ್ತು. ಭಾರತದಲ್ಲಿ ನಾಲ್ಕನೇ ಅತಿದೊಡ್ಡ ಬೈಕು ಉತ್ಪಾದಕ ಹಾಗೂ ಮಾರಾಟ ಸಂಸ್ಥೆಯಾದ ಹೋಂಡಾ ಮೋಟರ್ ಸೈಕಲ್ ಹಾಗೂ ಸ್ಕೂಟರ್ ಇಂಡಿಯಾದ ನಿರ್ಧಾರದಿಂದ ಹೂಡಿಕೆದಾರರ ಜೊತೆಗೆ ಗ್ರಾಹಕರನ್ನು ಕಳೆದುಕೊಳ್ಳುವ ಭೀತಿ ಆವರಿಸಿದೆ.
ದ್ವಿಚಕ್ರ ವಾಹನ ಮಾರುಕಟ್ಟೆಯಲ್ಲಿ ದೀರ್ಘಕಾಲದವರೆಗೂ ಏಕಸ್ವಾಮ್ಯತೆ ಮೆರೆಯುತ್ತಿದ್ದ ಹೋಂಡಾ ಡೀಲರ್ ಗಳು ಈ ಬೇರ್ಪಡೆಯಿಂದ ಕೊಂಚ ಮಂಕಾಗುವುದು ಖಂಡಿತ ಎಂದು ಸುಜುಕಿ ಮೋಟರ್ ಸೈಕಲ್ ಇಂಡಿಯಾದ ಉಪಾಧ್ಯಕ್ಷ(ಮಾರ್ಕೆಟಿಂಗ್ ಹಾಗೂ ಮಾರಾಟ ವಿಭಾಗ) ಅತುಲ್ ಗುಪ್ತಾ ಅಭಿಪ್ರಾಯಪಟ್ಟಿದ್ದಾರೆ.
ಹೀರೋ ಸಮೂಹ ಹೋಂಡಾದ ಶೇ.26ರಷ್ಟು ಷೇರುಗಳನ್ನು ಖರೀದಿಸಲಿದೆ. ಹೀರೋ ಜೊತೆಗಿನ ಹೋಂಡಾ ಷೇರುಗಳ ಬೆಲೆ ಸುಮಾರು 2 ಬಿಲಿಯನ್ ಡಾಲರ್ ಎಂದು ಅಂದಾಜು ಮಾಡಲಾಗಿದೆ. ಆದರೂ, 2014ರ ವರೆಗೂ ಹೋಂಡಾ ಬ್ರಾಂಡ್ ನೇಮ್ ಅನ್ನು ಹೀರೋ ಮೋಟರ್ಸ್ ಬಳಸಲಿದೆ. ಮಾರುಕಟ್ಟೆಯಲ್ಲಿ ಸ್ಥಿರತೆ ಕಾಯ್ದುಕೊಳ್ಳಲು ಎರಡೂ ಕಂಪೆನಿಗಳು ಈ ರೀತಿ ಒಪ್ಪಂದ ಮಾಡಿಕೊಂದಿವೆ. ಎಂದು ಹೀರೋಹೋಂಡಾ ಮೋಟರ್ಸ್ ಲಿ(HHML)ನ ಸಿಇಒ ಪವನ್ ಮುಂಜಾಲ್ ಹೇಳಿದ್ದಾರೆ.
Click it and Unblock the Notifications
Sign in with Google