ಎಲ್ ಜಿ ಸ್ಮಾರ್ಟ್ ಫೋನ್ ಜಿಎಂ 730 @19K

ಮುಂಬೈ, ಡಿ.10: ಸ್ಮಾರ್ಟ್ ಫೋನ್ ಗಳ ಮಾರುಕಟ್ಟೆಯಲ್ಲಿ ಹೊಚ್ಚ ಹೊಸ ಉತ್ಪನ್ನಗಳು ಪ್ರತಿ ದಿನ ಪ್ರವೇಶ ಪಡೆಯುತ್ತಿದ್ದು, ಗ್ರಾಹಕರು ಆಯ್ಕೆ ಗೊಂದಲಕ್ಕೆ ಬಿದ್ದಿರುವುದಂತೂ ಖಂಡಿತ. ಆದರೆ, ಎಲ್ ಜಿ ತನ್ನ ಮೊಬೈಲ್ ಗಳಲ್ಲಿ ಹತ್ತು ಹಲವು ವಿಶೇಷತೆಗಳನ್ನು ನೀಡುತ್ತಾ ನಿಧಾನವಾಗಿ ಜನಮನ ಗೆಲ್ಲುವತ್ತ ಸಾಗಿದೆ. ಮೊಬೈಲ್ ಮಾರುಕಟ್ಟೆಯಲ್ಲಿ ನೋಕಿಯಾ, ಸ್ಯಾಮ್ ಸಂಗ್ ನಂತರದ ಸ್ಥಾನದಲ್ಲಿರುವ ಎಲ್ ಜಿ ಎಲೆಕ್ಟಾನಿಕ್ಸ್ LG GM730 ಎಂಬ ಹೊಸ ಸ್ಮಾರ್ಟ್ ಫೋನ್ ಅನ್ನು ಪರಿಚಯಿಸಿದ್ದು, ಇದರ ಬೆಲೆ 19,000 ರು. ಆಗಿದೆ.

ಐಜೆನ್ ಎಂದು ಸಹಾ ಕರೆಯಲ್ಪಡುವ LG GM730 ಮೊಬೈಲ್ ನಲ್ಲಿ 3 ಇಂಚಿನ WQVGA ಟಚ್ ಸ್ಕ್ರೀನ್ ಇದೆ. 5 ಮೆಗಾ ಪಿಕ್ಸಲ್ ಕೆಮೆರಾ ಇದ್ದು, ಸ್ವಯಂ ಫೋಕಸ್ ಸೌಲಭ್ಯದಿಂದ ಕೂಡಿದೆ. ವಿಡಿಯೋ ಕಾಲಿಂಗ್ ಕೂಡಾ ಸಾಧ್ಯವಿದೆ. 289 MB ಅಂತರಿಕ ಮೆಮೋರಿ ಇದ್ದು, ಮೈಕ್ರೊ ಎಸ್ ಡಿ ಕಾರ್ಡ್ ಬಳಸಿ 32 ಜಿಬಿ ತನಕ ವಿಸ್ತರಿಸಬಹುದಾಗಿದೆ. ಉಳಿದಂತೆ ಬ್ಲೂಟೂಥ್, ವೈಫೈ,3ಜಿ, ಎ ಜಿಪಿಎಸ್ ಅನುಕೂಲಗಳಿವೆ.

ಎಲ್ ಜಿ ಐಜೆನ್ ನಲ್ಲಿ ಈ ಕೆಲ ಸಾಫ್ಟ್ ವೇರ್ ಗಳಿದ್ದರೆ ಸ್ಮಾರ್ಟ್ ಫೋನ್ ನಿಜಕ್ಕೂ ಸ್ಮಾರ್ಟ್ ಎನಿಸುತ್ತದೆ. NET CF3.5 (MSN ತಾಣದಿಂದ ಡೌನ್ ಲೋಡ್ ಮಾಡಿಕೊಳ್ಳಬಹುದು), ಒಪೆರಾ ಮೊಬೈಲ್ 10(ಯೂ ಟೂಬ್ ನೋಡಲು), ಫ್ಲಾಶ್ ಲೈಟ್ 2.1( ಫ್ಲಾಷ್ ಕಡತಗಳು, ಗೇಮ್ಸ್ ಆಡಲು), ನೈಟ್ರೋಜನ್ ಪ್ಲೇಯರ್, ಪಾಕೇಟ್ ಎಕ್ಸ್ ಪಿಡಿಫ್, ರೊಟೆಟ್ ಸ್ಕ್ರೀನ್, ಬ್ಯಾಟ್ ಕ್ಲಾಕ್(ಬ್ಯಾಟರಿ ಸ್ಥಿತಿಗತಿ ತೋರಿಸಲು) ಮುಂತಾದವುಗಳನ್ನು ನಿಮ್ಮ ಮೊಬೈಲ್ ನಲ್ಲಿ ಸ್ಥಾಪಿಸಿಕೊಳ್ಳಬಹುದು.

ಎಲ್ ಜಿ ಜಿಎಂ 730 ವಿಶೇಷತೆಗಳು :

ನೋಕಿಯಾ ಎನ್ 8 ಗೆ ಪ್ರತಿಸ್ಪರ್ಧಿಯಾಗಿ ಜಿಎಂ 730 ಮೊಬೈಲ್ ಅನ್ನು ಎಲ್ ಜಿ ಇಳಿಸಿದೆ. 19 ಸಾವಿರ ಬೆಲೆ ತುಸು ಹೆಚ್ಚಾಗಿದೆ. ಅಲ್ಲದೆ ಮೊಬೈಲ್ ಪ್ರೊಸೆಸರ್ ಕೂಡಾ ಕಡಿಮೆ ಸ್ಪೀಡ್ ಹೊಂದಿದೆ. ಕೆಲವು ನ್ಯೂನತೆಗಳನ್ನು ಹೊರತುಪಡಿಸಿದರೆ ಸ್ಮಾರ್ಟ್ ಫೋನ್ ಮಾರುಕಟ್ಟೆಯಲ್ಲಿ ಎಲ್ ಜಿ ಸ್ಥಿರತೆ ಕಾಯ್ದುಕೊಂಡಿದೆ.

English summary

LG has announced the launched of LG GM730 in India at an attractive price of just Rs 19,000. GM730 camera offers a 5 megapixel resolution with auto focus feature. A secondary VGA camera is placed at rear for video calling. This will be a great competitor to Nokia N8.