• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ರಾಜೀವ್ ಚಂದ್ರಶೇಖರ್ ಗೆ ಟಾಟಾ ಖಡಕ್ ಉತ್ತರ

By Prasad
|
Ratan Tata
ಮುಂಬೈ, ಡಿ. 9 : 2ಜಿ ತರಂಗಗುಚ್ಛದಲ್ಲಿ ಅನೈತಿಕ ಫಲವನ್ನು ಅನುಭವಿಸಿದ್ದು ಟಾಟಾ ಸಮೂಹದಂಥ ಉನ್ನತ ಸಂಸ್ಥೆಗೆ ಶೋಭೆ ತರುವುದಿಲ್ಲವೆಂದು ಹೇಳಿ ರಾಜ್ಯಸಭಾ ಸದಸ್ಯ ರಾಜೀವ್ ಚಂದ್ರಶೇಖರ್ ಅವರು ಬರೆದ ಪತ್ರಕ್ಕೆ ಟಾಟಾ ಸಮೂಹದ ಅಧ್ಯಕ್ಷ ರತನ್ ಟಾಟಾ ಖಾರವಾಗಿ ಉತ್ತರಿಸಿದ್ದಾರೆ.

2ಜಿ ತರಂಗಗುಚ್ಛದ ವ್ಯವಹಾರದಲ್ಲಿ ತೊಡಗಿಕೊಳ್ಳಲು ರತನ್ ಟಾಟಾ ಅವರು ಮೂರನೇ ವ್ಯಕ್ತಿಯ (ನೀರಾ ರಾಡಿಯಾ) ಸಹಾಯ ಪಡೆದದ್ದೇಕೆ ಎಂದು ಪ್ರಶ್ನಿಸಿದ್ದರು. ಮತ್ತು ಈ ಅವ್ಯವಹಾರದಿಂದಾಗಿ ದೇಶದ ಬೊಕ್ಕಸಕ್ಕೆ ಸುಮಾರು 19074.8 ಕೋಟಿ ರು.ಯಷ್ಟು ನಷ್ಟವಾಗಿದೆ ಎಂದು ಗಂಭೀರವಾಗಿ ಆರೋಪಿಸಿದ್ದರು. ರತನ್ ಟಾಟಾ ಅಂಥವರು ಬದಲಾವಣೆಯ ಹರಿಕಾರರಾಗಬೇಕೆ ವಿನಃ ಇಂಥ ಹಗರಣಗಳಿಗೆ ಮೇವು ಹಾಕಬಾರದು ಎಂದು ರಾಜೀವ್ ಚಂದ್ರಶೇಖರ್ ಪತ್ರ ಬರೆದಿದ್ದರು.

ರಾಜೀವ್ ಪತ್ರ : ರತನ್ ಟಾಟಾ ಅವರೇ, ಏನ್ ಸ್ವಾಮಿ ಇದೂ?

ಸಾಮಾನ್ಯವಾಗಿ, ಸಾಮಾನ್ಯ ಅಸಾಮಾನ್ಯರೆನ್ನದೆ ಯಾರೇ ಪತ್ರ ಬರೆದರೂ ತಪ್ಪದೆ ಉತ್ತರಿಸುವ ಗುಣವನ್ನು ಹೊಂದಿರುವ ರತನ್ ಟಾಟಾ ಅವರು ರಾಜೀವ್ ಅವರಿಗೆ ಬರೆದ ಉತ್ತರದಲ್ಲಿ ಎಲ್ಲ ಆರೋಪಗಳನ್ನು ಸಾರಾಸಗಟಾಗಿ ತಳ್ಳಿಹಾಕಿದ್ದಾರೆ. 2ಜಿ ಹಗರಣಕ್ಕೆ ಸಂಬಂಧಿಸಿದಂತೆ ಸ್ಪಷ್ಟೀಕರಣ ನೀಡಿರುವ ಟಾಟಾ ಅವರು, ಈ ವ್ಯವಹಾರದಲ್ಲಿ ಟಾಟಾ ಟೆಲಿಸರ್ವೀಸಸ್ ಲಿ. ಯಾವುದೇ ಲಾಭ ಪಡೆದಿಲ್ಲ. ಬದಲಾಗಿ, ಟಾಟಾ ಟೆಲಿಸರ್ವೀಸರ್ ಒಂದೇ ಕಂಪನಿ ದೂರಸಂಪರ್ಕ ಇಲಾಖೆಯ ಎಲ್ಲ ಪ್ರಶ್ನೆಗಳಿಗೆ ಪ್ರತಿಕ್ರಿಯೆ ನೀಡಿದೆ ಮತ್ತು ತರಂಗಗುಚ್ಛವನ್ನು ಹಿಂದಕ್ಕೆ ನೀಡಿದೆ ಎಂದು ತಮ್ಮ ನಿಲುವನ್ನು ಸಮರ್ಥಿಸಿಕೊಂಡಿದ್ದಾರೆ. [ವಿಡಿಯೋ ನೋಡಿರಿ]

ಎನ್ ಡಿ ಎ ಆಡಳಿತ ಇರುವಾಗಲೇ ದೂರಸಂಪರ್ಕ ಕಂಪನಿಗಳಿಂದ ಹೆಚ್ಚಿನ ಅವ್ಯವಹಾರ ನಡೆದಿತ್ತು. ಅವೇ ಕಂಪನಿಗಳು ಸರಕಾರದ ನೀತಿಯನ್ನು ಉಲ್ಲಂಘಿಸಿದ್ದವು ಎಂದು ಟಾಟಾ ಅವರು ಪ್ರತ್ಯಾರೋಪ ಮಾಡಿದ್ದಾರೆ. ಸರಕಾರ ಅವಕಾಶ ನೀಡಿದಾಗ ಮಾತ್ರ ದೂರಸಂಪರ್ಕ ವ್ಯವಹಾರಗಳಿಗೆ ಟಾಟಾ ಕಂಪನೀ ಕೈಹಾಕಿದೆ ಮತ್ತು ಸರಕಾರದ ನೀತಿಯನ್ನು ಎಂದೂ ಉಲ್ಲಂಘಿಸಿಲ್ಲ ಎಂದು ಪತ್ರದಲ್ಲಿ ನಮೂದಿಸಿದ್ದಾರೆ.

ರಾಜೀವ್ ಚಂದ್ರಶೇಖರ್ ಅವರಿಗೆ ಬಿಜೆಪಿ ಬಗ್ಗೆ ಒಲವಿರುವುದು ಎಲ್ಲರಿಗೂ ತಿಳಿದ ವಿಚಾರ. ಅವರ ಪತ್ರ ರಾಜಕೀಯವಾಗಿ ಪ್ರೇರೇಪಿತವಾಗಿದ್ದು, ಪ್ರಧಾನ ಮಂತ್ರಿ ಡಾ. ಮನಮೋಹನ ಸಿಂಗ್ ಅವರನ್ನು ಮುಜುಗರಕ್ಕೀಡು ಮಾಡಲೆಂದೇ ಬರೆಯಲಾಗಿದೆ ಎಂದು ರತನ್ ಟಾಟಾ ಅವರು ರಾಜೀವ್ ಅವರನ್ನು ತರಾಟೆಗೆ ತೆಗೆದುಕೊಂಡಿದ್ದಾರೆ.

lok-sabha-home

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
Ratan Tata has replied to Rajeev Chandrasekhar"s open letter on 2G spectrum scam. In his reply Ratan Tata has lambasted Rajeev Chandrasekhar and refuted all allegations on his involvement in Radia tapes scam and remarks to 2G spectrum scam, which has jolted entire India.

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more