ರೈಲನ್ನು ಗುರಿಮುಟ್ಟಿಸಿ ಚಿರನಿದ್ರೆಗೆ ಜಾರಿದ ಚಾಲಕ

ಕೋಲ್ಕತ್ತಾ, ನ.27: ತೀವ್ರ ಅನಾರೋಗ್ಯದಿಂದ ಬಳಲುತ್ತಿದ್ದರೂ ಅದನ್ನು ಲೆಕ್ಕಿಸದ ಚಾಲಕನೊಬ್ಬ ರೈಲನ್ನು ಗುರಿ ಮುಟ್ಟಿಸಿ ಚಿರನಿದ್ರೆಗೆ ಜಾರಿದ ಹೃದಯವಿದ್ರಾವಕ ಘಟನೆ ಹೌರಾ ಜಿಲ್ಲೆಯಲ್ಲಿ ನಡೆದಿದೆ. ಸ್ಥಾನಿಕ ರೈಲಿನ ಚಾಲಕನಾದ ಈತ ತನ್ನ ಅನಾರೋಗ್ಯವನ್ನೂ ಲೆಕ್ಕಿಸದೆ ರೈಲನ್ನು ಸಮಯಕ್ಕೆ ಸರಿಯಾಗಿ ಹೌರಾ ನಿಲ್ದಾಣಕ್ಕೆ ತಲುಪಿಸಿ ಸಾವಪ್ಪಿದ್ದಾನೆ.

ಡಿ ಎನ್ ಮೈತ್ರ (56) ಮೃತಪಟ್ಟ ದುರ್ದೈವಿ ಚಾಲಕ. ಪನಸ್ಕುರ ನಿಲ್ದಾಣದಿಂದ ಹೌರಾ ಪನಸ್ಕುರ ರೈಲು ಶನಿವಾರ (ನ.27) ಬೆಳಗ್ಗೆ 7.30ಕ್ಕೆ ಸರಿಯಾಗಿ ಹೊರಟಿತು. ಆದರೆ ಚಾಲಕನ ಆರೋಗ್ಯ ಪರಿಸ್ಥಿತಿ ಸರಿಯಿರಲಿಲ್ಲ ಎಂದು ಆಗ್ನೇಯ ರೈಲ್ವೆಯ ಗಾರ್ಡ್ ಒಬ್ಬರು ತಿಳಿಸಿದ್ದಾರೆ.

ತೀವ್ರ ಜ್ವರದಿಂದ ಬಳಲುತ್ತಿದ್ದ ಚಾಲಕ ಬೆವರಿನಿಂದ ಬೆವತುಹೋಗಿದ್ದ. ಕೂಡಲೆ ಆತನಿಗೆ ವೈದ್ಯಕೀಯ ಚಿಕಿತ್ಸೆ ಕೊಡಿಸಲು ಮುಂದಾಗಿದ್ದಾಗಿ ಗಾರ್ಡ್ ತಿಳಿಸಿದ್ದಾನೆ. ಆದರೆ ಆತನನ್ನು ಆಸ್ಪತ್ರೆಗೆ ಸೇರಿಸುವ ಹೊತ್ತಿಗೆ ಕೊನೆಯುಸಿರೆಳೆದಿದ್ದ. ಅಷ್ಟರಲ್ಲಿ ರೈಲು ತಲುಪಬೇಕಾದ ಸ್ಥಳಕ್ಕೆ ತಲುಪಿತ್ತು.

ಚಾಲನಕನನ್ನು ಆಸ್ಪತ್ರೆಗೆ ಕರೆದೊಯ್ಯುವ ಹೊತ್ತಿಗೆ ಆತನ ಪ್ರಾಣಪಕ್ಷಿ ಹಾರಿಹೋಗಿತ್ತು. ಚಾಲಕ ಮೈತ್ರ ಸಾವಿಗೆ ಸ್ಪಷ್ಟವಾದ ಕಾರಣ ತಿಳಿದುಬಂದಿಲ್ಲ. ಚಾಲನಕನ ಪರಿಸ್ಥಿತಿ ಗಂಭೀರವಾಗಿದೆ ಎಂದು ಮೊದಲೇ ಗೊತ್ತಿದ್ದರೆ ಪ್ರಯಾಣಿಕರು ಗತಿಯೇನಾಗುತ್ತಿತ್ತು ಎಂಬ ಚರ್ಚೆ ನಡೆದಿದೆ.

English summary

Despite falling seriously ill, a driver of a local train today (Nov 27)managed to bring it to its destination in Howrah district on scheduled time but died soon afterwards. The decedent is 56 year-old D N Maitra.