ನಮ್ಮ ಮೆಟ್ರೋ ರೈಲು ಯೋಜನೆ ಇನ್ನಷ್ಟು ವಿಸ್ತರಣೆ

ಬೆಂಗಳೂರು, ನ.10: ಮೆಟ್ರೋ ರೈಲು ಯೋಜನೆಯ ಎರಡನೆ ಹಂತದ ಯೋಜನಾ ವೆಚ್ಚವನ್ನು ಹೆಚ್ಚಿಸಲಾಗಿದೆ. ನಿಗದಿಯಾಗಿದ್ದ ವೆಚ್ಚ ಪರಿಷ್ಕೃತಗೊಂಡಿದ್ದು, 942 ಕೋಟಿ ರು ನಷ್ಟು ಹೆಚ್ಚಳವಾಗಿದೆ. ಇದರ ಜೊತೆಗೆ ಮೆಟ್ರೋ ರೈಲು ಯೋಜನೆಯನ್ನು ಇನ್ನಷ್ಟು ವಿಸ್ತರಿಸಲು ಮಂಗಳವಾರ ನಡೆದ ಸಚಿವ ಸಂಪುಟ ಸಭೆಯಲ್ಲಿ ಅನುಮೋದನೆ ದೊರೆತಿದೆ. 51.45 ಕಿ.ಮೀ ವ್ಯಾಪ್ತಿಯಲ್ಲಿ ಒಟ್ಟು ಐದು ಕಡೆ ಮೆಟ್ರೋ ರೈಲು ವಿಸ್ತರಣೆಯಿಂದ ನಗರದ ಪಶ್ಚಿಮ, ನೈರುತ್ಯ ಹಾಗೂ ಆಗ್ನೇಯ ಭಾಗಗಳಿಗೆ ಅನುಕೂಲವಾಗಲಿದೆ ಎಂದು ಉನ್ನತ ಶಿಕ್ಷಣ ಸಚಿವ ವಿಎಸ್ ಆಚಾರ್ಯ ತಿಳಿಸಿದರು.

ಮೆಟ್ರೋ ಎರಡನೇ ಹಂತದ ಕಾಮಗಾರಿಯ ಯೋಜನಾ ವೆಚ್ಚ 14 ಸಾವಿರ ಕೋಟಿ ರುಗಳಾಗಿದೆ. ಇದರಲ್ಲಿ 5,453 ಕೋಟಿ ರು ಗಳನ್ನು ರಾಜ್ಯ ಸರ್ಕಾರ ನೀಡಲಿದೆ. ಮೊದಲ ಹಂತದ ಜೊತೆ ಜೊತೆಗೆ ಎರಡನೇ ಹಂತದ ಕಾಮಗಾರಿ ಕೂಡಾ ನಡೆಯಲಿದೆ ಎಂದು ಆಚಾರ್ಯ ಹೇಳಿದರು.

English summary

Namma Metro also known as Bangalore Metro is the under-construction mass-transit rail system for the city of Bangalore, India. The agency responsible for its implementation is the Bangalore Metro Rail Corporation Ltd (BMRCL).