ಬೆಂಗಳೂರಿಗೆ ಪ್ರಪ್ರಥಮ ವಿಮಾನಯಾನ ವಿವಿ

ಬೆಂಗಳೂರು, ನ. 2 : ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಬೆಂಗಳೂರು ಮತ್ತೆ ರಾರಾಜಿಸಲಿದೆ. ಇದೇ ಮೊದಲ ಬಾರಿಗೆ ವಿಮಾನಯಾನಕ್ಕೆ ಸಂಬಂಧಿಸಿದಂತೆ ವಿಶ್ವವಿದ್ಯಾಲಯ ಹಾಗೂ ತರಬೇತಿ ಕೇಂದ್ರವನ್ನು ಬೆಂಗಳೂರಿನಲ್ಲಿ ಸ್ಥಾಪಿಸುವ ಸಂಬಂಧ ಸೋಮವಾರ ಒಪ್ಪಂದವೊಂದಕ್ಕೆ ಸಹಿ ಹಾಕಲಾಗಿದೆ.

ಆಸ್ಟ್ರೇಲಿಯಾ ಮೂಲದ ಏಷಿಯಾ-ಫೆಸಿಫಿಕ್ ವಿಮಾನಯಾನ ಕೇಂದ್ರ(ಸಿಎಪಿಎ) ಬೆಂಗಳೂರು ಮೂಲದ ಸುಬ್ರಮಣ್ಯ ಕನ್ ಸ್ಟ್ರಕ್ಷನ್ ಅಂಡ್ ಡೆವಲಪ್ ಮೆಂಟ್ ಕಂಪನಿ ಜಂಟಿಯಾಗಿ ಇದಕ್ಕೆ ಅಂಕಿತ ಹಾಕಿವೆ. ಸಿಡ್ನಿ ಮೂಲದ ಸಿಎಪಿಎ ಜಾಗತಿಕವಾಗಿ ಉದ್ಯಮ ಸಂಶೋಧನೆ ಹಾಗೂ ವಿಶ್ಲೇಷಣೆಯಲ್ಲಿ ಉತ್ತಮ ಹೆಸರು ಮಾಡಿದೆ. ಸುಬ್ರಮಣ್ಯ ಕಂಪನಿ 555 ಕೋಟಿ ರುಪಾಯಿಗಳನ್ನು ಈ ಯೋಜನೆಗೆ ಒದಗಿಸಲಿದೆ.

ಇದು ಬೆಂಗಳೂರು ಸಮೀಪದಲ್ಲೇ 50 ಎಕರೆ ಜಾಗದಲ್ಲಿ 2012ರೊಳಗೆ ನಿರ್ಮಾಣಗೊಳ್ಳಲಿದೆ. ಜಾಗತಿಕ ಮಟ್ಟದಲ್ಲಿ ಭಾರತದ ವಿಮಾನಯಾನ ಕ್ಷೇತ್ರದ ಮಾರುಕಟ್ಟೆಯಲ್ಲಿ ಅತ್ಯಂತ ವೇಗವಾಗಿ ಬೆಳೆಯುತ್ತಿರುವ ಉದ್ಯಮವಾಗಿದೆ. ವರ್ಷಕ್ಕೆ 14 ಸಾವಿರ ಪೈಲೆಟ್ ಗಳು ಬೇಕಾಗಿದ್ದಾರೆ. ಆದರೆ, ಪ್ರತಿವರ್ಷ 9ಸಾವಿರ ಸಿಬ್ಬಂದಿಗಳ ಕೊರತೆ ಇದೆ ಎಂದು ಆಸ್ಟ್ರೇಲಿಯಾದ ಭಾರತೀಯ ರಾಯಬಾರಿ ಅಧಿಕಾರಿಗಳ ತಿಳಿಸಿದ್ದಾರೆ.