ಮಗಳ ಮೇಲೆ ಅತ್ಯಾಚಾರಕ್ಕೆ ಯತ್ನಿಸಿದ ಕಾಮುಕ ತಂದೆ

ರೂರ್ಕೆಲಾ(ಒರಿಸ್ಸಾ), ಸೆ.18: ಕೊಳಗೇರಿಯೊಂದರಲ್ಲಿ ತನ್ನ ಐದು ವರ್ಷದ ಮಗಳ ಮೇಲೆ ಅತ್ಯಾಚಾರ ಎಸಗಲು ಪ್ರಯತ್ನಿಸುತ್ತಿದ್ದ ಕಾಮುಕ ತಂದೆಯೊಬ್ಬನನ್ನು ಬಂಧಿಸಿದ್ದಾಗಿ ರೂರ್ಕೆಲಾ ಪೊಲೀಸರು ತಿಳಿಸಿದ್ದಾರೆ.

ಬಿಜಯ್ ಛಂಪುವಾ ಎಂಬುವವನು ತನ್ನ ಹೆತ್ತ ಮಗಳ ಮೇಲೆ ಅತ್ಯಾಚಾರವೆಸಗಲು ಪ್ರಯತ್ನಿಸುತ್ತಿದ್ದ. ಇದಕ್ಕೆ ಆತನ ಗೆಳೆಯ ಕಿಶೋರ್ ಧನುವರ್ ಎಂಬಾತನೂ ಸಾಥ್ ನೀಡಿದ್ದ. ರೂರ್ಕೆಲಾದಲ್ಲಿನ ಪ್ರೇಮ್ ನಗರ್ ಎಂಬ ಪ್ರದೇಶದಲ್ಲಿ ಈ ದುಷ್ಕೃತ್ಯ ನಡೆಯುತ್ತಿತ್ತು.

ಅತ್ಯಾಚಾರಕ್ಕೆ ಯತ್ನಿಸುತ್ತಿರಬೇಕಾದರೆ ಐದು ವರ್ಷದ ಪೋರಿ ಜೋರಾಗಿ ಕಿರುಚಿಕೊಂಡ ಕಾರಣ ನೆರೆಹೊರೆಯವರು ಎಚ್ಚೆತ್ತುಕೊಂಡು ನೋಡಿದಾಗ ಈ ದುಷ್ಕೃತ್ಯ ಬಯಲಾಗಿದೆ. ಸಾರ್ವಜನಿಕರು ತಕ್ಷಣ ಕಾಮುಕರ ಕೈಯಿಂದ ಬಾಲಕಿಯನ್ನು ರಕ್ಷಿಸಿದರು. ಸರಿಸುಮಾರು 30ರ ವಯಸ್ಸಿನವರಾದ ಇವರು ಹಿಡಿದು ಈಗ ಪೊಲೀಸರಿಗೆ ಒಪ್ಪಿಸಲಾಗಿದೆ.