ಬಿಕಿನಿ ಕಿಲ್ಲರ್ ಶೋಭರಾಜ್ ಗೆ ಶಿಕ್ಷೆ: ನೇಪಾಳ

ಕಠ್ಮಂಡು, ಜು.31: ಬಿಕಿನಿ ಕಿಲ್ಲರ್ ಎಂದೇ ಕುಖ್ಯಾತಿ ಹೊಂದಿರುವ ಚಾರ್ಲ್ಸ್ ಶೋಭರಾಜ್ ಗೆ 1975ರ ಕೊಲೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಇಲ್ಲಿನ ಜಿಲ್ಲಾ ನ್ಯಾಯಾಲಯ ನೀಡಿದ್ದ ಶಿಕ್ಷೆಯನ್ನು ನೇಪಾಳದ ಸುಪ್ರೀಂ ಕೋರ್ಟ್ ಎತ್ತಿ ಹಿಡಿದಿದೆ.

ನ್ಯಾಯಮೂರ್ತಿ ರಾಮ್ ಕುಮಾರ್ ಪ್ರಸಾದ್ ಷಾ ಹಾಗೂ ಗೌರಿ ಧಕಾಲ್ ಇವರಿದ್ದ ನ್ಯಾಯಪೀಠ 2004 ರಲ್ಲಿ ಜಿಲ್ಲಾ ನ್ಯಾಯಾಲಯ ನೀಡಿದ್ದ ಜೀವಾವಧಿ ಶಿಕ್ಷೆಯನ್ನು ಎತ್ತಿಹಿಡಿದು ತೀರ್ಪು ನೀಡಿದೆ.

ಅಮೆರಿಕದ ಪ್ರವಾಸಿ ಕೊನ್ನಿ ಜೊ ಬ್ರೊನ್ಜಿಕ್ ಅವರನ್ನು ನೇಪಾಳದಲ್ಲಿ 2004ರಲ್ಲಿ ಕೊಲೆಗೈದ ಆರೋಪ ಹೊತ್ತಿರುವ ಶೋಭರಾಜ್ , 2006 ರಲ್ಲಿ ನೇಪಾಳ ಸುಪ್ರೀಂ ಕೋರ್ಟ್ ಗೆ ಮೇಲ್ಮನವಿ ಸಲ್ಲಿಸಿದ್ದರು.