• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಗೆಲ್ಲಲಾರದೇಹೋದ ಛಾಂಪಿಯನ್ ಇಟಲಿ!

By * ಎಚ್. ಆನಂದರಾಮ ಶಾಸ್ತ್ರೀ
|
Gianluigi Buffon
ನಿನ್ನೆ ಮಧ್ಯರಾತ್ರಿ ಆರಂಭವಾಗಿ ಇಂದು ಬೆಳಗಿನ ಜಾವ ಮುಕ್ತಾಯಗೊಂಡ ಇಟಲಿ-ಪರಗ್ವೆ ನಡುವಣ ವಿಶ್ವಕಪ್ ಫುಟ್ಬಾಲ್ ಪಂದ್ಯವು ಅನಿರೀಕ್ಷಿತ ಫಲಿತಾಂಶ ನೀಡಿತು. ಹಾಲಿ ಛಾಂಪಿಯನ್ ಹಾಗೂ ಐದನೇ (ವಿಶ್ವ)ಶ್ರೇಯಾಂಕಿತ ಇಟಲಿ ತಂಡವು ಎಷ್ಟೇ ಸೆಣಸಿದರೂ ವಿಶ್ವಶ್ರೇಯಾಂಕ ಪಟ್ಟಿಯಲ್ಲಿ 31ನೇ ಸ್ಥಾನದಷ್ಟು ಕೆಳಗಿರುವ ಪರಗ್ವೆ ತಂಡವನ್ನು ಸೋಲಿಸಲಾರದೇಹೋಯಿತು. ಪಂದ್ಯವು 1-1 ಗೋಲುಗಳಿಂದ ಡ್ರಾ ಆಯಿತು.

39ನೇ ನಿಮಿಷದಲ್ಲಿ ಅರೆಲಿಯಾನೊ ಟೊರೆಸ್ಸ್ ನೀಡಿದ ಪಾಸನ್ನು ಹೆಡ್ ಮಾಡಿ ಗೋಲು ಗಳಿಸುವ ಮೂಲಕ ಆಂಟೊಲಿನ್ ಅಲ್ಕರಾಸ್ ಪರಗ್ವೆಗೆ ಮುನ್ನಡೆ ಒದಗಿಸಿಕೊಟ್ಟರು. ಕಾರ್ನರ್ ಒದೆತದಿಂದ ಬಂದ ಚೆಂಡನ್ನು ಕಾಲಿಂದ ಗೋಲಿನೊಳಕ್ಕೆ ತೂರಿಸಿ ತನ್ನ ದೇಶದ ಮಾನ ಕಾಪಾಡಲು ಇಟಲಿ ಆಟಗಾರ ಡೇನಿಯೆಲ್ ಡಿ ರೊಸ್ಸಿ 63ನೇ ನಿಮಿಷದವರೆಗೂ ಕಾಯಬೇಕಾಯಿತು.

ಪರಗ್ವೆ ಗೋಲು ಗಳಿಸಿದ ಮರುಕ್ಷಣದಿಂದ ಇಟಲಿಯ ನಾಯಕ ಫ್ಯಾಬಿಯೊ ಕನವಾರೊ ತಮ್ಮ ತಂಡವೇ ಅಂತಿಮದಲ್ಲಿ ಗೆಲ್ಲುವುದೆಂಬಂತೆ ರೆಫ್ರಿಯೆದುರು ಹಾಗೂ ಕ್ಯಾಮೆರಾಗಳೆದುರು ಅಬ್ಬರದ ಪೋಸು ನೀಡುತ್ತಿದ್ದುದು ನೋಡಲು ತಮಾಷೆಯಾಗಿತ್ತು. ಆದರೆ, 'ಅಬ್ಬರಿಸಿ ಬೊಬ್ಬಿರಿದರಿಲ್ಲಾರಿಗೂ ಫಲವಿಲ್ಲ' ಎಂಬಂತೆ ಇಟಲಿಯು ಕೊನೆಗೂ ಪಂದ್ಯ ಗೆಲ್ಲುವಲ್ಲಿ ವಿಫಲವಾಯಿತು. ಈ ಹಿಂದೆ ಮಂಡಿರಜ್ಜು (ಹ್ಯಾಮ್‌ಸ್ಟ್ರಿಂಗ್) ಕ್ಷತಿಗೆ ಒಳಗಾಗಿದ್ದ ಇಟಲಿಯ ಹೆಸರಾಂತ ಗೋಲ್‌ಕೀಪರ್ ಗಿಯಾನ್‌ಲ್ಯೂಗಿ ಬಫನ್ ಅವರನ್ನು ಆಟದ ದ್ವಿತೀಯಾರ್ಧದಲ್ಲಿ ಕೈಬಿಟ್ಟು ಬದಲಿ ಗೋಲ್‌ಕೀಪರನ್ನು ಕೋಚ್ ಕಣಕ್ಕಿಳಿಸಿದುದನ್ನು ಗಮನಿಸಿದಾಗ ಇಟಲಿ ತಂಡವು ಅದೆಷ್ಟು ಒತ್ತಡಕ್ಕೊಳಗಾಗಿತ್ತೆಂಬುದು ವೇದ್ಯವಾಗುತ್ತದೆ.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more