ಶುಶ್ರೂಷಾ ತರಬೇತಿಗಾಗಿ ಅರ್ಜಿ ಆಹ್ವಾನ

ಬೆಂಗಳೂರು, ಮೇ .15 : ಬೆಂಗಳೂರಿನ ವಿಕ್ಟೋರಿಯಾ ಆಸ್ಪತ್ರೆ, ಬೌರಿಂಗ್ ಮತ್ತು ಲೇಡಿ ಕರ್ಜನ್ ಆಸ್ಪತ್ರೆ, ಮೈಸೂರಿನ ಕೆ.ಆರ್.ಆಸ್ಪತ್ರೆ, ಮಂಗಳೂರಿನ ವೆನ್‌ಲಾಕ್ ಜಿಲ್ಲಾ ಆಸ್ಪತ್ರೆ, ದಾವಣಗೆರೆಯ ಸಿ.ಜಿ. ಆಸ್ಪತ್ರೆ ಹಾಗೂ ಜಿಲ್ಲಾ ಆಸ್ಪತ್ರೆಗಳಾದ, ಬೆಳಗಾಂ, ಗುಲ್ಬರ್ಗಾ, ಬಿಜಾಪುರ, ಚಿತ್ರದುರ್ಗ, ಬಳ್ಳಾರಿಯಲ್ಲಿನ ನರ್ಸಿಂಗ್ ಶಾಲೆಗಳಲ್ಲಿ ಶುಶ್ರೂಷಾ ತರಬೇತಿಗೆ ಅರ್ಜಿಗಳನ್ನು ಆಹ್ವಾನಿಸಲಾಗಿದೆ.

ಸಂಸ್ಥೆಯ ವೈದ್ಯಕೀಯ ಅಧೀಕ್ಷಕರು, ಜಿಲ್ಲಾ ಶಸ್ತ್ರಚಿಕಿತ್ಸಕರು, ಪ್ರಾಂಶುಪಾಲರುಗಳಿಂದ ಕಚೇರಿ ವೇಳೆಯಲ್ಲಿ ಮಧ್ಯಾಹ್ನ 4ಯೊಳಗೆ ರೂ 100 (ಪಜಾ/ಪಪಂ ವರ್ಗ-1 ಕ್ಕೆ ರೂ 50/-) ಗಳನ್ನು ಡಿ.ಡಿ. ಮೂಲಕ ಸಂದಾಯ ಮಾಡಿ ನಿಗದಿತ ಅರ್ಜಿಯನ್ನು ಪಡೆಯಬಹುದಾಗಿದೆ. ಭರ್ತಿಮಾಡಿದ ಅರ್ಜಿಯನ್ನು ಅರ್ಜಿ ಪಡೆದ ಶುಶ್ರೂಷಾ ಶಾಲೆಗೆ ನೇರವಾಗಿ ಸಲ್ಲಿಸಬೇಕು.

ಅರ್ಜಿಯನ್ನು ಮೇ 15 ರಿಂದ ಜೂನ್ 3 ರವರೆಗೆ ವಿತರಿಸಲಾಗುವುದು. ಜೂನ್ 5 ಅರ್ಜಿಯನ್ನು ಸ್ವೀಕರಿಸಲು ಕೊನೆಯ ದಿನಾಂಕವಾಗಿರುತ್ತದೆ. ಅಂಚೆ ಮೂಲಕ ಅರ್ಜಿಯನ್ನು ಪಡೆಯಬಯಸುವವರು ಅರ್ಜಿ ಶುಲ್ಕ ರೂ 100 (ಪ.ಜ. ಪ.ಪಂ ವರ್ಗ-1 ಕ್ಕೆ ರೂ 50) ರಾಷ್ಟ್ರೀಕೃತ ಬ್ಯಾಂಕಿನಿಂದ ಡಿ.ಡಿ.ಯನ್ನು ವೈದ್ಯಕೀಯ ಅಧೀಕ್ಷಕರು/ಜಿಲ್ಲಾ ಶಸ್ತ್ರ ಚಿಕಿತ್ಸಕರು, ಜಿಲ್ಲಾ ಆಸ್ಪತ್ರೆ ಇವರ ಹೆಸರಿನಲ್ಲಿ ಪಡೆದು ಸ್ವ ವಿಳಾಸವಿರುವ 30 x 12 ಲಕೋಟೆಗೆ ಅಂಚೆಚೀಟಿ ಹಚ್ಚಿ ಆಯ್ಕೆ ಬಯಸುವ ಸಂಸ್ಥೆಗೆ ಕಳುಹಿಸಬಹುದು.

ಹೆಚ್ಚಿನ ಮಾಹಿತಿಗಾಗಿ ವೈದ್ಯಕೀಯ ಶಿಕ್ಷಣ ನಿರ್ದೇಶನಾಲಯ, ಆನಂದರಾವ್ ಸರ್ಕಲ್, ಬೆಂಗಳೂರು- 9 ಇವರ ಕಚೇರಿಯನ್ನಾಗಲೀ ಅಥವಾ ದೂರವಾಣಿ ಸಂಖ್ಯೆ 080-22870060 ಮೂಲಕ ಸಂಪರ್ಕಿಸಬಹುದಾಗಿದೆ ಎಂದು ಇಲಾಖೆ ಪ್ರಕಟಣೆ ತಿಳಿಸಿದೆ.