ಯುಪಿಎಸ್ ಸಿ : 16 ಅಭ್ಯರ್ಥಿಗಳು ಆಯ್ಕೆ

ಬೆಂಗಳೂರು, ಮೇ. 7 : 2009 ನೆ ಸಾಲಿನ ಕೇಂದ್ರ ನಾಗರಿಕ ಸೇವಾ ಪರೀಕ್ಷೆ (UPSC)ಫಲಿತಾಂಶಗಳನ್ನು ಪ್ರಕಟಿಸಲಾಗಿದೆ. ಈ ಬಾರಿ ಕಾಶ್ಮೀರದ ಪಾಶೀಲ್ ಶಾ ಪ್ರಥಮ ಸ್ಥಾನ ಗಳಿಸಿದ್ದಾರೆ. ರಾಜ್ಯದ 16 ಅಭ್ಯರ್ಥಿಗಳು ಪರೀಕ್ಷೆಯಲ್ಲಿ ಉತ್ತೀರ್ಣರಾಗಿ ನಾಗರಿಕ ಸೇವೆಗೆ ಆಯ್ಕೆಯಾಗಿದ್ದಾರೆ.

ತೇರ್ಗಡೆ ಹೊಂದಿರುವ ವಿದ್ಯಾರ್ಥಿಗಳ ಹೆಸರುಗಳು ಮತ್ತು Rank List ನಲ್ಲಿ ಅವರು ಗಳಿಸಿರುವ ಸ್ಥಾನಗಳು (ಆವರಣದಲ್ಲಿ) ಈ ಕೆಳಗಿನಂತಿವೆ.

ಎನ್ ಎಸ್ ನಕುಲ್(31), ಭಾರತಿ ಹಳ್ಳಿಕೆರೆ(59), ಎನ್ ಮಂಜುಶ್ರೀ(65), ಯಶವಂತ್(106), ಚೇತನ್ ಗೌಡ(213), ಪೃಥ್ವಿ (226) ಗುರುಪ್ರಸಾದ್(275), ಬಿಕೆ ಪ್ರಸನ್ನಕುಮಾರ್(366), ದರ್ಶನಗೌಡ(467), ಎಂ ರಮೇಶ್ (601), ಸಿ ಸೋಮಣ್ಣ(700), ಐ ಪಿ ರೂಪಾ(716), ಕೆ ರಮೇಶ್(744), ಮಂಜುನಾಥ್(832) ನೇ ಸ್ಥಾನ ಗಳಿಸಿದ್ದಾರೆ.

ಉತ್ತೀರ್ಣಹೊಂದಿದ ಈ ಮೇಲಿನವರಲ್ಲಿ ಬಹುತೇಕರು ಯೂನಿವರ್ಸಲ್ ಕೋಚಿಂಗ್ ಸೆಂಟರ್, ಜೆಎಸ್ಎಸ್ ಮತ್ತು ಕೌಶಿಕ್ ಸರ್ವೋದಯ ಪ್ರತಿಷ್ಠಾನ ಸ್ಪರ್ಧಾತ್ಮಕ ಪರೀಕ್ಷೆ ತರಬೇತಿ ಕೇಂದ್ರಗಳಲ್ಲಿ ತರಬೇತಿ ಪಡೆದಿದ್ದಾರೆ. ಕೆಲವರು ದೆಹಲಿ, ಹೈದರಾಬಾದಿನ ಸ್ಪರ್ಧಾತ್ಮಕ ಕೇಂದ್ರಗಳಲ್ಲಿ ತರಬೇತಿ ಪಡೆದುಕೊಂಡಿದ್ದಾರೆ.