ರೋಲ್ಸ್ ರಾಯ್ಸ್ ಜೊತೆ ಕೈಜೋಡಿಸಿದ ಟಿಸಿಎಸ್

ಮುಂಬೈ, ಏ.22: ಪ್ರಖ್ಯಾತ ಬ್ರಿಟನ್ನಿನ ಆಟೋಮೊಬೈಲ್ ಕಂಪನಿ ರೋಲ್ಸ್ ರಾಯ್ಸ್ ಜೊತೆ ಭಾರತದ ಮುಂಚೂಣಿ ಐಟಿ ಸೇವಾ ಸಂಸ್ಥೆ ಟಾಟಾ ಕನ್ಸಲ್ಟೆನ್ಸಿ ಸರ್ವಿಸಸ್(ಟಿಸಿಎಸ್) ಕೈಜೋಡಿಸಿದೆ. ಎರಡು ಕಂಪನಿಗಳು ಪರಸ್ಪರ ವಾಣಿಜ್ಯ ಒಪ್ಪಂದಕ್ಕೆ ಸಹಿಹಾಕಿವೆ.

ಒಪ್ಪಂದದ ಪ್ರಕಾರ ರೋಲ್ಸ್ ರಾಯ್ಸ್ ಕಂಪನಿಯ ಇಂಜಿನ್ ತಯಾರಿಕೆಗೆ ನವೀನ ವಿನ್ಯಾಸ ಮತ್ತು ಇಂಜಿನಿಯರಿಂಗ್ ಸೇವೆಯನ್ನು ಟಿಸಿಎಸ್ ಒದಗಿಸಲಿದೆ. ಬುಧವಾರ(ಏ.22) ಬಿಡುಗಡೆ ಮಾಡಿದ ಪತ್ರಿಕಾ ಪ್ರಕಟಣೆಯಲ್ಲಿ ಟಿಸಿಎಸ್ ಈ ವಿಷಯವನ್ನು ತಿಳಿಸಿದೆ.

ಈ ಸಂಬಂಧ ಬೆಂಗಳೂರಿನಲ್ಲಿ ತಂತ್ರಜ್ಞಾನ ಕೇಂದ್ರವನ್ನು ಸ್ಥಾಪಿಸುತ್ತಿದೆ. ಈ ಸಂಸ್ಥೆಯ ಮೂಲಕ ರೋಲ್ಸ್ ರಾಯ್ಸ್ ಕಂಪನಿಯ ಇಂಜಿನ್ ಗಳಿಗೆ ಹೊಸ ವಿನ್ಯಾಸ, ಇಂಜಿನಿಯರಿಂಗ್ ಸೇವೆಗಳನ್ನು ಟಿಸಿಎಸ್ ಒದಗಿಸಲಿದೆ.ಟಿಸಿಎಸ್ ಹಾಗೂ ರೋಲ್ಸ್ ರಾಯ್ಸ್ ವಾಣಿಜ್ಯ ಒಪ್ಪಂದದ ಹಣಕಾಸು ವಿವರಗಳನ್ನು ಬಹಿರಂಗಪಡಿಸಿಲ್ಲ.