ಜಂಬೋ ಪಡೆ ಸೇರಿಕೊಂಡ ಪೀಟರ್ಸನ್

ಬೆಂಗಳೂರು, ಮಾ. 30 : ಇಂಗ್ಲೆಂಡ್ ತಂಡದ ಹೊಡೆಬಡಿ ಆಟಗಾರ ಕೆವಿನ್ ಪೀಟರ್ಸನ್ ರಾಯಲ್ ಚಾಲೆಂಜ್ ಬೆಂಗಳೂರು ತಂಡವನ್ನು ಸೋಮವಾರ (ಮಾ 29) ಸೇರಿಕೊಂಡಿದ್ದಾರೆ. ಕುಂಬ್ಳೆ ಪಡೆ ಬುಧವಾರ (ಮಾ 31 ) ನಡೆಯುವ ಪ್ರಮುಖ ಪಂದ್ಯದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡವನ್ನು ಚಿಪಾಕ್ ಚಿದಂಬರಂ ಮೈದಾನದಲ್ಲಿ ಎದುರಿಸಲಿದೆ.

ಬಾಂಗ್ಲಾ ದೇಶದೊಂದಿಗಿನ ಟೆಸ್ಟ್ ಸರಣಿ ಮುಕ್ತಾಯಗೊಂಡ ನಂತರ ಪೀಟರ್ಸನ್ ಚಿನ್ನಸ್ವಾಮಿ ಮೈದಾನದಲ್ಲಿ ಸೋಮವಾರ ಆರ್ ಸಿ ಬಿ ತಂಡದ ತರಬೇತಿಯಲ್ಲಿ ಭಾಗವಹಿಸಿದ್ದರು. ಸೋಮವಾರದ ಐಪಿಎಲ್ ಪಂದ್ಯದ ನಂತರ ಬೆಂಗಳೂರು ತಂಡ ನಾಲ್ಕು ಗೆಲುವು ಮತ್ತು ಎರಡು ಸೋಲಿನೊಂದಿಗೆ ಅಂಕ ಪಟ್ಟಿಯಲ್ಲಿ ಎರಡನೇ ಸ್ಥಾನ ಕಾಯ್ದು ಕೊಂಡಿದೆ.