ತಾರಾ ಕೈಲಿ ಶ್ರೀ ಶ್ರೀ ರವಿಶಂಕರ್ ಜೀವನ ಚರಿತ್ರೆ

ಬೆಂಗಳೂರು, ಮಾ.29: ಫ್ರೆಂಚ್ ಪತ್ರಕರ್ತೆ ಹಾಗೂ ಲೇಖಕಿ ಫ್ರೆಡ್ರಿಕ್ ಲೆಬೆಲ್ಲೆ ಅವರು ರಚಿಸಿರುವ ಆರ್ಟ್ ಆಫ್ ಲಿವಿಂಗ್ ಖ್ಯಾತಿಯ ರವಿಶಂಕರ್ ಗುರೂಜಿ ಅವರ ಜೀವನ ಚರಿತ್ರೆ 'ವಾಕಿಂಗ್ ದ ಪಾಥ್ 'ಪುಸ್ತಕವನ್ನು ಇಂದಿರಾನಗರದ ದಿ ಒಡಿಸ್ಸಿ ಮಳಿಗೆಯಲ್ಲಿ ಚಲನಚಿತ್ರ ನಟಿ ತಾರಾ ಲೋಕಾರ್ಪಣೆ ಮಾಡಿದರು.

ಸುದರ್ಶನ ಕ್ರಿಯಾ ಮುಂತಾದ ಧ್ಯಾನ, ಯೋಗ ಪದ್ಧತಿಯ ಅಭಿವೃದ್ಧಿ ಪಡಿಸಿ ಜೀವನಕಲೆ ಕಲಿಸಿದ ರವಿಶಂಕರ್ ಗುರೂಜಿ ಅವರ ಆಶ್ರಮದ ಒಡನಾಟ ಹಾಗೂ 1995 ರಿಂದ ಆಧ್ಯಾತ್ಯದ ವಿಚಾರದಲ್ಲಿ ಗುರೂಜಿ ಜೊತೆ ನಡೆಸಿದ ಚಿಂತನ ಮಂಥನದ ಪೂರ್ಣ ಪರಿಪಾಠವನ್ನು ಈ ಜೀವನ ಚರಿತ್ರೆಯ ಹೊತ್ತಿಗೆಯನ್ನು ಲೆಬೆಲ್ಲೆ ತುಂಬಿಸಿದ್ದಾರೆ.

ಈ ಸಂದರ್ಭದಲ್ಲಿ ಮಾತನಾಡಿದ ಒಡಿಸ್ಸಿ ಮಳಿಗೆಯ ಮುಖ್ಯಸ್ಥ ಆರ್ ಕೃಷ್ಣಕುಮಾರ್, " ಆಧ್ಯಾತ್ಮಿಕ ವಿಚಾರಗಳನ್ನು ಭಾರತದ ಸಮಾಜ ಇನ್ನೂ ಮುಕ್ತವಾಗಿ ಸ್ವೀಕರಿಸಿಲ್ಲ. ಫ್ರೆಡ್ರಿಕ್ ಲೆಬೆಲ್ಲೆ ಅವರ ' ವಾಕಿಂಗ್ ದ ಪಾಥ್' ಎಲ್ಲರ ಮೆಚ್ಚುಗೆ ಪಡೆಯುವ ಪುಸ್ತಕವಾಗಿ ಹೊರಹೊಮ್ಮಲಿದೆ ಎಂಬ ವಿಶ್ವಾಸವಿದೆ ಎಂದರು.