ಅಮರ್ ಸಿಂಗ್ ರಿಂದ ಸಮಾಜಮುಖಿ ಪಕ್ಷ?

ಮಿರ್ಜಾಪುರ, ಮಾ.15:ಮಾರ್ಚ್ ಅಂತ್ಯದೊಳಗೆ ಹೊಸ ಪಕ್ಷ ಘೋಷಿಸುವುದಾಗಿ ಸಮಾಜವಾದಿ ಪಕ್ಷದಿಂದ ಉಚ್ಚಾಟಿತ ನಾಯಕ ಅಮರ್ ಸಿಂಗ್ ಭಾನುವಾರ ಹೇಳಿದ್ದಾರೆ. ಸಮಾಜದ ಎಲ್ಲ ಸ್ತರದ ಜನರನ್ನು ಪ್ರೀತಿಸುವ ಪಕ್ಷ ಕಟ್ಟುವ ಆಸೆಯಿದೆ. ಮುಸ್ಲಿಮರು ಹಾಗೂ ಹಿಂದುಳಿದ ವರ್ಗದ ಜನರ ಅಭ್ಯುದಯಕ್ಕೆ ಶ್ರಮಿಸಲು ನಾನು ಸದಾ ಸಿದ್ಧ. ನಮಗೆ ಅವರ ಬೆಂಬಲ ಅಗತ್ಯವಿದೆ ಎಂದು ಛಾತ್ರಿಯ ಮಹಾಸಭಾ ಮೆರವಣಿಗೆಯ ನಂತರ ಭಾಷಣದಲ್ಲಿ ಅಮರ್ ಸಿಂಗ್ ಹೇಳಿದರು.

ಪಕ್ಷ ವಿರೋಧಿ ಚಟುವಟಿಕೆಗಳ ಆರೋಪದ ಮೇಲೆ ಮಾಜವಾದಿ ಪಕ್ಷದಿಂದ ಜಯಪ್ರದಾ ಹಾಗೂ ಅಮರ್ ಸಿಂಗ್ ಉಚ್ಚಾಟನೆಗೊಂಡಿದ್ದರು. ಆನಂತರ, ತಮ್ಮ ಮುಂದಿನ ರಾಜಕೀಯ ನಡೆಯ ಬಗ್ಗೆ ಯಾವುದೇ ಸುಳಿವು ಕೊಟ್ಟ್ಟಿರಲಿಲ್ಲ. ಆದರೆ, ಮಾರ್ಚ್28 ರ ಮಹಾಸಭಾ ಕಾರ್ಯಕ್ರಮದ ನಂತರ ಹೊಸ ಪಕ್ಷ ಘೋಷಿಸುತ್ತೇನೆ ಎಂದು ಅಮರ್ ಹೇಳಿಕೊಂಡಿದ್ದಾರೆ. ತಮ್ಮ ಸಹ ರಾಜಕಾರಣಿಗಳು, ಸಮಾಜಮುಖಿ ಯುವಕರನ್ನು ಒಗ್ಗೂಡಿಸಿ, ಹೊಸ ಪ್ರೀತಿ ತತ್ತ್ವದ ಮೇಲೆ ಪಕ್ಷ ರೂಪಿಸುವುದಾಗಿ ಅಮರ್ ಹೇಳಿದರು.