ಕುಲಾಂತರಿ ಬೆಳೆ ಭದ್ರತಾ ಕಾಯ್ದೆ ಅಡಿಗೆ

ನವದೆಹಲಿ, ಮಾ. 12: ಕುಲಾಂತರಿ ಆಹಾರ ಕುರಿತಂತೆ ಇರುವ ಎಲ್ಲಾ ಗೊಂದಲಗಳು, ಸಮಸ್ಯೆಗಳನ್ನು ಆಹಾರ ಭದ್ರತಾ ಕಾಯ್ದೆಯಡಿಯಲ್ಲಿ ಪರಿಹರಿಸಲಾಗುವುದು ಎಂಬ ಭರವಸೆಯನ್ನು ಇಂದು ಲೋಕಸಭೆಯಲ್ಲಿ ಸಂಸದ ದಿನೇಶ್ ತ್ರಿವೇದಿ ನೀಡಿದರು. ಲೋಕಸಭೆಯಲ್ಲಿ ಪ್ರಶ್ನೋತ್ತರ ವೇಳೆಯಲ್ಲಿ ಮಾತನಾಡಿದ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಖಾತೆ ರಾಜ್ಯ ಸಚಿವ ದಿನೇಶ್ ತ್ರಿವೇದಿ, ಆಹಾರ ಭದ್ರತಾ ಕಾಯ್ದೆ 2006 ರ ಅಡಿಯಲ್ಲಿ ಜಿಎಂಒ ಉತ್ಪನ್ನಗಳು ಸೇರುತ್ತವೆ ಎಂದರು.

ಅಹಾರ ಉತ್ಪನ್ನ ಕುರಿತಂತೆ ಇರುವ ವಿವಿಧ ಕಾಯ್ದೆಗಳನ್ನು ಒಟ್ಟುಗೂಡಿಸಿ, ಭದ್ರತೆ ಒದಗಿಸುವುದು ಹಾಗೂ ದೇಶದಲ್ಲಿ ಏಕರೂಪದ ಪರವಾನಿಗೆ ಪದ್ಧತಿ ಜಾರಿಗೆ ತರುವ ಉದ್ದೇಶದಿಮ್ದ ಆಹಾರ ಭದ್ರತೆ ಕಾಯ್ದೆ(FSSA) ಯನ್ನು 2006ರಲ್ಲಿ ಜಾರಿಗೆ ತರಲಾಯಿತು. ಆಹಾರ ಭದ್ರತಾ ಮಂಡಳಿಯನ್ನು ಸರ್ಕಾರ 2008ರಲ್ಲಿ ನೇಮಿಸಿ, ಈ ಕಾನೂನಿನಡಿಯಲ್ಲಿ ಬರುವ ಉತ್ಪನ್ನಗಳನ್ನು ವಿಷದಪಡಿಸಲು ತಿಳಿಸಿದೆ ಎಂದು ತ್ರಿವೇದಿ ಹೇಳಿದರು.