ಬಿಎಸ್ಸೆನ್ನೆಲ್, 1 ಲಕ್ಷ ನೌಕರರಿಗೆ ಕೊಕ್ ?

ನವದೆಹಲಿ, ಮಾ. 5 : ಸ್ಯಾಮ್ ಪಿತ್ರೋಡಾ ನೇತೃತ್ವದ ಉನ್ನತ ಸಮಿತಿ ಬಿಎಸ್ಎನ್ಎಲ್ ಪುನರುಜ್ಜೀವನಕ್ಕೆ ಸಂಬಂಧಿಸಿದಂತ ವರದಿಯನ್ನು ಸರಕಾರಕ್ಕೆ ಸಲ್ಲಿಸಿದೆ. ಸಂಸ್ಥೆಯಲ್ಲಿ ಅಗತ್ಯಕ್ಕಿಂತ ಒಂದು ಲಕ್ಷ ಹೆಚ್ಚುವರಿ ನೌಕರರಿದ್ದಾರೆ. ಇವರನ್ನು ವಜಾಗೊಳಿಸಬೇಕು ಎಂಬ ಸಲಹೆಯನ್ನು ಮುಂದಿಟ್ಟಿದೆ.

15 ಸಲಹೆಗಳನ್ನು ಹೊಂದಿರುವ ಅಧ್ಯಯನ ವರದಿಯನ್ನು ಪ್ರಧಾನಮಂತ್ರಿಗಳಿಗೆ ಸಲ್ಲಿಸಿದ್ದೇನೆ. ಬಿಎಸ್ಎಲ್ಎನ್ ಆಡಳಿತ ಮಂಡಳಿ ಸುಧಾರಣೆಗೆ ಸಂಬಂಧಿಸಿದಂತೆ ಚರ್ಚೆ ಸಮಾಲೋಚನೆ ನಡೆಸಿ ದೂರಸಂಪರ್ಕ ಇಲಾಖೆ ಸಹಯೋಗದೊಂದಿಗೆ ಮುಂದಿನ ಕ್ರಮ ತೆಗೆದುಕೊಳ್ಳಲಾಗುವುದು ಎಂದು ಪಿತ್ರೋಡಾ ಹೇಳಿದ್ದಾರೆ.

ಬಿಎಸ್ಎನ್ಎಲ್ ಆದಾಯದ ಕುಸಿತದ ಅದ್ಯಯನಕ್ಕೆ ಸಂಬಂಧಿಸಿದಂತೆ ಸರಕಾರ ಈ ಸಮಿತಿಯನ್ನು ರಚಿಸಿತ್ತು. ಬಿಎಸ್ಎನ್ಎಲ್, ರೈಲ್ವೆ ಇಲಾಖೆ ನಂತರ ಹೆಚ್ಚು ನೌಕರರನ್ನು ಹೊಂದಿರುವ ಸರಕಾರಿ ನಿವೃತ್ತಿ ಸಂಸ್ಥೆಯಾಗಿದೆ. 1 ಲಕ್ಷ ನೌಕರರಿಗೆ ನಿವೃತ್ತಿ ಯೋಜನೆಯಡಿ ನೌಕರರ ಪ್ರಮಾಣ ತಗ್ಗಿಸುವುದು ಉತ್ತಮ ಎಂದು ಸಮಿತಿಯ ವರದಿ ಹೇಳಿದೆ.