ಹೆದ್ದಾರಿ ತಾಂತ್ರಿಕ ಸಮಿತಿಗೆ ನಿಲೇಕಣಿ ನೇಮಕ

ಬೆಂಗಳೂರು, ಫೆ. 15 : ದೇಶದ ಜನರಿಗೆ ಗುರುತಿನ ಚೀಟಿ ನೀಡುವ ಜವಾಬ್ದಾರಿ ಹೊತ್ತಿರುವ ನಂದನ್ ನಿಲೇಕಣಿ ಇದೀಗ ಮತ್ತೊಂದು ಪ್ರಮುಖ ಜವಾಬ್ದಾರಿ ಹೊತ್ತಿದ್ದಾರೆ. ರಾಷ್ಟ್ರೀಯ ಹೆದ್ದಾರಿಗಳಲ್ಲಿರುವ ಟೋಲ್ ಗಳಲ್ಲಿ ಏಕರೂಪ ತಾಂತ್ರಿಕತೆ ಆಳವಡಿಸಿಕೊಳ್ಳಲು ಮುಂದಾಗಿರುವ ಭಾರತೀಯ ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರ ಯಾವ ತಾಂತ್ರಿಕತೆ ಅಳವಡಿಸಿಕೊಳ್ಳಬೇಕೆಂಬುದನ್ನು ಸೂಚಿಸಲು ಉನ್ನತ ಸಮಿತಿಯೊಂದನ್ನು ರಚಿಸಿದ್ದು, ನಂದನ್ ನಿಲೇಕಣಿ ಸಮಿತಿಯ ನೇತೃತ್ವ ವಹಿಸಿದ್ದಾರೆ.

ನಿಲೇಕಣಿ ನೇತೃತ್ವದ ಸಮಿತಿ ಯಾವ ತಂತ್ರಜ್ಞಾನವನ್ನು ಅಳವಡಿಸಿಕೊಂಡರೆ ಉತ್ತಮ ಎಂಬುದನ್ನು ಹೆದ್ದಾರಿ ಪ್ರಾಧಿಕಾರಕ್ಕೆ ಶಿಫಾರಸ್ಸು ಮಾಡಲಿದೆ. ಹೆದ್ದಾರಿ ತಾಂತ್ರಿಕತೆ ಅಳವಡಿಕೆ ಕುರಿತ ಸಮಿತಿ ಮೊದಲ ಸಭೆಯನ್ನು ನಿಲೇಕಣಿ ಫೆ 22 ರಂದು ನಡೆಸಲಿದ್ದಾರೆ. ಸಮಿತಿಯಲ್ಲಿ ಭೂಸಾರಿಗೆ ಸಚಿವಾಲಯದ ಮಹಾ ನಿರ್ದೇಶಕ ನಿರ್ಮಲ್ ಜೀತ್ ಸಿಂಗ್ ಹೆದ್ದಾರಿ ಪ್ರಾಧಿಕಾರದ ಸದಸ್ಯ ವಿ ಎಲ್ ಪಠಾಣ್ ಕರ್ ಸದಸ್ಯರಾಗಿದ್ದಾರೆ.