ಮದುವೆ ನಂತರ ಟೆನಿಸ್ ಗೆ ಸಾನಿಯಾ ಗುಡ್ ಬೈ

ನವದೆಹಲಿ, ಜ. 15 : ಕೋಟ್ಯಂತರ ಟೆನಿಸ್ ಅಭಿಮಾನಿಗಳಿಗ ಭಾರಿ ಅಘಾತದ ಸುದ್ದಿ! ಭಾರತದ ಟೆನಿಸ್ ತಾರೆ ಸಾನಿಯಾ ಮಿರ್ಜಾ ಮದುವೆ ನಂತರ ವೃತ್ತಿಪರ ಟೆನಿಸ್ ಗೆ ಗುಡ್ ಬೈ ಹೇಳಲು ನಿರ್ಧರಿಸಿದ್ದಾರೆ.

ಸೋಹ್ರಾಬ್ ಮಿರ್ಜಾ ಅವರೊಂದಿಗೆ ಕಳೆದ ವರ್ಷ ಜುಲೈನಲ್ಲಿ ನಿಶ್ಚಿತಾರ್ಥವಾದ ಸಂದರ್ಭದಲ್ಲಿ ಸೊಹ್ರಾಬ್ ಅವರು ಸಾನಿಯಾ ಆಟದ ಭವಿಷ್ಯಕ್ಕೆ ತೊಡಕಾಗುವುದಿಲ್ಲ ಎಂದು ಪ್ರಕಟಿಸಿದ್ದರು. ಆದರೂ ಸಾನಿಯಾ ನಾನು ಮದುವೆ ನಂತರ ಟೆನಿಸ್ ಆಡುವುದಿಲ್ಲ ಎಂದು ಹೇಳಿಬಿಟ್ಟಿದ್ದಾರೆ. ವಿವಾಹದ ನಂತರ ವೃತ್ತಿಪರ ಟೆನಿಸ್ ಆಟಗಾರ್ತಿಯಾಗಿ ಮುಂದುವರಿಯುವುದಿಲ್ಲ. ನಾನು ಆಟದ ಅಂಗಳದಿಂದ ದೂರವಾಗಲು ಇನ್ನೂ ಒಂದಿಷ್ಟ ಸಮಯವಿದೆ. ಏಕೆಂದರೆ ಮದುವೆಯ ದಿನವಿನ್ನೂ ದೂರವಿದೆ ಎಂದು ತಿಳಿಸಿದ್ದಾರೆ.