ಮುಂದಿನ ವರ್ಷದಿಂದ 11 ಅಂಕಿ ಮೊಬೈಲ್

ನವದೆಹಲಿ, ಡಿ. 3 : ಮೊಬೈಲ್ ಬಳಕೆದಾರರಿಗೆ ಮುಂದಿನ ವರ್ಷದಿಂದ ತಮ್ಮ ತಮ್ಮ ನಂಬರ್ ಗಳನ್ನೂ ನೆನಪಿನಲ್ಲಿ ಇಟ್ಟುಕೊಳ್ಳಲು ಕಷ್ಟವಾಗಬಹುದು. ಮುಂದಿನ ವರ್ಷದ ಆರಂಭದಿಂದ ಮೊಬೈಲ್ ಅಂಕಿ 10 ರಿಂದ 11ಅಂಕಿಯಾಗುವ ಸಾಧ್ಯತೆ ಇದೆ. ಈ ರೀತಿಯ ಮಾದರಿ ಸಂಖ್ಯೆಗಳನ್ನು ಜಾರಿಗೆ ತರಲು ದೂರಸಂಪರ್ಕ ಇಲಾಖೆ ನಿರ್ಧರಿಸಿದೆ.

ಮೊಬೈಲ್ ಫೋನ್ ಗಳ ಬಳಕೆದಾರರ ಸಂಖ್ಯೆ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿರುವ ಹಿನ್ನಲೆಯಲ್ಲಿ ಈ ಕ್ರಮ ತೆಗೆದುಕೊಳ್ಳಲು ದೂರಸಂಪರ್ಕ ಇಲಾಖೆ ನಿರ್ಧರಿಸಿದೆ. ಆದರೆ ಕೆಲವು ಮೊಬೈಲ್ ಕಂಪನಿಗಳು ಸರಕಾರದ ಈ ನಿರ್ಧಾರಕ್ಕೆ ಅಸಮ್ಮತಿ ಸೂಚಿಸಿದೆ ಎನ್ನಲಾಗಿದೆ. ಈಗಾಗಲೇ ಐಎಂಇಐ ಸಂಖ್ಯೆ ಹೊಂದಿರದ ಮೊಬೈಲ್ ಗಳ ಸಂಪರ್ಕ ಕಳೆದ ನವೆಂಬರ್ 30ರಂದು ರದ್ದಾಗಿದೆ.

(ಏಜನ್ಸೀಸ್)