ನಿಮ್ಮ ಮೊಬೈಲ್ ರಿಂಗಣಿಸಬೇಕೆ ? ಹೀಗೆ ಮಾಡಿ

ನವದೆಹಲಿ, ನ. 30 : ಏಕರೂಪದ ಐಎಂಇಐ ಸಂಖ್ಯೆ ಹೊಂದಿಲ್ಲದ ಕೋಟ್ಯಂತರ ಮೊಬೈಲ್ ಗಳು ಇಂದು ಮಧ್ಯರಾತ್ರಿಯಿಂದ ನಿರುಪಯೋಗಿ ಆಗಲಿವೆ. ಅಂತರಾಷ್ಟ್ರೀಯ ಮೊಬೈಲ್ ಸಾಧನಗಳನ್ನು ಐಎಂಇಐ ಸಂಖ್ಯೆ ಮೂಲಕ ಗುರುತಿಸಲಾಗುತ್ತದೆ. 15 ಅಂಕೆಗಳ ಐಎಂಇಐ ಸಂಖ್ಯೆ ಯನ್ನು ನವೆಂಬರ್ 30ರ ಒಳಗೆ ಪಡೆಯಲು ಸರಕಾರ ಈ ಹಿಂದೆ ಗಡುವು ನೀಡಿತ್ತು. ಉಗ್ರರ ವಿಧ್ವಂಶಕ ಕೃತ್ಯಕ್ಕೆ ಮೊಬೈಲ್ ಗಳನ್ನೂ ಬಳಸುತ್ತಿರುವುದು ಬೆಳಕಿಗೆ ಬಂದಿರುವ ಹಿನ್ನಲೆಯಲ್ಲಿ ಸರಕಾರ ಈ ಕ್ರಮ ಕೈಗೊಂಡಿದೆ.

ಒಂದು ಅಂದಾಜಿನ ಪ್ರಕಾರ ಐಎಂಇಐ ಸಂಖ್ಯೆ ಹೊಂದಿರದ ಎರಡೂವರೆ ಕೋಟಿ ಮೊಬೈಲ್ ಗಳು ದೇಶದಲ್ಲಿವೆ. ಈ ಸಂಖ್ಯೆಯಿಂದ ಮೊಬೈಲ್ ಮಾದರಿ, ಸಂಖ್ಯೆ ಮತ್ತು ಆ ಸಾಧನ ತಯಾರಕರ ವಿವರಗಳನ್ನು ಸುಲಭವಾಗಿ ಪತ್ತೆ ಹಚ್ಚಬಹುದು.

ಪತ್ತೆ ಹಚ್ಚುವುದು ಹೇಗೆ : ನಿಮ್ಮ ಮೊಬೈಲ್ ನಿಂದ *#06 # ಪ್ರೆಸ್ ಮಾಡಿ. ಆಗ 15 ಡಿಜಿಟ್ ಗಳ ಐಎಂಇಐ ಸಂಖ್ಯೆ ಡಿಸ್ ಪ್ಲೇ ಆಗುತ್ತದೆ. ನೈಜ ಐಎಂಇಐ ಸಂಖ್ಯೆ 15 ಡಿಜಿಟ್ ಗಳನ್ನೂ ಹೊಂದಿರುತ್ತದೆ. ಈ ಸಂಖ್ಯೆ ನೈಜತೆಯಾಗಿರದಿದ್ದ ಪಕ್ಷದಲ್ಲಿ 57886 ಗೆ ಆ ಸಂಖ್ಯೆಯನ್ನು ಎಸ್ ಎಂ ಎಸ್ ಮೂಲಕ ಕಳುಹಿಸಿ. ನಂತರ ಎಸ್ ಎಂ ಎಸ್ ಉತ್ತರ ಬರುತ್ತದೆ. ಮೂಲ ಐಎಂಇಐ ಸಂಖ್ಯೆ, ಮಾಡೆಲ್ ಸಂಖ್ಯೆ ಮುಂತಾದವು ಲಭ್ಯವಾಗುತ್ತದೆ. ಒಂದು ಪಕ್ಷ ಲಭ್ಯವಾಗದಿದ್ದಲ್ಲಿ ನೀವು ಮೊಬೈಲ್ ಖರೀದಿಸಿದ ಡೀಲರ್ ಅನ್ನು ತಕ್ಷಣ ಸಂಪರ್ಕಿಸಿ.

(ಏಜನ್ಸೀಸ್)