ಮುಸ್ಲಿಂರೆಲ್ಲ ಭಯೋತ್ಪಾದಕರೆ ? ಅಜ್ಮಿ

ನವದೆಹಲಿ, ಸೆ. 24 : ಇಸ್ಲಾಂ ಎಂಬ ಪದವು ಭಯೋತ್ಪಾದನೆಗೆ ಪರ್ಯಾಯ ಎಂಬ ಆರೋಪ ಶುದ್ಧ ಸುಳ್ಳು. ಆರೋಪದಲ್ಲಿ ಯಾವುದೇ ಹುರುಳಿಲ್ಲ. ಅದು ಸತ್ಯವೂ ಅಲ್ಲ ಬಾಲಿವುಡ್ ನಟಿ ಶಬಾನಾ ಆಜ್ಮಿ ಅಭಿಪ್ರಾಯಪಟ್ಟಿದ್ದಾರೆ.

ಭಾರತೀಯ ಕಲೆ, ಸಂಸ್ಕೃತಿ ಹಾಗೂ ಪಾಕಶಾಸ್ತ್ರಕ್ಕೆ ಸಂಬಂಧಿಸಿದ ಐತಿಹಾಸಿಕ ಉತ್ಸವದ ಅಂಗವಾಗಿ ದಕ್ಷಿಣ ಆಫ್ರಿಕಾಕ್ಕೆ ಮೂರು ದಿನಗಳ ಪ್ರವಾಸ ಕೈಗೊಂಡಿರುವ ಅವರು, ಇಸ್ಲಾಂ ಧರ್ಮದ ಕುರಿತು ನಡೆದ ಸಮಾವೇಶದಲ್ಲಿ ಪಾಲ್ಗೊಂಡು ಮಾತನಾಡುತ್ತಿದ್ದರು. 9/11 ರ ಘಟನೆ ವಿಶ್ವ ಮುಸ್ಲಿಮರೆಲ್ಲರೂ ಒಂದಾಗಲು ಒಂದು ವೇದಿಕೆ ರೂಪಿಸಿತು. ಎಲ್ಲೆಲ್ಲಿ ಇಸ್ಲಾಂ ಧರ್ಮವಿದೆಯೋ ಅದು ಅಲ್ಲಿನ ಸಂಸ್ಕೃತಿಯೇ ಆಗಿ ಹೋಗಿದೆ ಎಂಬುದನ್ನು ಮನವರಿಕೆ ಮಾಡಿಕೊಡುವಂತಾಯಿತು ಎಂದು ಅವರು ಹೇಳಿದರು.

ಇಸ್ಲಾಂ ಕೆಲ ದೇಶಗಳಲ್ಲಿ ಮುಕ್ತವಾಗಿದ್ದರೆ, ಕೆಲವಡೆ ಸೌಮ್ಯವಾಗಿದೆ. ಹಲವಡೆ ಅಸಹಿಷ್ಣುತೆಯಿಂದ ಕೂಡಿದ್ದರೆ, ಇನ್ನು ಕೆಲವಡೆ ತೀವ್ರಗಾಮಿಯಾಗಿದೆ. ಹಾಗೆಂದ ಮಾತ್ರಕ್ಕೆ ಅದನ್ನು ಭಯೋತ್ಪಾದಗೆ ತಳಕು ಹಾಕುವುದು ಸಮಂಜಸವಲ್ಲ ಎಂದು ಅಜ್ಮಿ ಹೇಳಿದರು.

(ಏಜನ್ಸೀಸ್)