ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ಅಂತರ್ ಜಾಲಕ್ಕೆ ಮಧ್ಯವಯಸ್ಸಿನ ತಳಮಳ

By Staff
|
Google Oneindia Kannada News

internet-is-40-years-old
ಎಲ್ಲರೂ ಹುಟ್ಟಿದ ಹಬ್ಬ ಆಚರಿಸಿಕೊಳ್ಳುತ್ತಾರೆ. ನಾನೇನು ಕಮ್ಮಿ. ಸಕಲ ಜೀವರಾಶಿಗಳ ಹುಟ್ಟು ಬೆಳವಣಿಗೆ ಸಾವುಗಳನ್ನು ದಾಖಲಿಸುವ ನಾನೂ ನನ್ನ ಹುಟ್ಟು ಹಬ್ಬ ಆಚರಿಸಿಕೊಳ್ಳಬೇಡವೆ. ನಾನೂ ಇವತ್ತು ಬರ್ತ್ ಡೇ ಆಚರಿಸಿಕೊಳ್ಳುತ್ತಿದ್ದೇನೆ, ಬನ್ನಿ ಎನ್ನುತ್ತಿದೆ ಅಂತರ್ಜಾಲ. ಹೌದು, ಇಂಟರ್ ನೆಟ್ಟಿಗೆ ಇವತ್ತು 40 ವರ್ಷ ತುಂಬಿತು. ಮಿಡಲ್ ಏಜ್ ಕ್ರೈಸಿಸ್ ಶುರುವಾಯಿತು ಎನ್ನೋಣವಾ?

ಅಂತರ್ ಜಾಲ ಹುಟ್ಟಿದ್ದು ಅಮೆರಿಕಾದಲ್ಲಿ. ಪಶ್ಚಿಮ ಕರಾವಳಿಯ, ಲಾಸ್ ಏಂಜಲಿಸ್ ನಲ್ಲಿರುವ ಕ್ಯಾಲಿಫೋರ್ನಿಯ ವಿಶ್ವವಿದ್ಯಾಲಯದಲ್ಲಿ. ತಾರೀಖು ಸೆಪ್ಟೆಂಬರ್ 2. ಇಸವಿ 1969. ಇಂಟರ್ ನೆಟ್ಟಿನ ಕಲ್ಪನೆಗೆ ಬುನಾದಿ ಹಾಕಿದವನ ಹೆಸರು ಕ್ಲಿನ್ ರಾಕ್. ಆತನ ಅನೇಕ, ನಿರಂತರ ಸಂಶೋಧನೆಗಳ ಫಲವೇ ಇಂಟರ್ ನೆಟ್. ಆತನ ಕೊಡುಗೆ ಇಲ್ಲದಿದ್ದರೆ ಇವತ್ತು ದಟ್ಸ್ ಕನ್ನಡ ಇರುತ್ತಿರಲಿಲ್ಲ. ನಮ್ಮ ಬರವಣಿಗೆ, ನಿಮ್ಮ ಓದುವಿಕೆ ಯಾವತ್ತೂ ಲಗತ್ತಾಗುತ್ತಿರಲಿಲ್ಲ. ನಮ್ಮ ಡಾಟ್ ಕಾಂ ವತಿಯಿಂದ ಅಂತರ್ ಜಾಲದ ಆದ್ಯ ಪ್ರವರ್ತಕ ಕ್ನಿನ್ ಗೆ ಶುಭಾಶಯಗಳು, ಕ್ಲಿನ್ ರಾಕ್ಸ್.

ಇಂಟರ್ ನೆಟ್ಟನ್ನು ಎಷ್ಟು ಜನ ಬಳಸುತ್ತಾರೆ, ಯಾಕೆ ಬೇಕು, ಯಾತಕ್ಕಾದರೂ ಬಳಸುತ್ತಾರೆ ಎಂಬ ಅಂಕಿ ಅಂಶಗಳು ಈಗ ಬೇಡ. ಮಲೆನಾಡಿನ ತೋಟದ ಮನೆಯಲ್ಲಿ , ಡಯಲ್ ಅಪ್ ಸಂಪರ್ಕದಲ್ಲಿ 56 ವರ್ಷದ ಅರ್ಚಕ ರಾಮಭಟ್ಟರು ಇಂಟರ್ ನೆಟ್ ಆನ್ ಮಾಡಿ ಏನನ್ನೋ ಹುಡುಕುತ್ತಿದ್ದಾರೆ ಎನ್ನುವುದಷ್ಟೆ ಮಾಹಿತಿ ನಿಮಗೆ ಸಾಕು. ಭಾರತದಲ್ಲಿ ಆಗುತ್ತಿರುವ ಜನಸಂಖ್ಯಾ ಸ್ಫೋಟಕ್ಕಿಂತ ವೇಗವಾಗಿ ಇಂಟರ್ ನೆಟ್ಟಿನ ಜಾಲ ಹಬ್ಬುತ್ತಿದೆ ಎಂದು ಹೇಳಿದರಷ್ಟೆ ಸಾಕಲ್ಲವೆ. ಮೊನ್ನೆಯ ಒಂದು ಸುದ್ದಿ ಪ್ರಕಾರ ಮುಂದಿನ ಮೂರು ವರ್ಷಗಳಲ್ಲಿ ಭಾರತದಲ್ಲಿ ಬ್ರಾಡ್ ಬ್ಯಾಂಡ್ ಸಂಪರ್ಕಗಳು 100 ದಶಲಕ್ಷ ಏರಲಿದೆ ಎಂದು ಸ್ಯಾಮ್ ಪಿತ್ರೋಡ ಹೇಳಿದ್ದಾರೆ. ಅವರು ನಿಮ್ಮ ತಂದೆತಾಯಿ ಮತ್ತು ಮಕ್ಕಳನ್ನು ದೃಷ್ಟಿಯಲ್ಲಿಟ್ಟುಕೊಂಡು ಹೇಳಿರಬಹುದು.

ಇಂಟರ್ ನೆಟ್ಟಿನಲ್ಲಿ ಸಾಗರದಷ್ಟು ಮಾಹಿತಿ ಅಡಗಿರಬಹುದು. ಆದರೆ, ಅದನ್ನು ಬೊಗಸೆಯಲ್ಲಿ ತುಂಬಿಕೊಳ್ಳುವವರ ಮುಖ್ಯ ಸಮಸ್ಯೆ ವೇಗ. ಅಂದರೆ, ಇಂಟರ್ ನೆಟ್ ಸ್ಪೀಡ್. ಸ್ಪೀಡೂ ಇದ್ದು, ಕೈಬೆರಳುಗಳು ಚುರುಕಾಗಿದ್ದು, ಮಿದುಳು ಅದಕ್ಕಿಂತ ಚುರುಕಾಗಿದ್ದರೆ, ಉದಾಹರಣೆಗೆ ದಟ್ಸ್ ಕನ್ನಡದಲ್ಲಿ ಹತ್ತು ನಿಮಿಷಕ್ಕೊಮ್ಮೆ ಹೊಸ ಸುದ್ದಿ ಪ್ರತ್ಯಕ್ಷವಾಗುತ್ತದೆ. ಯೂನಿಕೋಡ್ ಸೌಲಭ್ಯ ಬಂದಾಗಿನಿಂದ ಕಟ್ ಅಂಟ್ ಪೇಸ್ಟ್ ಗಿರಾಕಿಗಳಿಗೆ ಕಾಪಿ ಮಾಡುವುದು ಒಂದು ನಿಮಿಷದ ಸುಗ್ಗಿಯಾಗಿದೆ. ಬೆಂಗಳೂರಿನಿಂದ ಆಕಾಶಕ್ಕೆ ಜಿಗಿಯುವ ಕನ್ನಡ ವರದಿಯನ್ನು ಕಾಪಿ ಮಾಡಲು ಚೆನ್ನೈ ಕನ್ನಡಿಗನಿಗೆ ಅರ್ಧ ನಿಮಿಷ ಬೇಕಾದಷ್ಟಾಯಿತು!

ಅಂದಹಾಗೆ, what is common with internet and Kannada actor kichha Sudeep ಎಂಬ ಒಂದು ಟೀಸರ್ ಅನ್ನು ಟೈಂಸ್ ಆಫ್ ಇಂಡಿಯಾ ತನ್ನ ಭಾನುವಾರದ ಸಂಚಿಕೆಯಲ್ಲಿ ಓದುಗರಿಗೆ ಹಾಕಿದರೆ Birth Day ಎಂದು ಇಂಗ್ಲಿಷ್ ಮೀಡಿಯಂನಲ್ಲಿ ಕಲಿಯುತ್ತಿರುವ ಕನ್ನಡ ಹುಡುಗ ಹುಡುಗಿಯರು ಥಟ್ಟನೆ ಉತ್ತರಿಸಿಯಾರು.

ಬಹುಶಃ ಭಾರತೀಯ ಭಾಷೆಗಳಲ್ಲಿ ಸುದ್ದಿ ಮಾಹಿತಿಗಳನ್ನು ಎಂದೂ ಪ್ರಸಾರ ಮಾಡಲೊಲ್ಲದ ರಿಡಿಫ್ ಇಂಗ್ಲಿಷ್ ವೆಬ್ ಸೈಟು ಇವತ್ತಿನ ಒಂದು ಪೋಸ್ಟ್ ನಲ್ಲಿ ಇಂಟರ್ ನೆಟ್ಟಿನ ಹುಟ್ಟು ಹಬ್ಬ ಆಚರಿಸಿದೆ. The Internet is 40 years old!ಎಂದು ಸಾರಿ ಹೇಳಿದೆ. ದಕ್ಷಿಣ ಕೊರಿಯಾ, ಸಿಂಗಪುರ, ನೆದರ್ ಲ್ಯಾಂಡ್ಸ್, ಡೆನ್ ಮಾರ್ಕ್ ಮತ್ತು ತೈವಾನ್ ನಲ್ಲಿ ಸ್ಪೀಡ್ ಅತಿಹೆಚ್ಚು ಎಂದು ರೀಡಿಫ್ ಡಾಟ್ ಕಾಮಿನ ಒಂದು ವರದಿ ಹೇಳುತ್ತದೆ. ಆದರೆ, ಇಂಟರ್ ನೆಟ್ಟಿನ ತವರು ಅಮೆರಿಕಾದಲ್ಲಿ ನೆಟ್ ಸ್ಲೋ ಎಂದೂ ಇದೇ ವರದಿಯಲ್ಲಿ ಹೇಳಲಾಗಿದೆ. ಬಹುಶಃ ಇದೇ ಒಂದು ಕಾರಣದಿಂದಾಗಿ ಕನ್ನಡದಲ್ಲಿ ಬರೆಯುವ ಅಮೆರಿಕನ್ನಡಿಗರ ಬರಹ ಉತ್ಪತ್ತಿಗೂ ರಿಸೆಷನ್ ಅಮರಿಕೊಂಡಿರಬಹುದು.

ಏನೇ ಬರಲಿ, ಇಂಟರ್ ನೆಟ್ ಇರಲಿ.

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X