ಬೆಂಗಳೂರಿನಲ್ಲಿ ಅಮೆರಿಕಾ ಕಾನ್ಸುಲೇಟ್ ಇಲ್ಲ : ಸಿಮ್ಕಿನ್

ಬೆಂಗಳೂರು, ಆ. 1 : ಬೆಂಗಳೂರಿನಲ್ಲಿ ಅಮೆರಿಕಾ ರಾಯಭಾರ ಕಛೇರಿ ತೆರೆಯುವಂತೆ ಮುಖ್ಯಮಂತ್ರಿ ಬಿ.ಎಸ್. ಯಡಿಯೂರಪ್ಪ ಅವರು ಒತ್ತಾಯಿಸಿದ್ದಾರೆ. ಅಮೆರಿಕಾದ ಕೌನ್ಸಿಲ್ ಜನರಲ್ ಆಂಡ್ರ್ಯೋಸಿಮ್ಮಿನ್ ಅವರೊಂದಿಗೆ ವಿಧಾನ ಸೌಧದ ಕಛೇರಿಯಲ್ಲಿ ಭೇಟಿ ಮಾಡಿ ಚರ್ಚೆ ನಡೆಸಿದ ನಂತರ ಸುದ್ದಿಗಾರರೊಂದಿಗೆ ಮಾತನಾಡಿದರು.

ರಾಜ್ಯದ ಸಾವಿರಾರು ಜನರು ಪ್ರತಿ ತಿಂಗಳು ಅಮೆರಿಕಾಕ್ಕೆ ತೆರಳುತ್ತಿದ್ದು, ವೀಸಾಕ್ಕಾಗಿ ಚನ್ನೈಗೆ ತೆರಳಬೇಕಾಗಿರುತ್ತದೆ. ಈ ಕಷ್ಟ ತಪ್ಪಿಸಲು ಬೆಂಗಳೂರಿನಲ್ಲಿಯೇ ವೀಸಾ ಕಛೇರಿ ಪ್ರಾರಂಭಿಸಿದರೆ ಒಳಿತು ಎಂದರು. ಅಮೆರಿಕಾ ಪ್ರವಾಸ ಕೈಗೊಳ್ಳುವವರಿಗೆ ಅನುಕೂಲವಾಗುವಂತೆ ವರ್ಚುವಲ್ ಪ್ರೆಸೆಂಟ್ಸ್ ಪೋಸ್ಟನ್ನು ನಗರದಲ್ಲಿ ಪ್ರಾರಂಭಿಸಲು ಆಂಡ್ರ್ಯೋ ಸಿಮ್ಮಿನ್ ಅವರು ಸಹಮತ ವ್ಯಕ್ತಪಡಿಸಿದರು. ಅಕ್ಟೋಬರ್‌ನಲ್ಲಿ ಅಮೆರಿಕಾದಲ್ಲಿ ಜಾಗತಿಕ ಹೂಡಿಕೆದಾರರ ಸಮಾವೇಶ ನಡೆಯುತ್ತಿದ್ದು. ಈ ಕಾರ್ಯಕ್ರಮದಲ್ಲಿ ಪಾಲ್ಗೊಳ್ಳುತ್ತಿದ್ದೇನೆ ಎಂದು ಇದೇ ಸಂದರ್ಭದಲ್ಲಿ ಯಡಿಯೂರಪ್ಪ ಹೇಳಿದರು.

ಮುಖ್ಯಮಂತ್ರಿಗಳ ಮನವಿಯನ್ನು ನಯವಾಗಿ ತಿರಸ್ಕರಿಸಿದ ಸಿಮ್ಕಿನ್, ಬೆಂಗಳೂರಿನಲ್ಲಿ ಇನ್ನೊಂದು ಅಮೆರಿಕ ರಾಯಭಾರ ಕಚೇರಿ ತೆರೆಯಲು ಸಾಧ್ಯವಿಲ್ಲ ಎಂದು ಸ್ಪಷ್ಟಪಡಿಸಿದರು. ಹೈದರಾಬಾದ್ ಮತ್ತು ಚೆನ್ನೈನಲ್ಲಿ ಅಮೆರಿಕ ರಾಯಭಾರ ಕಚೇರಿಗಳಿವೆ. ಹೀಗಿದ್ದೂ ಭಾರತದಲ್ಲಿ ಇನ್ನೊಂದು ರಾಯಭಾರ ಕಚೇರಿ ಸ್ಥಾಪಿಸುವ ಅಮೆರಿಕ ಸರಕಾರದ ಮುಂದೆ ಇಲ್ಲ ಎಂದು ಅವರು ಸ್ಪಷ್ಟಪಡಿಸಿದರು.

(ದಟ್ಸ್ ಕನ್ನಡ ವಾರ್ತೆ)