ತ್ವರಿತ ಅಲರ್ಟ್ ಗಳಿಗಾಗಿ
For Daily Alerts
ಜುಲೈ25 ರಂದು ಕೆಎಂಎಫ್ ಚುನಾವಣೆ
ಬೆಂಗಳೂರು, ಜು. 20: ರಾಜ್ಯ ಹಾಲು ಒಕ್ಕೂಟದ ಅಧ್ಯಕ್ಷರ ಚುನಾವಣೆ ಜುಲೈ 25 ರಂದು ನಡೆಯಲಿದೆ. ಜುಲೈ 20 ರಂದು ಚುನಾವಣೆ ನಡೆಸುವುದಾಗಿ ಸರಕಾರ ಮೊದಲು ಪ್ರಕಟಿಸಿತ್ತು. ಆದರೆ ಕಳೆದ 15 ರಂದು ಹೊರಡಿಸಿರುವ ಅಧಿಸೂಚನೆಯಲ್ಲಿ ಈ ದಿನಾಂಕ ಬದಲಾಗಿದ್ದು ಚುನಾವಣೆಯನ್ನು 25 ಕ್ಕೆ ನಿಗದಿ ಪಡಿಸಲಾಗಿದೆ.
ಈ ನಡುವೆ ಗುಲ್ಬರ್ಗಾ ಯೂನಿಯನ್ ಸೂಪರ್ ಸೀಡ್ ಪ್ರಶ್ನಿಸಿ ಜೆಡಿಎಸ್ ನ್ಯಾಯಾಲಯದಿಂದ ತಡೆಯಾಜ್ಞೆ ತಂದಿದೆ. ಹೀಗಾಗಿ ಗುಲ್ಬರ್ಗಾ ಯೂನಿಯನ್ ಗೆ ಈ ಚುನಾವಣೆಯಲ್ಲಿ ಪಾಲ್ಗೊಳ್ಳಲು ಆಕಾಶವಿರುವುದಿಲ್ಲ. ಈಗಾಗಲೇ ಕೆಎಂಎಫ್ ನಡಿ ಬರುವ ನಾನಾ ಒಕ್ಕೂಟಗಳ ನಿರ್ದೇಶಕರ ಆಯ್ಕೆ ಪೂರ್ಣಗೊಂಡಿದೆ.
ಚುನಾವಣೆಯನ್ನು ಬಿಜೆಪಿ ಗಂಭೀರವಾಗಿ ಪರಿಗಣಿಸಿದೆ. ಜಿಲ್ಲಾ ಯೂನಿಯನ್ ಚುನಾವಣೆಯಲ್ಲಿ ಬಹುಪಾಲು ಗೆದ್ದಿರುವ ಬಿಜೆಪಿ, ಕೆಎಂಎಫ್ ಅಧ್ಯಕ್ಷ ಚುನಾವಣೆಯನ್ನೂ ಗೆದ್ದು ರೇವಣ್ಣ ಪಾರುಪತ್ಯ ಅಂತ್ಯ ಹಾಡುವ ತವಕದಲ್ಲಿದೆ.
(ದಟ್ಸ್ ಕನ್ನಡ ವಾರ್ತೆ)
Comments
Story first published: Monday, July 20, 2009, 12:03 [IST]