ದೆಹಲಿಯಲ್ಲಿ ಮೆಟ್ರೋ ಸೇತುವೆ ಕುಸಿತ

ನವದೆಹಲಿ, ಜು.12: ನಿರ್ಮಾಣ ಹಂತದಲ್ಲಿದ್ದ ಮೆಟ್ರೋ ರೈಲು ಸೇತುವೆ ಕುಸಿದ ಪರಿಣಾಮ, ಐದಕ್ಕೂ ಹೆಚ್ಚು ಜನರು ಸತ್ತಿದ್ದಾರೆ. ಸುಮಾರು 15 ಜನರಿಗೆ ತೀವ್ರ ಗಾಯಗಳಾಗಿವೆ. ಇಂದು ಬೆಳಗ್ಗೆ ಡಿಎಂಆರ್ ಸಿ ಸೇತುವೆ ಕುಸಿತಗೊಂಡಿದ್ದು, ಪರಿಹಾರ ಕಾರ್ಯ ಚುರುಕುನಿಂದ ಸಾಗಿದೆ ಎಂದು ಪೊಲೀಸರು ಸ್ಪಷ್ಟಪಡಿಸಿದರು.

ಇಂದು ಬೆಳಗ್ಗೆ 5 ಗಂಟೆ ಸುಮಾರಿಗೆ ಲಜ್ ಪತ್ ಪುರ ಬಳಿಯ ಲೇಡಿ ಶ್ರೀರಾಮ್ ಕಾಲೇಜಿನ ಬಳಿ ಇರುವ ನಿರ್ಮಾಣ ಹಂತದಮೆಟ್ರೋ ರೈಲು ಸೇತುವೆಯ ಒಂದು ಕಂಬ ಕುಸಿದು ಬಿತ್ತು. ಕಾಂಕ್ರೀಟ್ ಸ್ಲ್ಯಾಬ್ ಗಳು ನೆಲಕ್ಕಪ್ಪಳಿಸಿದವು ಎಂದು ಪ್ರತ್ಯಕ್ಷದರ್ಶಿಗಳು ಹೇಳಿದ್ದಾರೆ. ಕಂಬ ನೆಲಕ್ಕುರಳಿದ ಪರಿಣಾಮದಿಂದ ನೀರು ಸರಬರಾಜಿನ ಪೈಪು ಒಡೆದು,ಸುತ್ತಮುತ್ತಲಿನ ಪ್ರದೇಶವೆಲ್ಲಾ ಜಲಾವೃತಗೊಂಡಿದೆ ಎಂದು ತಿಳಿದು ಬಂದಿದೆ.

ಘಟನೆ ನಡೆದ ಸಂದರ್ಭದಲ್ಲಿ ಸುಮಾರು 25 ಜನ ಕಾರ್ಮಿಕರು ಕೆಲಸದಲ್ಲಿ ನಿರತರಾಗಿದ್ದರು. ಅವಶೇಷಗಳ ಅಡಿಯಲ್ಲಿ ಅಳಿದುಳಿದಿರುವ ವ್ಯಕ್ತಿಗಳನ್ನು ಬದುಕಿಸುವ ಕಾರ್ಯ ಸಾಗಿದೆ. ಗಾಯಾಳುಗಳನ್ನು ಏಮ್ಸ್ ಆಸ್ಪತ್ರೆಗೆ ಸೇರಿಸಲಾಗಿದೆ ಎಂದು ಪೊಲೀಸರು ಹೇಳಿದರು.

(ಏಜೆನ್ಸೀಸ್)