ಸುಂದರಿ ಸಾನಿಯಾಗೆ ಸೋಹ್ರಬ್ ನೊಂದಿಗೆ ಮದುವೆ

ಬೆಂಗಳೂರು, ಮೇ. 29 : ಕರೀನಾ ಕಪೂರಳ ಮಾಜಿ ಪ್ರಿಯಕರ ಶಾಹೀದ್ ಕಪೂರ್ ಜೊತೆಗೆ ಟೆನ್ನಿಸ್ ತಾರೆ ಸಾನಿಯಾ ಮಿರ್ಜಾ ಅವರ ರೋಮಾನ್ಸ್ ಇದೆಯಂತೆ ಎನ್ನುವ ಅಂತೆ ಕಂತೆ ಸುದ್ದಿಗೆ ಫುಲ್ ಸ್ಟಾಪ್ ಇಟ್ಟಿರುವ ಸಾನಿಯಾ ಮಿರ್ಜಾ, ಸೋಹ್ರಬ್ ಎಂಬ ಎಂಬಿಎ ಪದವೀಧರರೊಂದಿಗೆ ಹಸೆಮಣಿ ಏರಲು ಸದ್ದಿಲ್ಲದೆ ಸಿದ್ದತೆ ನಡೆಸಿದ್ದಾರೆ.

ಸಾನಿಯಾ ಮತ್ತು ಸೋಹ್ರಬ್ ಬಾಲ್ಯ ಸ್ನೇಹಿತರು. ಎರಡು ಕುಟುಂಬಗಳ ಹಿರಿಯರ ಅಧಿಕೃತ ಒಪ್ಪಿಗೆ ಸೂಚಿಸದ ನಂತವೇ ಈ ನಿಖಾ ಕಾರ್ಯಕ್ರಮಕ್ಕೆ ಮೂಗುತಿ ಸುಂದರಿ ಹುಂಗುಟ್ಟಿದ್ದಾರಂತೆ. ಅಲ್ಲದೇ ಸೋಹ್ರಬ್ ಇರಾನಿನ ಉದ್ಯಮಿದಾರ ಸಮದ್ ಶೇಠ್ ಎಂಬುವವರ ಪುತ್ರ. ಸಮದ್ ಸೇಠ್ ಒಡೆತನದಲ್ಲಿ ವಿವಿಧ ದೇಶಗಳಲ್ಲಿ ಯುನಿವರ್ಸಲ್ ಬೇಕರ್ಸ್ ಎಂಬ ಹೆಸರಿನ ಹೋಟೆಲ್ ಗಳು ಇವೆ. ಅಲ್ಲದೇ ಇರಾನಿನ ಮಹಾರಾಜ್ ಅಜಮ್ ಶಾ ಅವರಿಗೆ ಇವರ ಹೋಟೆಲ್ ನಿಂದಲೇ ಉಪಹಾರ ಒದಗಿಸುತ್ತಿದ್ದರು. ಸೋಹ್ರಬ್ ತಾಯಿ ಶಾಹಿದಾ ಬೇಗಂ ಕೂಡಾ ರಾಜಮನೆತನದ ಹೆಣ್ಣು ಮಗಳಾಗಿದ್ದಾರೆ. ಇಂತಹ ಮನೆಗೆ ಸೋನಿಯಾ ಇದೀಗ ಸೊಸೆ ಯಾಗಿ ಮನೆ ತಂಬಲಿದ್ದಾರೆ.

ಇನ್ನೂ ಹುಡುಗನ ವಿಚಾರಕ್ಕೆ ಬರುವುದಾದರೆ, ಸಾನಿಯಾ ಮತ್ತು ಸೋಹ್ರಬ್ ಬಾಲ್ಯ ಸ್ನೇಹಿತರು. ವಾಣಿಜ್ಯ ಪದವೀಧರನಾಗಿರುವ ಸೋಹ್ರಬ್, ಇದೀಗ ಹೈದರಾಬಾದ್ ನಲ್ಲಿ ಎಂಬಿಎ ಸ್ನಾತಕೋತ್ತರ ಪದವಿ ಅಭ್ಯಾಸಕ್ಕೆ ಪ್ರವೇಶ ಪಡೆದುಕೊಂಡಿದ್ದಾರಂತೆ. ಹೈದರಾಬಾದ್ ನಲ್ಲಿರುವ ಯುನಿವರ್ಸಲ್ ಹೋಟೆಲ್ ನ ಸಂಪೂರ್ಣ ಜವಾಬ್ದಾರಿ ಸೋಹ್ರಬ್ ವಹಿಸಿಕೊಂಡಿದ್ದು. ಎಂಬಿಎ ನಂತರ ಹೋಟೆಲ್ ಉದ್ಯಮದಲ್ಲಿ ಸಕ್ರಿಯರಾಗಲಿದ್ದಾರೆ. ಜುಲೈ 10 ರಂದು ಹೈದರಾಬಾದ್ ನಲ್ಲಿ ಯಂಗೇಜ್ ಮೆಂಟ್ ಕಾರ್ಯಕ್ರಮ ಏರ್ಪಡಿಸಲಾಗಿದೆ ಎಂದು ಕುಟುಂಬ ಮೂಲಗಳು ತಿಳಿಸಿವೆ.

(ಏಜನ್ಸೀಸ್)