ಎರಡನೇ ಅಣು ಪರೀಕ್ಷೆ ನಡೆಸಿದ ಉತ್ತರ ಕೊರಿಯಾ

ಸಿಯೋಲ್, ಮೇ.25: ಪ್ರಪಂಚದಾದ್ಯಂತ ವ್ಯಕ್ತವಾಗುತ್ತಿರುವ ವಿರೋಧವನ್ನು ಲೆಕ್ಕಿಸದೆ ಉತ್ತರ ಕೊರಿಯಾ ಎರಡನೇ ಅಣು ಪರೀಕ್ಷೆಯನ್ನು ಭಾನುವಾರ, ಮೇ 24ರಂಡು ನಡೆಸಿದೆ. 2006 ಅಕ್ಟೋಬರ್ ನಲ್ಲಿ ಒಮ್ಮೆ ಅಣು ಪರೀಕ್ಷೆಯನ್ನು ನಿರ್ವಹಿಸಿದ ಕಾರಣ ತೀವ್ರ ವಿರೋಧ ವ್ಯಕ್ತವಾಗಿತ್ತು.

ಆದರೆ ಇಂದು ಸ್ವಯಂ ರಕ್ಷಣೆಗಾಗಿ ಭೂಗರ್ಭದಲ್ಲಿ ಅಣು ಪರೀಕ್ಷೆಗಳನ್ನು ನಿರ್ವಹಿಸಲಾಯಿತು ಎಂದು ಉತ್ತರ ಕೊರಿಯಾ ತಿಳಿಸಿದೆ. ಉತ್ತರ ಕೊರಿಯಾ ಹೀಗೆ ಪ್ರಕಟಿಸುತ್ತಿದ್ದಂತೆ ಅಲ್ಲಿನ ಸ್ಟಾಕ್ ಮಾರುಕಟ್ಟೆ ತೀವ್ರ ಕುಸಿತ ಖಂಡಿತು.
ನಾವು ಯಶಸ್ವಿಯಾಗಿ ಅಣು ಪರೀಕ್ಷೆಯನ್ನು ನಡೆಸಿದ್ದೇವೆ. ನಮ್ಮ ಅಣು ಸಾಮರ್ಥ್ಯವನ್ನು ತಿಳಿಸಲು ಈ ಪರೀಕ್ಷೆ ಮಾಡಿದ್ದಾಗಿ ಉತ್ತರ ಕೊರಿಯಾ ತಿಳಿಸಿದೆ.

ಉತ್ತರ ಕೊರಿಯಾ ಅಣು ಪರೀಕ್ಷೆಗಳ ಹಿನ್ನೆಲೆಯಲ್ಲಿ ದಕ್ಷಿಣ ಕೊರಿಯಾ ತುರ್ತು ಸಭೆಯನ್ನು ಕರೆದಿದೆ. ಉತ್ತರ ಕೊರಿಯಾ ಬಳಿ ಎಂಟು ಅಣು ಬಾಂಬ್ ಗಳನ್ನು ತಯಾರಿಸುವಷ್ಟು ಫ್ಲುಟೋನಿಯಂ ಇದೆ ಎಂದು ಮೂಲಗಳು ತಿಳಿಸಿವೆ. ಅಣು ಪರೀಕ್ಷೆಗಳ ಹಿನ್ನೆಲೆಯಲ್ಲಿ ಕೊರಿಯಾ ಪರ್ಯಾಯದ್ವೀಪದಲ್ಲಿ ಉದ್ವಿಗ್ನ ಪರಿಸ್ಥಿತಿ ನಿರ್ಮಾಣವಾಗಿದೆ.

(ಏಜೆನ್ಸೀಸ್)