ಮೈಕ್ರೋಸಾಫ್ಟ್ ನಲ್ಲಿ ಇನ್ನಷ್ಟು ಜನ ಹೊರಕ್ಕೆ ?

ಬೆಂಗಳೂರು, ಮೇ. 12 : ಆರ್ಥಿಕ ಹಿಂಜರಿತದಿಂದ ಕಂಗಾಲಾಗಿರುವ ಹಿನ್ನೆಲೆಯಲ್ಲಿ ಮೈಕ್ರೋಸಾಫ್ಟ್ ಕಂಪನಿಯಲ್ಲಿ ಈಗಾಗಲೇ ಭಾರತದಲ್ಲಿ ಶೇ. 1 ರಷ್ಟು ಉದ್ಯೋಗಿಗಳಿಗೆ ಪಿಂಕ್ ಸ್ಲಿಪ್ ನೀಡಿದೆ. ಮುಂದಿನ ದಿನಗಳಲ್ಲಿ ಆರ್ಥಿಕ ಪರಿಸ್ಥಿತಿ ಹೀಗೆ ಮುಂದುವರೆದಲ್ಲಿ ಇನ್ನಷ್ಟು ಜನರನ್ನು ಕೆಲಸದಿಂದ ತೆಗೆಯಲಾಗುವುದು ಎಂದು ಕಂಪನಿ ತಿಳಿಸಿದೆ.

ಆರ್ಥಿಕ ಕುಸಿತದಿಂದ ಹಣಕಾಸು ಸ್ಥಿತಿ ಗಮನಾರ್ಹ ರೀತಿಯಲ್ಲಿ ಕುಸಿತ ಕಂಡಿದೆ. ಇದೇ ಸ್ಥಿತಿ ಮುಂದುವರೆದಲ್ಲಿ ಕಂಪನಿಯ ಇನ್ನಷ್ಟು ಉದ್ಯೋಗಿಗಳು ಕೆಲಸ ಕಳೆದುಕೊಳ್ಳಲಿದ್ದಾರೆ ಎಂದು ಮೈಕ್ರೋಸಾಫ್ಟ್ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಸ್ಟೀವ್ ಬಲ್ಲಾಮಾರ್ ತಿಳಿಸಿದ್ದಾರೆ.

ಬೆಂಗಳೂರು ಮತ್ತು ಹೈದರಾಬಾದ್ ನ ಕಂಪನಿಯಲ್ಲಿರುವ ವಿಂಡೋ ತಂತ್ರಜ್ಞರು, ಮಾರುಕಟ್ಟೆ ಮತ್ತು ಸಪೋರ್ಟ್ ಟೀಮ್ ನಲ್ಲಿರುವ ಒಟ್ಟು 55 ಉದ್ಯೋಗಿಗಳಿಗೆ ಪಿಂಕ್ ಸ್ಲಿಪ್ ನೀಡಲಾಗಿದೆ. ಇದೇ ಜನವರಿಯಿಂದ ಪಿಂಕ್ ಸ್ಲಿಪ್ ಕಾರ್ಯ ಆರಂಭಿಸಿರುವ ಮೈಕ್ರೋಸಾಫ್ಟ್ ಜಗತ್ತಿನಾದ್ಯಂತ ಒಟ್ಟು 5 ಸಾವಿರ ಉದ್ಯೋಗಿಗಳನ್ನು ಮನಗೆ ಕಳುಸುವುದಾಗಿ ಹೇಳಿತ್ತು. ಅಮೆರಿಕ 1500 ಉದ್ಯೋಗಿಗಳನ್ನು ಮನೆ ಕಳುಹಿಸಲಾಗಿದ್ದು, ಭಾರತ ಸೇರಿ ಉಳಿದೆಡೆ 3500 ಮಂದಿ ಉದ್ಯೋಗ ಕಳೆದುಕೊಳ್ಳಲಿದ್ದಾರೆ. ಮೇ 5 ಕ್ಕೆ 3000 ಸಾವಿರ ಮಂದಿ ಮೈಕ್ರೋಸಾಫ್ಟ್ ನಿಂದ ಹೊರಬಿದ್ದಿದ್ದಾರೆ.

(ಏಜನ್ಸೀಸ್)

ಮೈಕ್ರೋಸಾಫ್ಟ್ : ಭಾರತದಲ್ಲಿ ಶೇ. 1ರಷ್ಟು ಕಟ್