4ನೇ ಹಂತ : ಶೇ. 57 ರಷ್ಟು ಮತದಾನ

ನವದೆಹಲಿ, ಮೇ. 8 : ಗುರುವಾರ ನಡೆದ ನಡೆದ 4ನೇ ಹಂತದ ಲೋಕಸಭೆ ಚುನಾವಣೆಯಲ್ಲಿ ಶೇ. 57 ರಷ್ಟು ಮತದಾನವಾಗಿದೆ. 8 ರಾಜ್ಯ ಮತ್ತು ಕೇಂದ್ರಾಡಳಿತ ಪ್ರದೇಶವಾದ ದೆಹಲಿ ಸೇರಿ ಒಟ್ಟು 85 ಕ್ಷೇತ್ರಗಳಲ್ಲಿ ನಡೆದ ಚುನಾವಣೆ ಬಹುತೇಕ ಶಾಂತಿಯುತವಾಗಿತ್ತು ಎಂದು ಚುನಾವಣಾ ಆಯೋಗ ತಿಳಿಸಿದೆ.

ರಾಜಸ್ಥಾನದ-25, ದೆಹಲಿ-7, ಹರಿಯಾಣಾ-11, ಬಿಹಾರ-3, ಜಮ್ಮು-ಕಾಶ್ಮೀರ-1, ಪಂಜಾಬಿನ-4, ಉತ್ತರ ಪ್ರದೇಶ-18 ಹಾಗೂ ಪಶ್ಚಿಮ ಬಂಗಾಲದ 17 ಕ್ಷೇತ್ರಗಳಲ್ಲಿ ಮತದಾನ ನಡೆಯಿತು. ಪಶ್ಚಿಮ ಬಂಗಾಲದಲ್ಲಿ ಹಿಂಸಾತ್ಮಾಕ ಘಟನೆಗಳು ನಡೆದಿದ್ದರೂ, ಅಲ್ಲಿಯೇ ಹೆಚ್ಚು ಮತದಾನ ಶೇ. 75 ರಷ್ಟಾಗಿದೆ. ಪಂಜಾಬ್ ಶೇ. 65, ಹರಿಯಾಣ ಶೇ. 63, ದಿಲ್ಲಿ, ರಾಜಸ್ಥಾನ ಹಾಗೂ ಉತ್ತರ ಪ್ರದೇಶದಲ್ಲಿ ಶೇ. 50 ಮತ್ತು ಜಮ್ಮು ಕಾಶ್ಮೀರದಲ್ಲಿ ಕೇವಲ ಶೇ. 24 ರಷ್ಟು ಮತದಾನವಾಗಿದೆ ಎಂದು ಆಯೋಗ ತಿಳಿಸಿದೆ.

(ಏಜನ್ಸೀಸ್)
4ನೇ ಹಂತ : ನಂದಿಗ್ರಾಮದಲ್ಲಿ ಹಿಂಸಾಚಾರ
ಮತದಾರರ ಪಟ್ಟಿಯಲ್ಲಿ ಚಾವ್ಲಾ ಹೆಸರು ಮಾಯ