ಅಕ್ರಮ ಮದ್ಯ ತಯಾರಿಕೆ; ಮಾಹಿತಿ ನೀಡಲು ಮನವಿ

ಕೋಲಾರ, ಏ.26 : ಸಮಾಜಘಾತುಕ ವ್ಯಕ್ತಿಗಳು ಹಣದ ಆಸೆಯಿಂದ ಅಕ್ರಮ ಮದ್ಯವನ್ನು ಸಂಗ್ರಹಿಸಿ ಮಾರಾಟ ಮಾಡಿ ದುರ್ಲಾಭ ಪಡೆಯುವವ ಸಂಭವವಿದ್ದು, ಇದು ಕಳಪೆ ಗುಣಮಟ್ಟದ್ದಾರಿರುತ್ತದೆಯಲ್ಲದೆ, ವಿಷಪೂರಿತವಾಗಿರುತ್ತದೆ. ಇದರ ಸೇವನೆಯಿಂದ ಅಮಾಯಕರ ಪ್ರಾಣಹಾನಿಯಾಗುತ್ತದೆ. ಸರ್ಕಾರದಿಂದ ಅಂಗೀಕೃತವಾಗಿರುವ ಮದ್ಯ ಮಾರಾಟಗಾರರಿಂದ ಮಾತ್ರ ಗುಣಮಟ್ಟದ ಮದ್ಯವನ್ನು ಪಡೆಯಬೇಕೆಂದು ಅಬಕಾರಿ ಉಪಾಯುಕ್ತರು ಕೋರಿದ್ದಾರೆ.

ಕಳ್ಳಭಟ್ಟಿ, ಸಾರಾಯಿ, ಹೆಂಡ ಮುಂತಾದವುಗಳನ್ನು ತಯಾರಿಸುವ ಹಾಗೂ ಮಾರಾಟ ಮಾಡುವವರ ವಿರುದ್ಧ ಅಬಕಾರಿ ಇಲಾಖೆಗೆ 08152-222115, 222416ಹಾಗೂ 222540 ದೂರವಾಣಿ ಸಂಖ್ಯೆಗಳಲ್ಲಿ ಕರೆ ಮಾಡಿ ಮಾಹಿತಿ ನೀಡಬಹುದೆಂದು ಅವರು ತಿಳಿಸಿದ್ದಾರೆ.

(ದಟ್ಸ್ ಕನ್ನಡ ವಾರ್ತೆ)