ಬಳ್ಳಾರಿಯಲ್ಲಿ ನಾಲ್ವರು ಸಜೀವ ದಹನ
ಬಳ್ಳಾರಿ, ಏ. 25 : ಆಕಸ್ಮಿಕವಾಗಿ ಹೊತ್ತಿಕೊಂಡ ಬೆಂಕಿಯಿಂದ ಮೂರು ಮಕ್ಕಳು ಹಾಗೂ ಒಬ್ಬ ಮಹಿಳೆ ಸೇರಿ ಒಂದು ಕುಟುಂಬದ ನಾಲ್ವರು ಸಜೀವ ದಹನವಾಗಿರುವ ಹೃದಯವಿದ್ರಾವಕ ಘಟನೆಯ ನಗರದ ಬಾಪೂಜಿ ನಗರದಲ್ಲಿ ಶನಿವಾರ ನಡೆದಿದೆ.
ಆಲಂಭಿ(45), ನಜ್ಮಾ (15), ಸಬಿಯಾ (7) ಮತ್ತು ಗೌಷಿಯಾ (6) ಬೆಂಕಿಯಲ್ಲಿ ಸಜೀವ ದಹನವಾದ ದುರ್ದೈವಿಗಳಾಗಿದ್ದಾರೆ. ನಗರದ ಬಾಪೂಜಿನಗರದಲ್ಲಿ ಒಂದೇ ಕೊಠಡಿಯ ಮನೆಯೊಂದರಲ್ಲಿ ವಾಸಿಸುತ್ತಿದ್ದ ಅವರು, ಇಂದು ಅಡಿಗೆ ಮಾಡುತ್ತಿದ್ದಾಗ ಆಕಸ್ಮಿಕವಾಗಿ ಬೆಂಕಿ ತಲುಗುತ್ತಿದ್ದು, ಮನೆ ತುಂಬಾ ಆವರಿಸಿದ್ದರಿಂದ ಮನೆಯಲ್ಲಿ ಆಲಂಭಿ ಹಾಗೂ ಅವರ ಮೂರು ಮಕ್ಕಳು ಸಜೀವ ದಹನವಾದ ದಾರಣ ಘಟನೆ ನಡೆದಿದೆ.
ವಿಷಯ ತಿಳಿದ ತಕ್ಷಣ ಸ್ಥಳಕ್ಕೆ ಅಗ್ನಿಶಾಮಕ ದಳ ಆಗಮಿಸುವಷ್ಟರಲ್ಲಿ ನಾಲ್ವರ ದೇಹಗಳು ಭಾರಿ ಪ್ರಮಾಣದಲ್ಲಿ ಸುಟ್ಟು ಹೋಗಿತ್ತು. ತಕ್ಷಣವೇ ಸ್ಥಳೀಯ ವಿಮ್ಸ್ ಆಸ್ಪತ್ರೆಗೆ ದಾಖಲಿಸಿತಾದರೂ ಅವರ ದೇಹ ಶೇ. 80ಕ್ಕೂ ಹೆಚ್ಟು ಸುಟ್ಟಿದ್ದರಿಂದ ಅವರ ಮೃತಪಟ್ಟಿರುವುದಾಗಿ ವೈದ್ಯರು ತಿಳಿಸಿದರು. ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.
(ದಟ್ಸ್ ಕನ್ನಡ ವಾರ್ತೆ)