ಗುಲ್ಬರ್ಗ ಲೋಕಸಭೆ ಕ್ಷೇತ್ರದ ಪರಿಚಯ

ಬೆಂಗಳೂರು, ಏ. 13 : ಸಾಮಾನ್ಯ ಕ್ಷೇತ್ರದಿಂದ ಮೀಸಲು ಕ್ಷೇತ್ರವಾಗಿ ಮೊದಲ ಬಾರಿ ಪರಿವರ್ತನೆಗೊಂಡಿದೆ. ಇದುವರೆಗೆ ರಾಜ್ಯ ರಾಜಕಾರಣ ಮಾಡುತ್ತಿದ್ದ ಮಲ್ಲಿಕಾರ್ಜುನ ಖರ್ಗೆಯವರನ್ನು ಕಾಂಗ್ರೆಸ್ ಪಕ್ಷ ರಾಷ್ಟ್ರರಾಜಕಾರಣಕ್ಕೆ ಕರೆ ತರಲು ವರಿಷ್ಠರು ನಿರ್ಧರಿಸಿದ್ದಾರೆ. ದಿ.ವೀರೇಂದ್ರ ಪಾಟೀಲ್, ಧರ್ಮಸಿಂಗ್ ಸೇರಿದಂತೆ ಇಬ್ಬರು ಮುಖ್ಯಮಂತ್ರಿಗಳು, ಖರ್ಗೆ ಸೇರಿದಂತೆ ಪ್ರಭಾವಿ ಮುಖಂಡರನ್ನು ನೀಡಿರುವುದು ಗುಲ್ಬರ್ಗ ಕ್ಷೇತ್ರದ ಕೊಡುಗೆ. ಇದುವರೆಗೆ ಕಾಂಗ್ರೆಸ್ ಪಕ್ಷದ ಭದ್ರಕೋಟೆ. ಮೂರು ಬಾರಿ ಮುಸ್ಲಿಂ, ಒಂದು ಬಾರಿ ಕ್ರಿಶ್ಚಿಯನ್ ಜನಾಂಗಕ್ಕೆ ಸೇರಿದ ಅಭ್ಯರ್ಥಿ ಆಯ್ಕೆಯಾಗಿದ್ದಾರೆ.

ಲಿಂಗಾಯತ, ದಲಿತ ಮತ್ತು ಅಲ್ಪಸಂಖ್ಯಾತರ ಪ್ರಾಬಲ್ಯವಿರುವ ಕ್ಷೇತ್ರ. ತೊಗರಿ ಉತ್ಪಾದನೆಯಲ್ಲಿ ರಾಜ್ಯಕ್ಕೇ ಮೊದಲು. ಭತ್ತ, ಜೋಳ, ಶೇಂಗ, ಸೂರ್ಯಕಾಂತಿ, ಕಡಲೆ ಕ್ಷೇತ್ರದ ಇತರ ಪ್ರಮುಖ ಬೆಳೆಗಳು. ಶರಣರು - ಸೂಫಿ ಸಂತರ ಭಾವೈಕ್ಯತೆಯ ನಾಡು. ಐತಿಹಾಸಿಕ ಶರಣಬಸವೇಶ್ವರ ದೇವಾಲಯ, ಖಾಜಾ ಬಂದಾ ನವಾಜ್ ದರ್ಗಾ ಭಾವೈಕ್ಯತೆಯ ಸಂಕೇತಗಳಾಗಿವೆ. ಬಸವಣ್ಣನವರ ಕರ್ಮಭೂಮಿ. ನಾಲ್ಕು ಪ್ರಮುಖ ಸಿಮೆಂಟ್ ಕಾರ್ಖಾನೆ ಜಿಲ್ಲೆಯಲ್ಲಿರುವ ಕೈಗಾರಿಕೆ.

* ಕ್ಷೇತ್ರ - ಗುಲ್ಬರ್ಗ ( ಎಸ್ ಸಿ ಮೀಸಲು)
* ಚುನಾವಣೆ ದಿನಾಂಕ : ಏಪ್ರಿಲ್ 23

ಅಭ್ಯರ್ಥಿಗಳು

* ಕಾಂಗ್ರೆಸ್ - ಮಲ್ಲಿಕಾರ್ಜುನ ಖರ್ಗೆ
* ಬಿಜೆಪಿ - ರೇವೂನಾಯಕ ಬೆಳಮಗಿ
* ಜನತಾದಳ - ಬಾಬು ಹೊನ್ನಾನಾಯಕ.

ಕ್ಷೇತ್ರ ವ್ಯಾಪ್ತಿಯ ವಿಧಾನಸಭಾ ಕ್ಷೇತ್ರಗಳು

* ಗುಲ್ಬರ್ಗ ಗ್ರಾಮಾಂತರ
* ಗುಲ್ಬರ್ಗ ದಕ್ಷಿಣ
* ಗುಲ್ಬರ್ಗ ಉತ್ತರ
* ಆಫಜಲ್ ಪುರ
* ಜೇವರ್ಗಿ
* ಚಿತ್ತಾಪುರ
* ಸೇಡಂ
* ಗುರುಮಠಕಲ್

* ಒಟ್ಟು ಮತದಾರರು - 15.14 ಲಕ್ಷ
* ಪುರುಷರು - 7.61 ಲಕ್ಷ
* ಮಹಿಳೆಯರು - 7.52 ಲಕ್ಷ

ಜಾತಿವಾರು ಲೆಕ್ಕಾಚಾರ

* ಲಿಂಗಾಯಿತರು 4 ಲಕ್ಷ
* ಮುಸ್ಲಿಂ 3.70 ಲಕ್ಷ
* ಕುರುಬರು 1 ಲಕ್ಷ
* ಲಂಬಾಣಿ 1.8 ಲಕ್ಷ
* ಕಬ್ಬಲಿಗರು 1.8 ಲಕ್ಷ
* ಎಸ್ ಸಿ, ಎಸ್ ಟಿ 2.35 ಲಕ್ಷ
* ಬ್ರಾಹ್ಮಣರು 50 ಸಾವಿರ

ಕ್ಷೇತ್ರದ ಸಮಸ್ಯೆಗಳು

* ತುರ್ತಾಗಿ ಬೇಕಾಗಿರುವ ಗುಲ್ಬರ್ಗ - ಬೀದರ್ ರೈಲ್ವೆ ಮಾರ್ಗ ಮತ್ತು ವಿಮಾನ ನಿಲ್ದಾಣ.
* ರಾಷ್ಟ್ರೀಯ ಹೆದ್ದಾರಿ ಇಲ್ಲ.
* ಸಣ್ಣ ಉದ್ದಿಮೆಗೆ ಉತ್ತೇಜನದ ಕೊರತೆ.
* ಖಡಕ್ ಬಿಸಿಲಿನ ಪ್ರದೇಶದಲ್ಲಿ ಲೋಡ್ ಶೆಡ್ಡಿಂಗ್ ಹೆಚ್ಚಳ.
* ಜಿಲ್ಲಾವಾರು ಮಂಡಳಿ ನೇಮಕದಲ್ಲಿ ಸ್ಥಳೀಯರಿಗೆ ಹೆಚ್ಚಿನ ಆದ್ಯತೆ.

(ದಟ್ಸ್ ಕನ್ನಡ ವಾರ್ತೆ)

ಲೋಕಸಭೆ ಚುನಾವಣೆ2009 ತಾಜಾ ಸುದ್ದಿಗಳು