ಕೋಲಾರ ಲೋಕಸಭೆ ಕ್ಷೇತ್ರದ ವಿವರ

ಬೆಂಗಳೂರು, ಏ. 9 : ಕಾಂಗ್ರೆಸ್ ಪಕ್ಷದ ಭದ್ರಕೋಟೆಯಾಗಿರುವ ಕೋಲಾರದಲ್ಲಿ ಇದುವರೆಗೆ ನಡೆದ 14 ಚುನಾವಣೆಯಲ್ಲಿ ಕಾಂಗ್ರೆಸ್ ಪಕ್ಷವನ್ನು ಸೋಲಿಸಲು ಯಾವ ಪಕ್ಷಕ್ಕೂ ಸಾಧ್ಯವಾಗಿಲ್ಲ. ಸತತ ಐದು ಬರಿ ಆಯ್ಕೆಯಾಗಿರುವ ಕೆ ಎಚ್ ಮುನಿಯಪ್ಪ ಮತ್ತೆ ಕಾಂಗ್ರೆಸ್ ಪಕ್ಷದಿಂದ ಕಣಕ್ಕಿಳಿದಿದ್ದಾರೆ. ಮುನಿಯಪ್ಪ ಅವರನ್ನು ಸೋಲಿಸಲೆಬೇಕು ಎಂಬ ಹುಮ್ಮಸ್ಸಿನಿಂದ ಬಿಜೆಪಿ ಅಭ್ಯರ್ಥಿಯಾಗಿ ಡಿ ಎಸ್ ವೀರಯ್ಯ ಅಖಾಡದಲ್ಲಿದ್ದಾರೆ.

ಕ್ಷೇತ್ರದ ಕಿರು ಪರಿಚಯ.

* ಕ್ಷೇತ್ರ - ಕೋಲಾರ ( ಎಸ್ ಸಿ - ಮೀಸಲು)
* ಅಭ್ಯರ್ಥಿಗಳು ; ಕಾಂಗ್ರೆಸ್ - ಕೆ ಎಚ್ ಮುನಿಯಪ್ಪ, ಬಿಜೆಪಿ - ಡಿ ಎಸ್ ವೀರಯ್ಯ, ಜನತಾದಳ - ಜಿ ಚಂದ್ರಣ್ಣ
* ಮತದಾನದ ದಿನಾಂಕ - ಏಪ್ರಿಲ್ 23

ಕ್ಷೇತ್ರ ವ್ಯಾಪ್ತಿಯ ತಾಲೂಕುಗಳು

* ಶಿಡ್ಲಘಟ್ಟ
* ಚಿಂತಾಮಣಿ,
* ಶ್ರೀನಿವಾಸಪುರ,
* ಮುಳಬಾಗಿಲು,
* ಕೋಲಾರ,
* ಮಾಲೂರು,
* ಬಂಗಾರಪೇಟೆ
* ಕೆಜಿಎಫ್

* ಒಟ್ಟು ಮತದಾರರು - 13 ಲಕ್ಷ
* ಪುರುಷರು - 6.69 ಲಕ್ಷ
* ಮಹಿಳೆಯರು - 6.52 ಲಕ್ಷ

ಜಾತಿವಾರು ಲೆಕ್ಕಾಚಾರ

* ಒಕ್ಕಲಿಗ -2.30 ಲಕ್ಷ,
* ಕುರುಬ -1.9 ಲಕ್ಷ,
* ಭೋವಿ - 1.2 ಲಕ್ಷ,
* ಮುಸ್ಲಿಂ - 1.3 ಲಕ್ಷ,
* ಬಣಜಿಗ - 70 ಸಾವಿರ,
* ಎಸ್ ಸಿ / ಎಸ್ ಟಿ - 1.7 ಲಕ್ಷ, * ಇತರರು - 2.9 ಲಕ್ಷ

ಚಿನ್ನದ ನಾಡು, ಹೊನ್ನಿನ ಬೀಡಿನ ಇದುವರೆಗೆ ಪರಿಹಾರ ಕಾಣದ ಸಮಸ್ಯೆಗಳು

* ಯಾವುದೇ ನದಿ ನಲೆಯಿಲ್ಲ
* 3 ಸಾವಿರಕ್ಕೂ ಹೆಚ್ಚು ಕೆರೆಗಳು ಮಂಗಮಾಯ
* ಬೆಮೆಲ್ ಹೊರತು ಪಡಿಸಿ ಯಾವುದೇ ಸಾರ್ವಜನಿಕ ಉದ್ದಿಮೆಗಳಿಲ್ಲ
* ಬಿಜಿಎಮ್ಎಲ್ ಮುಚ್ಚಿದ ಮೇಲೆ ಪರ್ಯಾಯ ಕೈಗಾರಿಕೆ ಸ್ಥಾಪನೆಯಾಗಿಲ್ಲ
* ಹೆಚ್ಚು ಕಮ್ಮಿ 10 ಸಾವಿರ ಮಂದಿ ಪ್ರತಿದಿನ ಹೊಟ್ಟೆಪಾಡಿಗಾಗಿ ಗುಳೇ ಹೋಗುವ ಪರಿಸ್ಥಿತಿ.
* ಶಾಶ್ವತ ನೀರಿನ ವ್ಯವಸ್ಥೆಯಿಲ್ಲ

(ದಟ್ಸ್ ಕನ್ನಡ ವಾರ್ತೆ)