ಪಾಕ್ ಮೇಲೆ ವಾರಕ್ಕೆರಡು ದಾಳಿ, ತಾಲಿಬಾನ್

ಇಸ್ಲಾಮಾಬಾದ್, ಏ. 6 : ದೇಶದ ವಾಯುವ್ಯ ಭಾಗದಲ್ಲಿ ನಿಯೋಜಿಸಲಾಗಿರುವ ಸೇನಾಪಡೆಯನ್ನು ಶೀಘ್ರದಲ್ಲಿ ಹಿಂಪಡೆಯದಿದ್ದರೆ ವಾರಕ್ಕೆ ಎರಡು ಬಾರಿ ದಾಳಿ ನಡೆಸಲಾಗುವುದು. ಅಗತ್ಯ ಬಿದ್ದರೆ ವೈಮಾನಿಕ ದಾಳಿಯನ್ನು ಕೂಡಾ ನಡೆಸಲಾಗುವುದು ಎಂದು ತಾಲಿಬಾನ್ ಉಗ್ರರು ಪಾಕಿಸ್ತಾನ ಸರ್ಕಾರಕ್ಕೆ ಎಚ್ಚರಿಕೆ ನೀಡಿದ್ದಾರೆ.

ಇತ್ತೀಚೆಗೆ ಪೊಲೀಸ್ ಅಕಾಡೆಮಿ ಮೇಲೆ ದಾಳಿಯ ಹೊಣೆಯನ್ನು ತಾಲಿಬಾನ್ ಉಗ್ರರ ಮುಖಂಡ ಬೈತುಲ್ಲಾ ಮೆಹಸೂದ್ ಹೊತ್ತುಕೊಂಡಿದ್ದ. ಪೊಲೀಸ್ ಅಕಾಡೆಮಿಯ ಮೇಲೆ ನಡೆದ ದಾಳಿಯಲ್ಲಿ 12 ಮಂದಿ ಮೃತಪಟ್ಟು ಹಲವರು ಗಾಯಗೊಂಡಿದ್ದರು. ಕಳೆದ ವಾರ ಪಾಕಿಸ್ತಾನದಲ್ಲಿ ತಾಲಿಬಾನ್ ಉಗ್ರರ ಎರಡು ಸಲ ಆತ್ಮಾಹುತಿ ದಾಳಿಯನ್ನು ನಡೆಸಿದ್ದಾರೆ.

ದಾಳಿ ಕುರಿತು ಪ್ರತಿಕ್ರಿಯೆ ನೀಡಿರುವ ಬೈತುಲ್ಲಾ ಮೆಹಸೂದ್ ಆಪ್ತ ಎನ್ನಲಾದ ಹಕೀಂಮುಲ್ಲಾ ಮೆಹಸೂದ್, ಪಾಕಿಸ್ತಾನದ ವಾಯುವ್ಯ ಭಾಗದಲ್ಲಿ ಪಾಕಿಸ್ತಾನದ ಸರ್ಕಾರ ಸೇನಾಪಡೆ ನಿಯೋಜಿಸಿ ತಾಲಿಬಾನಿಗಳ ಮೇಲೆ ಆಕ್ರಮಣ ನಡೆಸತೊಡಗಿದೆ. ನಮ್ಮ ಶಕ್ತಿ ಪ್ರದರ್ಶನಕ್ಕೆ ನಾವುಗಳು ಮೂರು ತಿಂಗಳಿಗೆ ಒಂದರಂತೆ ದಾಳಿ ನಡೆಸಲು ಯೋಜನೆ ಹಾಕಿಕೊಂಡಿದ್ದೇವು. ಸೇನಾದಾಳಿ ಮುಂದುವರಿದಿದ್ದೆ ಆದಲ್ಲಿ, ಮುಂದಿನ ದಿನಗಳಲ್ಲಿ ಪಾಕಿಸ್ತಾನದ ಮೇಲೆ ವಾರಕ್ಕೆ ಎರಡು ದಾಳಿ ಮಾಡಬೇಕಾಗುತ್ತದೆ ಎಂದು ಉಗ್ರ ಹಕೀಮುಲ್ಲಾ ಎಚ್ಚರಿಕೆ ನೀಡಿದ್ದಾನೆ.

(ಏಜನ್ಸೀಸ್)