ತಾಜ್ ಹೋಟೆಲ್ ಗೆ ಮತ್ತೆ ಉಗ್ರರಿಂದ ಬೆದರಿಕೆ ಇಮೇಲ್

ಮುಂಬೈ, ಏ. 3 : ಕಳೆದ ತಿಂಗಳು ಮುಂಬೈ ಭಯೋತ್ಪಾದನೆಯಲ್ಲಿ ಉಗ್ರರ ಕಪಿಮುಷ್ಠಿಯಲ್ಲಿ ಬಳಲಿ ಬೆಂಡಾಗಿದ್ದ ತಾಜ್ ಮಹಲ್ ಹೋಟೆಲ್ ಗೆ ಮತ್ತೆ ಉಗ್ರರಿಂದ ಸ್ಫೋಟಿಸುವ ಬೆದರಿಕೆ ಕರೆಗಳು ದಂಡಿಯಾಗಿವೆ. ಗುರುವಾರವಷ್ಟೇ ಪಾಕಿಸ್ತಾನದಿಂದ ಬೆದರಿಕೆ ಕರೆ ಬಂದಿರುವ ಬೆನ್ನಲ್ಲೇ ಇಂದು ಕೂಡಾ ಮತ್ತೊಂದು ಬೆದರಿಕೆ ಕರೆ ಬಂದಿರುವ ಸಂಗತಿ ಬಹಿರಂಗಗೊಂಡಿದೆ.

ಇಂದು ಬೆದರಿಕೆ ಒಡ್ಡಿದ ಇಮೇಲ್ ಐಡಿಯನ್ನು ಪತ್ತೆ ಹಚ್ಚಲಾಗಿದ್ದು, ಗುರುವಾರ ಕಳುಹಿಸಿದ ಐಡಿಯಿಂದಲೇ ಇಂದಿನ ಇಮೇಲ್ ನ್ನು ಕಳುಹಿಸಲಾಗಿದೆ. ಪಾಕಿಸ್ತಾನದಿಂದ ಇಮೇಲ್ ಬಂದಿದ್ದು, ಕಳುಹಿಸಿದವರು ಯಾರೆಂದು ಗೊತ್ತಾಗಿಲ್ಲ. ಕಳೆದ ವರ್ಷ ನಡೆದ ಮುಂಬೈ ಭಯೋತ್ಪಾದನೆಯಲ್ಲಿ ತುತ್ತಾಗಿ ಇನ್ನೊ ರಿಪೇರಿ ಹಂತದಲ್ಲಿರುವ ತಾಜ್ ಹೋಟೆಲ್ ಗೆ ಉಗ್ರರು ಮತ್ತೆ ದಾಳಿ ನಡೆಸುವ ಬೆದರಿಕೆ ಒಡ್ಡಿರುವುದು ಆತಂಕದ ಸಂಗತಿಯಾಗಿದೆ.

(ದಟ್ಸ್ ಕನ್ನಡ ವಾರ್ತೆ)
ಉಗ್ರ ಕಸಬ್ ಪರ ಕಾನೂನು ಹೋರಾಟಕ್ಕೆ ಅಂಜಲಿ