ಜರ್ದಾರಿ ವಿಶ್ವದ ಐದನೇ ಅತಿದೊಡ್ಡ "ಮೂರ್ಖ"

ವಾಷಿಂಗ್ಟನ್, ಮಾ. 24 : ಅಮೇರಿಕಾದ ಪ್ರಸಿದ್ದ 'ವಿದೇಶಿ ಕಾನೂನು ಮತ್ತು ಕಾಯ್ದೆಗಳು" ಪತ್ರಿಕೆ ಒಂದು ಸಮೀಕ್ಷೆ ನಡೆಸಿದ್ದು ಅದರ ಪ್ರಕಾರ ಪಾಕಿಸ್ತಾನದ ಅಧ್ಯಕ್ಷ ಆಸೀಫ್ ಆಲಿ ಜರ್ದಾರಿ ವಿಶ್ವದ ಐದನೇ ಅತಿದೊಡ್ಡ "ಮೂರ್ಖ" ಎಂದು ತಿಳಿಸಿದೆ.

ವಿಭಿನ್ನ ರೀತಿಯಲ್ಲಿ ಸಮೀಕ್ಷೆ ನಡೆಸಿದ ಪತ್ರಿಕೆ, ಜರ್ದಾರಿ ತನ್ನ ಕುಟುಂಬ ಸದಸ್ಯರ ಜೊತೆ ಮತ್ತು ಗೆಳೆಯರ ಜೊತೆ ಕೂಡಾ ಉತ್ತಮ ಸಂಬಂಧ ಹೊಂದಿರದೆ, ಈಗ ಪಾಕಿಸ್ತಾನದಲ್ಲೂ ಜನರ ಕೋಪಕ್ಕೆ ಗುರಿಯಾಗುತ್ತಿದ್ದಾರೆ. ಪಾಕ್ ಮಾಜಿ ಪ್ರಧಾನಿ ನವಾಬ್ ಷರೀಫ್ ಮುಂದೆ ಇವರ ಆಟ ನಡೆಯುತ್ತಿಲ್ಲ. ಇದರಿಂದ ವಿರೋಧ ಪಕ್ಷಗಳು ತಮ್ಮ ಬಲವನ್ನು ಹೆಚ್ಚಿಸಿಕೊಳ್ಳುತ್ತಿದೆ ಎಂದು ತನ್ನ ಪತ್ರಿಕೆಯಲ್ಲಿ ತಿಳಿಸಿದೆ.

ಈ ಪಟ್ಟಿಯಲ್ಲಿ ಜರ್ದಾರಿಗಿಂತ ಮುಂದಿರುವ ಇತರ ನಾಲ್ವರು :

1. ಜೋಸೆಫ್ ಫ್ರಿಟ್ಜೆಲ್ (ಆಸ್ಟ್ರಿಯದ ಉದ್ಯಮಿ)
2. ರೋಮನ್ ಕ್ಯಾಥೋಲಿಕ್ ಪೋಪ್
3. ಬರ್ನಿ ಮಾಡೋಫ್ , ಅಮೇರಿಕ
4. ಕ್ರಿಸ್ ಡೊಡ್ , ಅಮೇರಿಕಾದ ಡೆಮೊಕ್ರಾಟಿಕ್ ಸೆನೆಟರ್

(ದಟ್ಸ್ ಕನ್ನಡ ವಾರ್ತೆ)