ಅಧಿಕಾರ ವಹಿಸಿಕೊಂಡ ಇಫ್ತೀಕಾರ್ ಚೌಧರಿ

ಇಸ್ಲಾಮಾಬಾದ್, ಮಾ. 22 : ತೀವ್ರ ರಾಜಕೀಯ ಸಂಘರ್ಷಕ್ಕೆ ಕಾರಣವಾಗಿದ್ದ ಅಮಾನತುಗೊಂಡಿದ್ದ ಸುಪ್ರಿಂಕೋರ್ಟ್ ನ ಮುಖ್ಯ ನ್ಯಾಯಾಧೀಶ ಇಫ್ತೀಕಾರ್ ಚೌಧರಿ ಅವರನ್ನು ಶನಿವಾರ ಅಧಿಕಾರ ವಹಿಸಿಕೊಂಡಿದ್ದು, ಮಾರ್ಚ್ 24 ರಿಂದ ಅಧಿಕೃತವಾಗಿ ಕಾರ್ಯನಿರ್ವಹಿಸಲಿದ್ದಾರೆ.

ಪಾಕಿಸ್ತಾನದ ಮೇಲೆ ಕ್ಷಿಪ್ರ ಕ್ರಾಂತಿ ಮೂಲಕ ಅಧಿಕಾರಿ ಗದ್ದುಗೆ ಏರಿದ್ದ ಪರ್ವೇಜ್ ಮುಷರಫ್ ಅವರು, 2005 ರಲ್ಲಿ ಸುಪ್ರಿಕೋರ್ಟ್ ನ್ಯಾಯಾಧೀಶರಾಗಿ ಇಫ್ತೀಕಾರ್ ಚೌಧರಿ ಅವರನ್ನು ನೇಮಿಸಿದ್ದರು. ಆದರೆ, ಇಬ್ಬರು ನಡುವೆ ಉಂಟಾದ ಮನಸ್ತಾಪದಿಂದ ತಮ್ಮ ಸ್ಥಾನಕ್ಕೆ ರಾಜೀನಾಮೆ ನೀಡಿ ಎಂದು ಮುಷರಫ್ ತಾಕೀತು ಮಾಡಿದ್ದರು. ಆದರೆ, ಚೌಧರಿ ಅವರು ಮುಷರಫ್ ಅವರ ಮಾತನ್ನು ಸ್ಪಷ್ಟವಾಗಿ ಉಲ್ಲಂಘಿಸಿದ್ದರು. ಇದರಿಂದ ಕೋಪಗೊಂಡ ಅವರು, ಚೌಧರಿ ಅವರನ್ನು ಸೇವೆಯಿಂದ ಅಮಾನತು ಮಾಡಿದ್ದರು. ಇದು ದೇಶದ ರಾಜಕೀಯದಲ್ಲಿ ತೀವ್ರ ಅಲ್ಲೋಲಕಲ್ಲೋಲ ಸೃಷ್ಟಿಸಿತ್ತು.

ಮಾಜಿ ಪ್ರಧಾನಿ ನವಾಜ್ ಷರೀಫ್ ಮತ್ತು ವಕೀಲ ಸಂಘಗಳ ಕಾರ್ಯಕರ್ತರು ಭಾರಿ ಪ್ರತಿಭಟನೆ ಹಮ್ಮಿಕೊಂಡಿದ್ದರು. ಇದರಿಂದ ದೇಶದಲ್ಲಿ ಅಶಾಂತಿ ವಾತಾವರಣ ನಿರ್ಮಾಣವಾಗಿತ್ತು. ಹಾಲಿ ಅಧ್ಯಕ್ಷ ಆಸೀಫ್ ಅಲೀ ಜರ್ದಾರಿ ಅವರನ್ನು ಅಧ್ ಸ್ಥಾನದಿಂದ ಅಮಾನತು ಮಾಡುವಂತೆ ಷರೀಫ್ ಮತ್ತು ವಕೀಲ ಒತ್ತಾಯಿಸಿದ್ದರು. ಚೌಧರಿ ಅವರು ಮಾರ್ಚ್ 24 ರಂದು ತಮ್ಮ ಎಂದಿನಂತೆ ಕಾರ್ಯನಿರ್ವಹಿಸಲಿದ್ದಾರೆ.

(ದಟ್ಸ್ ಕನ್ನಡ ವಾರ್ತೆ)